येरमीया 52:26 - Sunuwar Bible

²⁶ मिनु मेको पिप कली खाल पाइब कप्‍तान नेबुजरादानमी मेको आन कली लाइश्‍शा रिब्‍लामी बेबीलोन ङा पिप आ बाक्‍तीकेम चाक्‍तीमी।

येरमीया 52:26 ပူးပေါင်းရင်းမြစ်များ

२ राजा 23:33

मिनु फाराओ नेकोमी मेकोम यरूसलेमम सासन मपवल, दे साङलोम फ्रेंशा हमाथ रागी ङा रिब्‍लामी चोक्‍शा वोदा बाक्‍त। मिनु मेकोमी यहूदा कली सहे का टलेन्‍ट चांदी नु टलेन्‍ट का सुन तिरो थाप्‍पदा बाक्‍त। टलेन्‍ट का ३४ किलो बाक्‍ब। इजीकीएल १९:४

२ राजा 25:20

मेको पिप कली खाल पाइब आन ठेयब मुर नेबुजरादानमी मेको आन कली बेबीलोन ङा पिप आ बाक्‍तीक रिब्‍ला सहरम चाक्‍मी बाक्‍त।

२ राजा 25:8

बेबीलोन ङा पिप नेबुकदनेसरमी सासन पशो १९ बर्स ५ महिना ङा ७ नाक्‍त, नेबुकदनेसर कली खाल पाइब आन ठेयब मुर नेबुजरादान यरूसलेम जाक्‍माक्‍त।

येरमीया 39:5

तन्‍न कल्‍दी आन लडाइ पाइबपुकीम मेको आन कली खेदा पाम्‍तेक्‍म। मिनु सिदकीयाह कली यरीको ङा दिंमम थित्‍तेक्‍म। मिनु मेकोपुकीमी मेको कली ग्‍याइश्‍शा, हमाथ रागी ङा रिब्‍ला देंशो सहरमी बेबीलोन ङा पिप नेबुकदरेसर आ बाक्‍तीके चाक्‍दीत्‍तेक्‍म। मिनु मेकोमी सिदकीयाह कली सजाइ गेतीक देंत।

येरमीया 39:9

मिनु पिप कली कोव़ब आन कप्‍तानम नेबुजरादानमी सहरमी प्रोंइचा पुंइसीशो लीशो मुरपुकी, मेको आन बाक्‍तीक प्रोक्‍शा जाक्‍ब नु अरु लीशो मुर आन कली फ्रेंशा बेबीलोन लाइक्‍तीमी।

गन्‍ती 34:11

मिनु शेफाम रे उइ ब्रुप्‍शा ऐन ङा पूर्ब गे ङा रिब्‍ला सम्‍म जाक्‍दीत्‍चा माल्‍ब। मिनु नोले मेको सांद ब्रुप्‍शा, किन्‍नेरेथ समुन्‍द्र आ पूर्ब ङा शुंइच सम्‍म जाक्‍दीत्‍चा माल्‍ब।