येरमीया 51:8 - Sunuwar Bible

⁸ बेबीलोन याम कामी गोल्‍त। मिनु टुक्रा टुक्रा सेल्‍चा पुंइसाक्‍व। मेको आ पर्बम रोंका पने। मेको आ गारम ख्रेक्‍चा कली ख्रेक्‍तीक चाक्‍कीन। मो पशोनु, मेको साबा कों। यसैया २१:९

येरमीया 51:8 ပူးပေါင်းရင်းမြစ်များ

यसैया 21:9

कोव़ङीन, शारा ङोइक्‍ब जोर जोर पा जाक्‍ना जाक्‍न बाक्‍नीम” देंत। मिनु मेकोमी “बेबीलोन ब्रुत। मेको आन देवी देवता आन मूर्ति नेल्‍ले खपीम ताइक्‍चा पुंइसाक्‍म” देंत। प्रकाश १८:२

यसैया 47:11

तन्‍न मुल गे शुश श्‍येत जाइनेवे। इ मन्‍तर तन्‍तरमी तिक्‍ने मचाप्‍नेवे। गे शुश हिंचा ङा श्‍येत जाइनेवे। गे मेको तेक्‍ने मचाप्‍नेवे। मुल सम्‍म मतुइश्‍शो जाम्‍तीक नु नुप्‍तीक इ तारी जाक्‍ब।

यसैया 47:9

वोंइश बेक्‍शो मीश मुर दुम्‍तीके श्‍‍येत नेल्‍ल ताइनेवे। इ आल बेक्‍शो ताइनेवे। नाक्‍ती का, याम कामीन एको श्‍येत निक्‍शी इ कली दुम्‍नीस। शुश मन्‍तर तन्‍तर, ठेयब सक्ति पाइश्‍शो टुना मुना पाप्‍तीवी हना यो, मो दुम्‍शो ताइनेवे।

येरमीया 46:11

गे कन्‍ने मीश आल इजीप्‍त, इर गिलादम लशा ख्रेक्‍तीके चाक्‍को। गे शोर गाक्‍शो शुश खाल ङा ओख्‍ती ख्रेक्‍साक्‍वे। तन्‍न गे मसानेवे। येरमीया ८:२२

येरमीया 48:20

मोआब ब्रुत। मेको मुने दोक्‍त। रोंका पा ङाक्‍कीन। ‘मोआब मुर मबाक्‍तीक दुम्‍त’ दे अरनोन खोला आ शुंइचीम लशा देनीन।

येरमीया 48:31

मोपतीके गो मोआब आ पर्बम रोंका पाइनुङ। गो मोआब नेल्‍ल आन पर्बम ङाक्‍नुङ। गो कीर-हेरेस ङा मुर आन पर्बम हिशेक पाइनुङ।

येरमीया 50:2

मार लोव़ पाप्‍तु देंशा हना “रागी रागी ङा मुर आन दातेमी एको लोव़ नेंपतो। छेदर पोक्‍शा नेल्‍ल आन कली नेंपाइश्‍शा ठेयब सेंदा पा देनो। लोव़ का यो मख्रुइक्‍तो। बेबीलोन ब्रुत। बेल देवता मुने दोक्‍त। मेरोदक देवता सुर्ता पाइब। मेको आन मूर्ति मुने दोक्‍नीम। मेको सुर्ता पाइनीम। बेल बेबीलोन सहर ङा देवता बाक्‍ब।

येरमीया 51:41

शेशाक सहर कली दोपा ग्राने चाप्‍मे? रागी नेल्‍ल ङा ठेयब नु दारशो सहर ब्रुत। बेबीलोन दोपा रागी रागी आन दातेमी शुश हिंचा ङा दुम्‍मे? शेशाक बेबीलोन कली अरु नें का बाक्‍ब। येरमीया २५:२६

येरमीया 8:22

मिनु गिलादमी मारेइ ख्रेक्‍तीक मबाक्‍बा? मार, मेकेर इ कली ओख्‍ती पाइब मबाक्‍बा? मारदे आं श्‍येत जशो मुर मसामा?” देंत। येरमीया ४६:११

इजीकीएल 30:2

परमप्रभु, परमप्रभु यावेमी मार लोव़ पाप्‍तु देंशा हना “ए मुर, आं लोव़ पावो। मेको नाक्‍त आ पर्बम रोंका पावो।

दानीएल 5:24

मोपतीके मेकोमी मेको गुइ सोइश्‍शा, मेको ब्रेक्‍स ब्रेक्‍पाइक्‍तु।

दानीएल 5:31

मिनु मादी रागी ङा पिप दारामी राज्‍य ताप्‍तु। मेना पिप दारा ६२ बर्स दुम्‍शो बाक्‍माक्‍त। दानीएल ९:१; यसैया १३:१७

नहुम 3:19

इ गार कली मारेइम यो सापाइक्‍ने मजाप्‍ब। इ गार बेक्‍चा ङा बाक्‍ब। मिनु इ पर्बम लोव़ नेंब मुर नेल्‍ल शुश हिंनीमी। मारदे हना इ गेनायो मनुप्‍ब मरिम्‍शो पतीकेमी सुइ ब्रोंइने मचाप्‍शो बाक्‍तेक्‍म” देंत।

प्रकाश 14:8

मिनु परमप्रभु यावे आ स्‍वर्ग ङा गेय पाइब अर्को कामी मेको ङोंइती ङा आ नोले खोइश्‍शा, मेकोमी “बेबीलोन माइश्‍शो ठेयब सहर खतम दुम्‍त। मारदे हना मेकोमी ङोंइती नेल्‍ल रागी ङा मुर आन कली पाप पपाइक्‍तु। रागी ङा मुरपुकी बेबीलोन आ पर्बम परमप्रभु यावे आ गाइश्‍शो ताम्‍तेक्‍म” देंत। प्रकाश १८:-; यसैया २१:९; येरमीया २५:१५-१६; येरमीया ५१:७

प्रकाश 18:2

मिनु मेकोमी ठेयब सेंदामी “मेको ठेयब बेबीलोन सहर ब्रेश्‍शा नुप्‍त। मेको ब्रेश्‍शो सहर वोल आन बाक्‍तीके जेल्‍खान दुम्‍त। मेको ग्रांग्रा दिचा ङा चिक्‍ब आन जेल्‍खान दुम्‍त। प्रकाश १४:८; येरमीया १५:३९