येरमीया 52:7 - Sunuwar Bible

⁷ मिनु सहर ङा गारो प्रेत्‍तेक्‍म। मिनु लडाइ पाइब नेल्‍ल प्रोक्‍तेक्‍म। कल्‍दी ङा मुरपुकी सहर आ एर ओंथ बाक्‍तेक्‍म। मो हना यो मेकोपुकी पिप आ फल फुल रू ङा गारो निक्‍शी आस दाते ङा लाप्‍चो रे पा ग्रूशा प्रोक्‍तेक्‍म। मिनु मेकोपुकी अराबाह रागी गे लाम्‍तेक्‍म।

येरमीया 52:7 ပူးပေါင်းရင်းမြစ်များ

२ राजा 25:4

मेना पिप नु लडाइ पाइब नेल्‍ल गारो होइश्‍शा, नाक्‍दो प्रोक्‍मा बाक्‍त। मेको पिप आ रू रे गारो निक्‍शी आस दाते ङा लाप्‍चो रे कल्‍दीपुकी सहर आ एर ओंथ बाक्‍तेक्‍म हना यो, प्रोक्‍मा बाक्‍त। मोपा मेकोपुकी अराबाह गे प्रोक्‍मा बाक्‍त।

येरमीया 34:22

परमप्रभु यावेमी “गो मेको आन कली अरेनुङमी। मिनु गो मेको आन कली एको सहरमी लेश्‍शा चाक्‍नुङमी। मेकोपुकीमी एको सहर नु लडाइ पा ग्रानीम। मिनु एको कली क्रोइक्‍नीम। मिनु गो यहूदा ङा सहर कली मुर मबाक्‍शो सेल्‍नुङ” देंत। येरमीया ३७:८

येरमीया 39:2

मिनु सिदकीयाहम सासन पशो ११ बर्स ४ महिना ९ नाक्‍ती मेको सहर ङा गारो प्रेश्‍शा ओव़तेक्‍म।

येरमीया 49:26

मुल मेको आ ठिटा मुरपुकी लां मेर गोल्‍नीम। मिनु मेको नाक्‍ती मेको आ लडाइ पाइब नेल्‍ल खतम दुम्‍नीम।

येरमीया 51:32

मिनु खोला शोक्‍तीके ग्रातेक्‍म। जोरी सत्रु आन कली ओव़चा मगेचा कली सेल्‍शो तेक्‍तीक नेल्‍ल मी सुइक्‍ताक्‍मे। मिनु लडाइ पाइबपुकी शुश हिंशा वाम ग्‍याम दुम्‍तेक्‍म” देंशा पिप कली लोव़ नेंपाइक्‍नीम।

येरमीया 6:5

बोक्‍कीन। गो नाक्‍दो मेको कली लडाइ तोय। मिनु मेको आ दरवार प्रेय्‍य” देंनीम।

इजीकीएल 12:12

मेको आन दातेम बाक्‍शो सासन पाइबमी नाक्‍दो आ बलाम मार मार कुरशा गाक्‍ब। मिनु लाङगा ग्रूचा कली गारोम पोव़ला ख्रिप्‍ब। मिनु मेकोम आ रागी मकोव़चा कली आ कुल सुम्‍ब। २राजा २५:४

इजीकीएल 12:4

गे ग्‍याइश्‍शा लाइक्‍चा पुंइसीशो दुम्‍चा कली, मेको आन ङोंइती नाक्‍तीन इ मार मार फ्रेंदो। मिनु मेको आन ङोंइती रे ग्‍याइश्‍शा लाइक्‍चा पुंइसीशो मुर खोदेंशो पा नाक्‍दो लावो।

इजीकीएल 33:21

गो आंइ ग्‍याइश्‍शा लाइक्‍चा पुंइसीशो १२ बर्स ङा १० महिना ५ नाक्‍त दुम्‍मेनु, यरूसलेम रे प्रोक्‍शा जाक्‍शो मुर का आं बाक्‍तीकेम जाक्‍शा “आंइ सहर ब्रुत” देंत। इजीकीएल १:२; इजीकीएल २४:२६; २राजा २५:२-४

लेवी 26:17

गो इन कली मरिम्‍शो पाइक्‍नुङ। गे इन जोरी सत्रु रे ब्रुइनीनी। इन जोरी सत्रु इन कली हुकुम पाइब दुम्‍नीम। मिनु सुइमी इन कली खेदा मपाम्‍तेक्‍म हना यो, गेपुकी प्रोक्‍नीनी।

लेवी 26:36

मिनु गो इन जोरी सत्रु आन रागीम बाक्‍शो लीशो मुर आन थुं लुक्‍च लपाइक्‍नुङ। मिनु सफा दोक्‍शो रेयके नेंशा यो, आन जोरी सत्रुम खेदा पशो खोदेंशो पा प्रोक्‍नीम। मिनु मोशा दाइल पा थित्‍नीम।

आमोस 4:3

गे नेल्‍ल का का पा एर ओंथ मकोव़थु, गारो आ पोव़ला रे पा लाइनीनी। मिनु गे हारमोन मेर ताइक्‍चा पुंइसीनीनी” दे परमप्रभु यावेमी देंत। हारमोन हिब्रू लोव़ मार बाक्‍ब, दे मतुइक्‍नीम।

ब्‍यवस्‍था 28:25

मिनु परमप्रभु यावेमी इन कली इन जोरी सत्रु आन ङोंइती ब्रुपाइक्‍ब। गेपुकी मेकोपुकी नु लडाइ पथ लां कामी लाइनीनी, मिनु ब्रुशा शाउ शिउ ब्रशा ७ ओटा लां रे प्रोक्‍चा माल्‍नीनी। मिनु राज्‍य राज्‍य ङा मुर नेल्‍ल आन ङोंइती ग्रांग्रा दिशो दुम्‍नीनी।

ब्‍यवस्‍था 32:30

मेको आन सेरथे फुल्‍लुम मेको आन कली लेयने थुम्‍शो बाक्‍ब। परमप्रभु यावेमी मेको आन कली प्रोंइने थुम्‍शो बाक्‍ब। मोपतीके मुर कामी हजार का आन कली खेदा पाप्‍तु। मुर निक्‍शीमी १० हजार आन कली खेदा पने चाप्‍नीसी। लेवी २६:३६-३७; यसैया ३०:१७