येरमीया 52:15 - Sunuwar Bible

¹⁵ मिनु पिप कली खाल पाइब आन कप्‍तान नेबुजरादानमी नेल्‍ल आन क्‍येङा प्रुङग, सहरम प्रोंइशा वोइश्‍शो मुरपुकी बेबीलोन ङा पिप आ बाक्‍तीके प्रोक्‍शा जाक्‍दीश्‍शो मुरपुकी नु लीशो मार, मार, सेल्‍स जोक्‍ब मुर आन कली ग्‍याइश्‍शा लाइक्‍तीमी।

येरमीया 52:15 ပူးပေါင်းရင်းမြစ်များ

२ राजा 25:11

मेको पिप कली खाल पाइब आन ठेयब मुर नेबुजरादानमी सहरम प्रोंइचा पुंइसीशो मुर नु अरु बेबीलोन ङा पिप कली जिम्‍मा गेंसीशो मुर आन कली ग्‍याइश्‍शा बेबीलोन लाइक्‍मी बाक्‍त।

२ राजा 25:8

बेबीलोन ङा पिप नेबुकदनेसरमी सासन पशो १९ बर्स ५ महिना ङा ७ नाक्‍त, नेबुकदनेसर कली खाल पाइब आन ठेयब मुर नेबुजरादान यरूसलेम जाक्‍माक्‍त।

येरमीया 1:3

मिनु यहूदा ङा योसीयाह आ तौ येहो-याकीम आ पाला नेल्‍ले नु यहूदा ङा योसीयाह आ तौ सिदकीयाहम सासन पवा आ ११ बर्स ङा ५ महिनाम परमप्रभु यावेम येरमीया कली लोव़ पना पन बाक्‍त। मेना यरूसलेम ङा मुर ग्‍याइश्‍शा लाइक्‍चा पुंइसीशो बाक्‍तेक्‍म। २राजा २३:३४; २राजा २४:१७; २राजा २५:२-२१; येरमीया ३९:९

येरमीया 39:9

मिनु पिप कली कोव़ब आन कप्‍तानम नेबुजरादानमी सहरमी प्रोंइचा पुंइसीशो लीशो मुरपुकी, मेको आन बाक्‍तीक प्रोक्‍शा जाक्‍ब नु अरु लीशो मुर आन कली फ्रेंशा बेबीलोन लाइक्‍तीमी।

इजीकीएल 12:11

मेको आन कली ‘गो गे इन कली चिन्‍ड का दुम्‍ती। गो मार पङा, मेको आन कली पाइ‍नीमी। मेकोपुकी रागी रे ग्‍याइश्‍शा लाइक्‍चा पुंइसीनीम’ देंत।

जकरिया 14:2

गो रागी रागी ङा मुर नेल्‍ल आन कली यरूसलेम नु लडाइ पपाइक्‍चा कली पुक्‍नुङमी। मिनु सहर मेको आन के दुम्‍ब। मेको आन खिं ङा मारेइ मारेइ रोइक्‍नीम। मिनु मीश मुर आन कली बिथोलो पाइनी‍म। सहर ङा उइक्‍थ मुर ग्‍याइश्‍शा लाइक्‍चा पुंइसीनीम। ली‍शो मेको सहर उइ बाक्‍नीम।