येरमीया 6:2 - Sunuwar Bible

² सियोन सहर दारशो योव़तीके खोदेंशो बाक्‍ब। तन्‍न सियोन आ तमी क्‍याम्‍चा पुंइसीब।

येरमीया 6:2 ပူးပေါင်းရင်းမြစ်များ

यसैया 1:8

सियोन आ तमी, यरूसलेम, चहिं अङगुर रू खाल पतीक खिं, वोबीस रू खाल पतीक गोठ नु एर ओंथ रे जोरी सत्रुम पुम्‍चा पुंइसीशो सहर खोदेंशो बाक्‍ब” दे लोव़ पाप्‍तु।

येरमीया 4:31

गो सुत्‍केरी रोइ पशो मीश मुर आ सेंदा खोदेंशो नेंता। मेको ङोंइती ङा आल थिचा चिक्‍शो मीश मुर आ सेंदा खोदेंशो बाक्‍त। सियोन आ तमीमी आ गुइ दिंशा आ सास कीशा ‘आबी, आं कली साइक्‍ब आन ङोंइती थाइनुङ’ देंत” दे परमप्रभु देंत।

बिलाप 2:1

परमप्रभु गाइश्‍शा, सियोन आ तमी कली मुने तोक्‍तु। इस्राएल आ दारस कली सरीङ रे पा रागीमी तोक्‍तु। आ गाइश्‍शो नाक्‍ती आंम खोइल वोइक्‍तीक सियोन कली यो प्रेंताक्‍व। भजन संग्रह १३२:७-८

बिलाप 2:13

ए यरूसलेम आ तमी, गो इ पर्बम मार देंङा? गो इ कली मार नु थाप्‍तु? ए सियोन आ कन्‍ने तमी इ थुं बार‍पाइक्‍चा कली इ कली मार नु थाप्‍तु? इ श्‍येत समुन्‍द्र खोदेंशो पा ठेयब बाक्‍ब। सुइम इ कली सापाइक्‍ने मच‍ब।

बिलाप 4:5

ब्रोव़शो ब्रोव़शो जाइबपुकी मुल लां मेर बेक्‍नीम। दारशो वासी फेक्‍शा कोल्‍शो मुल पुलु ताइक्‍तीकेम बाक्‍नीम।

ब्‍यवस्‍था 28:56

मिनु इन दाते ङा नेल्‍ल आन क्‍येङा शकल मकल पाइश्‍शो नु नेल्‍ल क्‍येङा सुख जशो, आ खोइलीमी खप यो थेक्‍ने मबिप्‍ब मीश मुरुम आ दाक्‍शो वोंइश नु आ तमी तौ कली गेहे पा कोव़ब।