येरमीया 52:27 - Sunuwar Bible

²⁷ मिनु बेबीलोन ङा पिपम मेको आन कली हमाथ रागी रिब्‍ला सहरम साइक्‍तु। मोपा मेकोपुकी यहूदा आ रागी रे ग्‍याइश्‍शा लाइक्‍चा पुंइसाक्‍म।

येरमीया 52:27 ပူးပေါင်းရင်းမြစ်များ

२ सामुएल 8:9

मिनु हमाथ ङा पिप तोइमी “दाऊदम हादादेजेर आ लडाइ पाइब नेल्‍ल आन कली फ्रुप्‍तु” देंशो नेना बाक्‍त।

२ राजा 17:20

मोपतीके परमप्रभु यावेम इस्राएल आ चच युइ नेल्‍ल आन कली प्रोंइमी बाक्‍त। मिनु मेको आन कली सजाइ गेशा, रोइक्‍ब आन गुइमी गेमी बाक्‍त। आ ङोंइती रे मखेरा सम्‍म मो पवा बाक्‍त।

२ राजा 17:23

परमप्रभु यावेमी आ गेय पा, आ लोव़ पाइबपुकी रे ङोंइती देंशो खोदेंशो पा इस्राएली आन कली आ ङोंइती रे खेरमी बाक्‍त। मोपतीके इस्राएलीपुकी आंम आन रागी रे अस्‍सुर रागीम ग्‍याइश्‍शा लाइक्‍चा पुंइसमा बाक्‍त। मिनु मुल सम्‍म मेक उइ बाक्‍शो बाक्‍नीमी। ब्‍यवस्‍था २८:६३-६४

२ राजा 23:27

मिनु परमप्रभु यावेमी “गो दोपा इस्राएल कली ग्रुंइदु, मोपा यहूदा कली यो आं ङोंइती रे ग्रुंइनुङ। मिनु गो आं योव़शो यरूसलेम सहर नु आं नें बाक्‍ब देंशो आं खिं प्रोंइनुङ” देंशो बाक्‍माक्‍त। २राजा १७:१८; १राजा ८:२९

यसैया 24:3

रागी थमा पा श्‍येत्‍थ नु मुर मबाक्‍तीके दुम्‍ब। मारदे हना मेको परमप्रभु यावे आ देंशो लोव़ बाक्‍ब।

यसैया 27:10

मारदे हना गारो हिरशो सहर मुर मबाक्‍तीके दुम्‍त। मेकेर गोरशो रागी खोदेंशो पा मुर मबाक्‍नीम। मेकेर बाछा जोशा नांइ‍सीनीम। मिनु आ राशी ब्‍वाइनीम।

यसैया 43:28

मोपतीके गो आं खिंम चढ़ेब आन कली ‘गेय पचा मदुम्‍ब’ सेल्‍तामी। गो याकूब कली खतम सेल्‍ता। मिनु इस्राएल शुक्‍शी पाइक्‍चा पुंइसीब सेल्‍ता” दे परमप्रभुमी देंत।

येरमीया 13:19

नेगेब रागी ङा सहर आन लाप्‍चो चोक्‍सीनीम। मिनु मेको आन कली रोक्‍ब सुइ मबाक्‍नीम। यहूदा ङा मुर नेल्‍ल ग्‍याइश्‍शा लाइक्‍चा पुंइसीशो बाक्‍नीम। मेको आन कली थमा पा ग्‍याइश्‍शा लाइक्‍तेक्‍म।

येरमीया 20:4

मारदे हना परमप्रभु यावेमी गो इ कली नु इ वारच नेल्‍ल आन कली शुश हिंचा ङा सेल्‍नुङ। मेकोपुकी इ ङोंइती आन जोरी सत्रु आन तरवारम साइक्‍चा पुंइसीनीम। गो यहूदा नु मेको आ मुर नेल्‍ल आन कली बेबीलोन ङा पिप आ गुइम गेनुङमी। मेकोमी मेको आन कली ग्‍याइश्‍शा बेबीलोन लाइक्‍ब। मिनु तरवारम साइक्‍ब।

