येरमीया 6:13 - Sunuwar Bible

¹³ परमप्रभु यावेमी “नेल्‍ल क्‍येङा आइक्‍च मुर रे नेल्‍ल क्‍येङा ठेयब सम्‍म ठीक पा मचेम्‍शो क्‍येट तचा कली शिंम दुम्‍शो बाक्‍नीम। परमप्रभु यावे आ लोव़ पाइब रे चढ़ेब सम्‍म नेल्‍ल जोल पाइब दुम्‍शो बाक्‍नीम। येरमीया ८:१०-१२; इजीकीएल १३:१०-१६; १थिस्‍सलोनिकी ५:३

येरमीया 6:13 ပူးပေါင်းရင်းမြစ်များ

यसैया 28:7

चढ़ेब नु परमप्रभु यावे आ लोव़ पाइबपुकी यो अङगुर शांबुम दुक्‍नीम। राकसीम दुक्‍शा, दिङ दाङ गोल्‍चा चिक्‍शा गाक्‍शो बाक्‍नीम। चढ़ेब नु परमप्रभु यावे आ लोव़ पाइबपुकी राक‍सीम दुक्‍शा गाक्‍नीम। अङगुर शांबुम दुक्‍तीके आन मिम्‍तीके ग्रांग्‍ये माग्‍ये दुम्‍त। मेकोपुकी राकसीम दुक्‍शा, दिङ दाङ गोल्‍चा चिक्‍शा गाक्‍शो बाक्‍नीम। मेकोपुकीम फश लोव़ ला पाइनीम। मतुइक्‍थु दूली निसाफ पाइनीम।

यसैया 57:17

मेको आन परमप्रभु यावे आ अरेशो मटि‍थु, शिं‍म दुम्‍तीके गाइक्‍ताक्‍ङ। गो मेको आन कली तुप्‍शा थाइश्‍शा गाइक्‍ताक्‍ङ। तन्‍न मेकोपुकी नोले शोंइसीशा आंम आन लां लाम्‍तेक्‍म।

येरमीया 14:18

गो मेको रागी लती हना, तरवारम साइक्‍चा पुंइसीशोपुकी ताइक्‍नुङमी। गो मेकेर ङा सहरम ओव़ती हना, मेकेर अन्‍काल पशो मुरपुकी ताइनुङमी। परमप्रभु यावे आ लोव़ पाइबपुकी नु चढ़ेब नेल्‍ल मारेइ मतुइक्‍थु, आन गेय पना पन बाक्‍नीम” दे माइक्‍ती।

येरमीया 17:11

मुर, आंम आ मपशो ब्‍वोफु पुप्‍ब क्‍येन्‍रे खोदेंशो बाक्‍ब। मेकोमी हेंथे पा शोंप चेम्‍ब। मेको आ ब्रोंइतीक नाक्‍ती उइक्‍थ दुम्‍मेनु, मेको आ शोंपोम मेको मुर कली प्रोंइब। मिनु आ बेक्‍ची ना मेको कली मूर्ख मिम्‍सीब। लूका १२:२०

येरमीया 2:26

दोपा खुइ ग्‍याइक्‍चा पुंइसेनु, मुने दोक्‍बा, मोपा इस्राएल आ खिं ङा मुरपुकी मुने दोक्‍नीम। मेकोपुकी, आन पिपी, आन ठेयब मुरपुकी, आन चढ़ेबपुकी नु मेको आन जोल पा परमप्रभु यावे आ लोव़ पाइबपुकी मुने दोक्‍नीम।

येरमीया 2:29

गेपुकीम मारदे आं कली गन गन पाइनीनी? गे नेल्‍ल आं कली काइ मटीब दुम्‍शो बाक्‍नीनी।

येरमीया 2:8

चढ़ेबपुकीम ‘परमप्रभु यावे ते बाक्‍बा?’ मदेंम। आं अरेशो लोव़ शेंबपुकीम आं कली मतुइक्‍तीमी। सासन पाइबपुकी आं कली ममिम्‍थु, हेंथे गाक्‍तेक्‍म। आं लोव़ पाइबपुकीम बाल देवता आ नेंम नोले दुम्‍ब लोव़ पाम्‍तेक्‍म। मिनु शोर गाक्‍शो मूर्ति आन नोले खोइक्‍तेक्‍म” देंत।

