येरमीया 52:20 - Sunuwar Bible

²⁰ पिप सोलोमनम परमप्रभु यावे आ खिं कली सेल्‍पाइश्‍शो ठेयब थाम निक्‍शी, कांसा के ठेयब चिक्‍तीके बोस मेको आगाम बाक्‍शो १२ ओटा कांसा के ब्‍यफ नु मेको आगाम बाक्‍शो नित्‍तीके बाक्‍तेक्‍म। मेको आन कांसा नाक्‍ने मचाप्‍चा ङा शुश बाक्‍त।

येरमीया 52:20 ပူးပေါင်းရင်းမြစ်များ

१ राजा 7:25

मेको ठेयब बोस १२ ओटा ब्‍यफ आन तार वोइश्‍शो बाक्‍माक्‍त। मेको ब्‍यफ सां उत्तर गे, सां पच्‍छिम गे, सां दक्‍खिन गे नु सां पूर्ब गे कोव़शो बाक्‍मा बाक्‍त। मेको ब्‍यफ नेल्‍ल लाङगा गे हिरशो बाक्‍मा बाक्‍त।

१ राजा 7:47

सोलोमनम मेको मिश का थोव़क सेल्‍तीके, मेको नेल्‍ल मनाक्‍थुन वोदमे बाक्‍त। मेको सेल्‍चा कली दोशो कांसा माल्‍दा, मेको यो मनाक्‍तमे बाक्‍त।

२ राजा 25:16

सोलोमनमी परमप्रभु यावे आ खिं कली सेल्‍शो थाम निक्‍शी, ठेयब बोस नु निप्‍‍पाइक्‍तीक सेल्‍शो कांसा नाक्‍ने मचाप्‍चा ङा बाक्‍मा बाक्‍त। १राजा ७:१५; १राजा ७:२३; १राजा ७:२७

१ इतिहास 22:14

गो शुश श्‍येत पा परमप्रभु यावे आ खिं सेल्‍चा कली मार वोइक्‍ता देंशा हना, लाख का टलेन्‍ट सुन, १० लाख टलेन्‍ट चांदी नु नाक्‍ने मचाप्‍चा ङा पा कांसा नु फलाम खेक्‍शा वोइक्‍ता‍मी। मारदे हना मेकेर शुश बाक्‍शो बाक्‍त। शी नु फुल्‍लुपुकी यो ठीक पा वोइक्‍तामी। गे अर्को यो तेम्‍चा माल्‍नेवे। टलेन्‍ट का ३४ किलो बाक्‍ब। १इतिहास २९:२

२ इतिहास 4:18

मोपा सोलोमनमी मेकेर शुश कांसा के सेल्‍तीके सेल्‍पदा बाक्‍त। मेको कली दोशो कांसा माल्‍द‍मे, मेको मतुइश्‍शो बाक्‍मा बाक्‍त।

येरमीया 52:17

कल्‍दीपुकीम परमप्रभु यावे आ खिंम बाक्‍शो कांसा के थामपुकी, कांसा के ठेयब चिक्‍तीके बोस, मेको आ कांसा के नित्‍तीके लाइक्‍तेक्‍म। कल्‍दीपुकीमी मेको नेल्‍ल प्रोल्‍शा, बेबीलोन लाइक्‍तेक्‍म। येरमीया २७:१९-२२; १राजा ७:१५-३९; २राजा २५:१३-१७