येरमीया 21:7

मिनु नोले परमप्रभु यावेमी ‘गो यहूदा ङा पिप सिदकीयाह, मेको आ गेय पाइबपुकी नु मेको सहर ङा बेक्‍तीक रोइ, तरवार नु अन्‍काल रे ब्रोंइशो मुर आन कली बेबीलोन ङा पिप नेबुकदरेसर आ गुइम गेनुङमी। गो मेको आन कली साइक्‍चा माल्‍ब आन जोरी सत्रु आन गुइम जिम्‍मा गेनुङमी। मिनु मेकोमी मेको आन कली तरवारम साइक्‍पाइक्‍ब। मेकोमी मेको आन कली शिशी मपथु, मप्रोंइब नु दाक्‍तीके मकोंइथु, साइक्‍पाइक्‍ब’ मतीस” दे माइक्‍तीम्‍सी।

येरमीया 39:10

तन्‍न पिप कली कोव़ब आन कप्‍तान नेबुजरादानमी मारेइ मपाइश्‍शो प्रुङग आन कली यहूदा रागीमी प्रोंइशा वोइक्‍तीमी। मिनु मेको आन कली मेकोमी अङगुर रू नु अरु रूपुकी गेम्‍तीमी।

येरमीया 39:9

मिनु पिप कली कोव़ब आन कप्‍तानम नेबुजरादानमी सहरमी प्रोंइचा पुंइसीशो लीशो मुरपुकी, मेको आन बाक्‍तीक प्रोक्‍शा जाक्‍ब नु अरु लीशो मुर आन कली फ्रेंशा बेबीलोन लाइक्‍तीमी।

येरमीया 52:9

मिनु मेको ग्‍याइक्‍चा पुंइसाक्‍व। मिनु मेकोपुकीमी पिप कली हमाथ रागी ङा रिब्‍लामी बेबीलोन ङा पिप आ ङोंइती चाक्‍तेक्‍म। मिनु मेकेर बेबीलोन ङा पिपमी मेको कली आ सजाइ नेंपाइक्‍तु।

इजीकीएल 33:28

गो मेको रागी कली मुर मबाक्‍शो नु श्‍येत्‍थ सेल्‍नुङ। मिनु मेको आ ठेयब लेत्‍तीक जाम्‍ब। मिनु इस्राएल ङा डांडाम सुइ एर ओंथ पने मचाप्‍चा ङा पा मुर मबाक्‍तीके दुम्‍ब।

मीका 4:10

सियोन आ तमी, आल थितीक रोइ पशो मीश मुर खोदेंशो पा वाइ ब्रेश्‍शा ग्रीङो। मारदे हना मुल गे एको सहर प्रोंइचा माल्‍नेवे। मिनु खिं मबाक्‍तीकेमी बाक्‍तीक सेल्‍चा माल्‍नेवे। गे बेबीलोनम लचा माल्‍नेवे। मिनु मेकेर रे प्रोंइचा पुंइसीनेवे। मेकेर परमप्रभु यावेमी इ कली इ जोरी सत्रु आन गुइ रे प्रोंइब।

ब्‍यवस्‍था 28:36

मिनु परमप्रभु यावेमी इन कली नु इन योव़शो पिप कली, गेपुकी नु इन किकी पिपी यो मतुइश्‍शो जात ङा मुर आन रागी कोंइब। मिनु गेपुकीमी मेकेर रे शी नु फुल्‍लु के देवी देवता आन कली गेय पाइ‍नीनी। ब्‍यवस्‍था ४:२८

ब्‍यवस्‍था 28:64

मिनु परमप्रभु यावेमी इन कली जात जात ङा मुर आन दातेमी फ्राइब। मिनु गेपुकीमी मेकेर ङा इन किकी पिपी नु इन मतुइश्‍शो शी नु फुल्‍लु के देवी देवता आन कली गेय पाइनीनी।

ब्‍यवस्‍था 4:26

गो मुलाक्‍ती सरीङ नु रागी कली इन दूली पशो आ पर्बम सांकछी वोइक्‍नुङ। गे यर्दन आइक्‍ची हांबु ङा इन के सेल्‍चा चिक्‍शो रागीम रीब पा खतम दुम्‍नीनी। गे शुश नाक्‍त मेकेर बाक्‍चा मताइनीनी। गे क्‍याम्‍चा पुंइसीनीनी। ब्‍यवस्‍था ३०:१९; ब्‍यवस्‍था ३१:२८; ब्‍यवस्‍था ३२:१;