येरमीया 22:17

तन्‍न इ मिक्‍च नु इ थुंम ठीक पा मचेम्‍शो क्‍येट ला बाक्‍ब। गे दोस मताइब आन हुश शाइक्‍पाइक्‍नेवे। गे मुर आन कली दिप्‍शा हुश ख्राक्‍श पोक्‍नेवे। मरिम्‍शो पचा नु रोइक्‍चा ला दाक्‍नेवे।

येरमीया 23:10

मारदे हना एको रागी तेल्‍लेम पतीकेम ब्रीशो बाक्‍ब। सराप रतीके, रागीम रोंका पाइब। मुर मबाक्‍तीके बस्‍तु योव़तीके सोव़तेक्‍म। परमप्रभु यावे आ लोव़ पाइब आन पतीके काइ मरिम्‍शो बाक्‍ब। आन सक्ति दूली पा चलेनीम। येरमीया १२:४

येरमीया 23:11

परमप्रभु यावेमी “आं लोव़ पाइब नु चढ़ेब नेल्‍ल आं कली ममानेब दुम्‍तेक्‍म। मेकोपुकीमी आं खिंमी यो आं अरेशो लोव़ मटीनीम। येरमीया ५:३१

येरमीया 27:15

परमप्रभु यावेम ‘गो मेको आन कली मसोइक्‍तुमी। तन्‍न मेकोपुकीम आं नेंम जोल पा लोव़ पाइनीम। मेको आन लोव़ नेंतीनी हना, गो इन कली एको रागी रे खेरनन्‍नी। मिनु गे बेक्‍नीनी। गेपुकी नु इन कली जोल पा लोव़ पाइब मो दुम्‍नीनी’ देंती” देंत।

येरमीया 32:32

मेको इस्राएल नु यहूदा ङा मुरपुकीमी आं कली गाइक्‍पाइक्‍चा कली आन मरिम्‍शो पशो आन पर्बम पाइनुङ। मेको आन पिप, आन सरकार ङा गेय पाइब, आन चढ़ेब, आं लोव़ पाइबपुकी, यहूदा ङा मुरपुकी नु यरूसलेममी बाक्‍बपुकी नेल्‍लेम मोदेंशो पाम्‍तेक्‍म।

येरमीया 42:1

मिनु लडाइ पाइब आन ठेयब मुर नेल्‍ले, कारेआह आ तौ योहानान, होशायाह आ तौ येजन्‍याह नु आइक्‍च ठेयब मुर नेल्‍ले येजन्‍याह कली अजारयाह यो ब्रेक्‍नीम।

येरमीया 5:31

परमप्रभु यावे आ लोव़ पाइबपुकीम जोल पा लोव़ पाइनीम। दोपा परमप्रभु यावे आ लोव़ पाइबपुकीम जोल पा लोव़ पाइनीमी, मोपा चढ़ेबपुकीम मुर आन कली हुकुम पाइनीम। मिनु आं मुरपुकी चहिं मोदेंशोन दुम्‍चा दाक्‍नीम। तन्‍न नोले ङा नाक्‍ती मार, पाइनीनी?” देंत। इजीकीएल १३:६

येरमीया 8:10

मोपतीके गो मेको आन मीश अरु आन कली नु मेको आन रू लडाइ ग्राब आन कली गेनुङमी। नेल्‍ल क्‍येङा आइक्‍च मुर रे नेल्‍ल क्‍येङा ठेयब सम्‍म ठीक पा मचेम्‍शो क्‍येट तचा कली शिंम बाक्‍नीम। परमप्रभु यावे आ लोव़ पाइब रे चढ़ेब सम्‍म नेल्‍ल जोल पाइब दुम्‍शो बाक्‍नीम। येरमीया ६:१३-१५; यसैया ५६:११

