येरमीया 51:9 - Sunuwar Bible

⁹ गोपुकीम बेबीलोन कली सापाइय्य वा। तन्‍न मेको मसाब। गो मेको कली प्रोंइतक। मिनु आंम आंम रागी लेत्‍तक। मारदे हना मेको आ निसाफ पशो सजाइ स्‍वर्ग सम्‍म जाक्‍दीश्‍शो बाक्‍ब। मेको सरीङ सम्‍म बोक्‍शो बाक्‍ब।

येरमीया 51:9 ပူးပေါင်းရင်းမြစ်များ

२ इतिहास 28:9

तन्‍न मेकेर ओदेद नें पाइश्‍शो परमप्रभु यावे आ लोव़ पाइब का बाक्‍माक्‍त। मिनु लडाइ पाइबपुकी सामरीया लेम्‍मानु, मेको आन कली ग्रुम्‍थ जाक्‍माक्‍त। मिनु मेकोमी मेको लडाइ पाइब आन कली “परमप्रभु यावे, इन किकी पिपी आन परमप्रभु यहूदा ङा मुरपुकी नु गाइक्‍तीके, मेकोमी मेको आन कली इन गुइमी गेप्‍तु। तन्‍न गेपुकीम इन गाइक्‍तीकेम मेको आन कली साइक्‍तीनी। मेको मो पशो इर स्‍वर्ग सम्‍म जाक्‍दीश्‍शो बाक्‍ब। लेवी १९:१८

एज्रा 9:6

“आं परमप्रभु, गो इन कली आं कुल कोंइचा थाम्‍पा मुने पाता। मारदे हना आंइ मरिम्‍शो पतीके आंइ पिया क्‍येङा यो लाक्‍शो बाक्‍ब। मिनु आंइ दोस सरीङ सम्‍म जाक्‍दीशो बाक्‍ब। दानीएल ९:७-८

यसैया 13:14

मुरपुकी खेदा पचा पुंइसीशो किश्‍श नु गोठला मबाक्‍शो भेडा खोदेंशो दुम्‍नीम। मेकोपुकी आंम आंम मुर बाक्‍तीके लाइनीम। आंम आंम रागी मेर प्रोक्‍नीम।

यसैया 47:15

गे नु गेय पाइब मुरपुकी मोदेंशो मुर बाक्‍नीमी। गे आल रेन मेकोपुकी नु ग्‍याप्‍तीक लेयती गेय पाप्‍तीवी। मेको का का पा आन आंम लां खोइक्‍नीम। मिनु इ कली प्रोंइब सुइ मबाक्‍नीम” देंत।

येरमीया 46:16

इ लडाइ पाइबपुकी थोक्‍मुशा गोल्‍नीम। मिनु मेकोपुकीमी ‘लो, इं मुर आन बाक्‍तीक लय। इं जरमेशो रागी लेश्‍शा लय’ दे साइक्‍ब तरवार आ पर्बम मो देंमुइनीम।

येरमीया 46:21

मेको आ गाल्‍च ताक्‍शा लडाइ पाइबपुकी यो दोम्‍शो बाछा खोदेंशो बाक्‍नीम। मेको यो नेल्‍ल हिरशा लशा काथा प्रोक्‍तेक्‍म। मेको राप्‍शा मदिक्‍नीम। मारदे हना मेको आन हिंचा ङा श्‍येत जतीक नाक्‍ती जाक्‍शो बाक्‍ब। मेको आन सजाइ तची ना जाक्‍त।

येरमीया 50:16

गे बेबीलोनम वांचेर शोक्‍ब आन कली खेरीन। मीशो अन्‍न रिक्‍ब आन कली खेरीन। खतम पोक्‍ब तरवारम पतीके नेल्‍ल आन कली आन आन खिं ङा मुर आन बाक्‍तीके लेश्‍शा लचा गेने। मेको नेल्‍ल आन आन रागी प्रोक्‍चा माल्‍नीम।

येरमीया 8:20

बाली नाली रिक्‍ची ना लाक्‍तु। बर्खा नुप्‍त। मो हना यो इं श्‍येत रे ब्रोंइची ना मजा।

होसे 7:13

आबी आबी, मेकोपुकी गो रे पा ङोन लाम्‍तेक्‍म। मेकोपुकी खतम दुम्‍मल। मारदे हना मेकोपुकी आं कली मटीब दुम्‍शो बाक्‍नीम। गो मेको आन कली श्‍येत रे प्रोंइ‍चा दाक्‍नुङ। तन्‍न मेकोपुकीमी आं पर्बम जोल पाइनीम। भजन संग्रह ८१:१४-१५

प्रकाश 18:4

मिनु नोले स्‍वर्ग रे अर्को सेंदा का नेंता। मेको सेंदामी “आं मुरपुकी, मेको सहर रे ग्रूशा पिने। मेकेर रे मग्रूतीनी हना, गे मेकोपुकी खोदेंशो मरिम्‍शो पाइनीनी। मोपा मरिम्‍शो पाइतीनी हना, मेको खोदेंशो पा सजाइ ताइनीनी। यसैया ४८:२०; येरमीया ५०:८; येरमीया ५१:६,४५; २कोरिन्‍थी ६:१७

प्रकाश 18:5

मेको आन मरिम्‍शो पशो देल्‍शा, सरीङ सम्‍म जाक्‍शो बाक्‍त। मिनु परमप्रभुमी मेको आन मरिम्‍शो पशो मिम्‍‍शो बाक्‍त। उत्‍पत्ती १८:२०-२१; येरमीया ५१:९