येरमीया 6:28 - Sunuwar Bible

²⁸ मेको नेल्‍ल आन थुं खकटा बाक्‍शा, काइ मटीब बाक्‍नीम। मेकोपुकी जोल पा सांकछी बाक्‍ब नु गाक्‍नीमी। मेकोपुकी कांसा नु फलाम खोदेंशो खकटा बाक्‍नीम। मेको नेल्‍ल मरिम्‍शो बाक्‍नीम। इजीकीएल २२:१८

येरमीया 6:28 ပူးပေါင်းရင်းမြစ်များ

भजन संग्रह 14:1

मूर्खपुकीमी “परमप्रभु मबाक्‍ब” दे मिम्‍नीम। मेकोपुकी ग्रांग्रा दिचा ङा दुम्‍शा, मरिम्‍शो गेय पाइनीम। मेको आन दातेमी रिम्‍शो पाइब सुइ मबाक्‍नीम।

भजन संग्रह 50:20

मिनु गे इन लोक्‍ब आन कली दोस गेशा बाक्‍नीनी। मिनु क्‍यी का रे जरमेशो इन लोक्‍ब आन कली शुक्‍शी पाइनीनी। उत्‍पत्ती २:२१

हितोपदेस 10:18

सुमी मुर काइ मदाक्‍बा, तन्‍न “दाक्‍नुङ” देंबा, मेको मुर जोल्‍फे बाक्‍ब। सुम मुर आन पर्बम जोल फ्राइबा, मेको मूर्खे बाक्‍ब।

यसैया 31:6

ए इस्राएली, गे हेंथे पा शुश ङोन लाइबपुकी, परमप्रभु गे ले‍तीन। येरमीया ७:३-५

येरमीया 18:18

मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।

येरमीया 20:10

गो शुश मुरपुकीम नोफा मुइक्मुशा लोव़ पशो नेंता। मेकोपुकीमी ‘एर ओंथ नेल्‍ल हिंचा ङा श्‍येत बाक्‍ब। येरमीया कली दोस गेय। मेको आ पर्बम उजुर पय’ देंनीम। आं नेक्‍था ङा वारच नेल्‍लेमी ‘गेना दाइल पांइसीबा’ दे आं कली कोव़नीम। मिनु लेंशा ‘गो मेको आ पर्बम लोव़ पा मेको कली ग्राने चाप्‍नीकी। गो मेको क्‍येङा ग्राशा क्‍येक्‍क लेत्‍नय’ देंतेक्‍म” देंत। येरमीया २०:३; येरमीया १८:१८

येरमीया 5:23

तन्‍न मेको मुर आन थुं खकटा नु काइ मटीब बाक्‍ब। मेकोपुकी हिरशा लाम्‍तेक्‍म।

येरमीया 6:30

तन्‍न मेको आन कली मरिम्‍शो तिल्‍शो चांदी, दे नें वोइक्‍नीम। मारदे हना परमप्रभु यावेम मेको आन कली तिल्शो बाक्‍त” देंत। १राजा ९:७

येरमीया 7:28

गे मेको आन कली ‘एको परमप्रभु यावे, आन परमप्रभु आ लोव़ मटीब रागी ङा मुर बाक्‍नीम। सजाइ ताम्‍तेक्‍म हना यो, मरुबेम। मिनु मेको आ पचा माल्‍ब देंशो मपामे। थमा लोव़ जाम्‍त। मेकोपुकीम जोल ला पाइनीम। येरमीया ५:१

येरमीया 9:3

मेकोपुकीम जोल पस ला जोक्‍नीम। मोपा जोल पतीकेमी रागी ङा ठेयब मुर दुम्‍तेक्‍म। थमा लोव़ पतीकेमी ममाइ। मेकोपुकी मरिम्‍शो पशो का रे अर्को मरिम्‍शो पाइनीम। मिनु आं कली मतुइक्‍नीम। येरमीया ५:१

येरमीया 9:4

आंम नेक्‍था ङा मुरपुकी रे होस पा बाक्‍कीन। आंम लोक्‍ब आन कली यो थमा मसुतीन। मारदे हना इन लोक्‍ब नेल्‍ल मिक्‍च सिल्‍ब बाक्‍नीम। मिनु इन नेक्‍था ङा मुरपुकी हिरशा, इन पर्बम जोल पा दोस गेना गेन बाक्‍नीम। येरमीया १२:६; भजन संग्रह ४१:१०; मीका ७:५-६

इजीकीएल 2:7

गे मेको आन कली आं लोव़ पचा माल्‍नेवे। मेकोपुकीम नेन्‍मेक्‍ल कि मनेन्‍मेक्‍ल। मारदे हना मेकोपुकी मटीब आन खिं ङा मुर बाक्‍नीम।

इजीकीएल 24:13

मिनु गो इ कली इ ग्रांग्रा दिशो गेय रे ग्रुंइशा ग्रांग्रा मदिशो सेल्‍चा माल्‍ता। तन्‍न गे ग्रांग्रा मदिशो मदुमे। मोपतीके गो गेना सम्‍म आं गाइश्‍शो नेल्‍ल इ तार मोइश्‍शा, आं थुं मनाइक्‍पाइक्‍नुङा, मेना सम्‍म गे ग्रांग्रा मदिशो सेल्‍चा मपुंइसीनेवे। इजीकीएल ५:१३

लेवी 14:43

मिनु फुल्‍लु ग्रुंइशा, अर्को फुल्‍लु प्रोव़शा, खप खोतेर पा ग्रुंइशा, अर्को खप सिल्‍शा यो, मेको बुंखी लेंशा ग्रूत हना,

लेवी 19:16

गेपुकी मुर आन पर्बम जोल पा लोव़ मपमुने। गे इन नेक्‍था ङा मुर कली साइक्‍चा ममालीन। गो परमप्रभु यावे नङ। प्रस्‍थान २३:७

प्रकाश 11:18

मिनु रागी रागी ङा मुरपुकी गाइक्‍ताक्‍म। मिनु मेको आन पर्बम गाइक्‍ताक्‍नी। बेक्‍शो मुर आन कली निसाफ पची ना दुम्‍त। मिनु इन लोव़ पाइब, इन नोले खोइक्‍ब, इन नें कली मान पा हिंब, आइक्‍च नु ठेयब मुर नेल्‍ल आन कली इनाम गेची ना दुम्‍त। मिनु गे रागी कली बिग्रेब मुर आन कली बिग्रेथ जाक्‍तीनी” दे परमप्रभु यावे कली देंतेक्‍म। भजन संग्रह २:३

प्रकाश 19:2

मारदे हना परमप्रभु यावे आ पशो निसाफ थमा नु ठीक बाक्‍ब। मिनु परमप्रभु यावेमी रागी नेल्‍ल ङा मुर आन कली खतम सेल्‍ब तेल्‍लेम कली ठीक पा सजाइ गेप्‍तु। मेको तेल्‍लेममी शुश परमप्रभु यावे आ वाइलीम वाइल आन कली साइक्‍तीके, मुल मेको कली क्‍येक्‍क लेत्‍ताक्‍व” दे ग्रीशो नेंता। प्रकाश ६:३०; ब्‍यवस्‍था ३२:४३