बिलाप 4:13

परमप्रभु यावे आ लोव़ पाइब आन पाप नु चढ़ेब आन मरिम्‍शो पशो आन पर्बम मो दुम्‍शो बाक्‍त। मेकोपुकीमी सहर आ दातेम ठीक पाइब मुर आन कली हुश ख्राक्‍श पोक्‍‍तेक्‍म।

इजीकीएल 22:12

मेकेर मुरपुकीम मुर साइक्‍चा कली घूस ताक्‍नीम। गे मुर आन कली जेर गेशा आ चाइक्‍ब के यो चाइक्‍ब ताक्‍नेवे। आंम नेक्‍था ङा मुर आन कली दिप्‍शा आंम कली रिम्‍शो दुम्‍तीक गेय पाइनेवे। गे आं कली प्रेंताक्‍यी” ’ दे परमप्रभु, परमप्रभु यावेमी” देंत। प्रस्‍थान २२:२४

इजीकीएल 33:31

मेकोपुकीम आं मुर खोदेंशो पा इ बाक्‍तीक जाक्‍शा इ ङोंइती नित्‍नीम। मिनु इ लोव़ नोफा दाइश्‍शा नेंनीम। तन्‍न मेकोम इ लोव़ मटीनीम। मेकोम रिम्‍शो लोव़ पखु पा, आन थुंम चहिं दोपा क्‍येट चेम्‍चा, दे मिम्‍नीम। यसैया ५३:१

मीका 3:11

मेकेर ङा ठेयब मुरपुकीमी घूस जशा निसाफ पाइनीम। मेकेर ङा चढ़ेबपुकीम शेंशो ङा क्‍येट ताक्‍नीम। परमप्रभु यावे आ लोव़ पाइबपुकी क्‍येट तचा कली नोले दुम्‍ब लोव़ पाइनीम। मो हना यो मेकोपुकीमी ‘परमप्रभु यावे आंइ दातेमी बाक्‍ब। गो श्‍येत मजाइनीकी’ देंनीम। येरमीया ७:४

मीका 3:5

मिनु परमप्रभु यावेमी आ लोव़ पाइब आन पर्बम मार देंत देंशा हना “सुम आं मुर आन कली दूली लांम गाक्‍पाइक्‍बा? आं लोव़ पाइबपुकीमी, सुमी मेको आन कली जचा गेमेनु ‘रिम्‍शो दुम्‍ब’ देंनीम। तन्‍न मेको आन कली जचा मगेमेनु, मेको आन कली लडाइ तोचा कली ठीक दुम्‍नीम।

लूका 16:14

फरिसीपुकीमी क्‍येट नु शोंप दाक्‍बाक्‍मा बाक्‍त। मिनु येसु आ लोव़ नेंशा गाइश्‍शा, शुक्‍शी पामे बाक्‍त।

१ तिमोथी 3:3

राकसी शांबु तूशा दुक्‍ब नु तुप्‍ब मुर थमा सुइक्‍ब आन कली कोव़ब दुम्‍ने मचाप्‍ब। थमा सुइक्‍ब आन कली कोव़ब रिम्‍शो थुं पाइश्‍शो बाक्‍चा माल्‍ब। जिचा पोक्‍ब नु क्‍येट शुश दाक्‍बमी एको गेय पने मचाप्‍ब।

२ पत्रुस 2:1

साइ ङोंइती परमप्रभु यावे आ लोव़ जोल पा दूली शेंबपुकी बाक्‍मा बाक्‍त। मुल मोदेंशो जोल पा शेंबपुकी इन ग्रुम्‍तीक खिंमी यो जाक्‍नीमी। मेकोपुकीमी ख्रुइश्‍शोमी खतम सेल्‍ब शेंतीके शेंनीमी। प्रभुमी मेको आन कली ग्‍याप्‍शा यो, मेकोपुकी “गो मेको कली मतुइक्‍नुङ” दे जाम्‍शा लाइब बाक्‍नीम। मत्ती २४:११; १तिमोथी ४:१

२ पत्रुस 2:3

मेको आन शीम पतीकेमी इन कली दूली लोव़ पा, इन क्‍येट योल्‍नीम। मेकोपुकी ङोंइती रे नरक लचा चिक्‍शो बाक्‍नीम।