येरमीया 51:58 - Sunuwar Bible

⁵⁸ मुर नेल्‍ल आन परमप्रभु यावेम “बेबीलोन ङा ब्रेम्‍शो गारो दिंम दुम्‍ब। मिनु मेको आ लाइश्‍शो ठेयब लाप्‍चोपुकी मीम नेक्‍ब। मुरपुकी मोशा गेय पाइनीम। रागी रागी ङा मुर आन श्‍येत पा पशो गेय नेल्‍ल मी कली ला दुम्‍ब” दे परमप्रभु यावेमी देंत। हबकुक २:१३

येरमीया 51:58 ပူးပေါင်းရင်းမြစ်များ

भजन संग्रह 127:1

परमप्रभु यावेमी खिं मसेल्‍शो हना, खिं सेल्‍ब आन गेय मोशा दुम वा। परमप्रभु यावेम सहर खाल मपशो हना, खाल पाइब आन खाल पशो मोशा दुम वा।

यसैया 13:2

रवा मबाक्‍शो डांडामी छेदर का ख्रुक्‍कीन। मिनु ठेयब सेंदा पा गुइ हिक्‍शा, मेको आन कली ठेयब मुर आन लाप्‍चो रे ओव़पतीन।

यसैया 47:13

गे शुश अर्ती नेंशा दशो बाक्‍नेवे। मिनु कल्‍दीपुकीमी सरीङ कोव़शा, इ कली पाप रे प्रोन्‍मेक्‍ल। मिनु सोरुल कोव़बमी औंसीमी इ कली मार दुम्‍बा, मेको देंमल।

यसैया 65:23

मेकोपुकीमी मोशा गेय मपाइनीम। श्‍येत जपाइक्‍चा कली आल मथीनीम। मारदे हना मेकोपुकी परमप्रभु यावे आ आसीक ताइब आन आल बाक्‍नीम। मिनु आन आल मेको नु बाक्‍नीम।

येरमीया 50:15

मेको आ एर ओंथ नेल्‍ल बाक्‍शा, ठेयब सेंदा पा ग्रीङीन। मेको इन कली जिम्‍मा गेंसीब। मेको आ बोल्‍यो दरवार एत्‍तेक्‍म। मेको आ गारो प्रेत्‍चा पुंइसीशा दोक्‍तेक्‍म। मारदे हना मेको परमप्रभु यावे आ क्‍येक्‍क लेश्‍शो बाक्‍ब। मेको कली क्‍येक्‍क लेत्‍तीन। मेकोमी अरु आन कली पाइश्‍शो खोदेंशो पा मेको कली यो पतीन। प्रकाश १८:६

येरमीया 51:30

बेबीलोन ङा लडाइ पाइबपुकीम लडाइ पचा प्रोंइतेक्‍म। मेको आन बोल्‍यो दरवारम बाक्‍नीम। मेको आन सक्ति जाम्‍त। मेकोपुकी मीश मुर खोदेंशो दुम्‍तेक्‍म। मेको आन खिंम मी सुइक्‍ने थुम्‍तेक्‍म। मेको आन लाप्‍चो ङा आग्‍लो जिक्‍शो बाक्‍नीम। येरमीया ५०:३७

येरमीया 51:44

गो बेबीलोन ङा बेल देवता कली सजाइ गेनुङ। मिनु आ दाक्‍शो थोव़क मेपाइक्‍नुङ। मुल रागी रागी ङा मुर मेकेर चोक्‍थ्री क्राक्‍थ्री पा मलाइक्‍नीम। बेबीलोन आ गारो ब्रेत्‍त। येरमीया ५०:२; यसैया ४६:१

येरमीया 51:64

मिनु “कागज ब्‍वाक्‍कुम ग्रुम्‍शो खोदेंशो पा बेबीलोन आं चाक्‍शो श्‍येत आ पर्बम ग्रुम्‍ब। मेको गेनायो ग्रूने मचाप्‍ब, देंचा माल्‍नेवे” देंत। मोपा येरमीया आ लोव़ नुप्‍त।

येरमीया 51:9

गोपुकीम बेबीलोन कली सापाइय्य वा। तन्‍न मेको मसाब। गो मेको कली प्रोंइतक। मिनु आंम आंम रागी लेत्‍तक। मारदे हना मेको आ निसाफ पशो सजाइ स्‍वर्ग सम्‍म जाक्‍दीश्‍शो बाक्‍ब। मेको सरीङ सम्‍म बोक्‍शो बाक्‍ब।

येरमीया 9:5

मेको नेल्‍लेम आन नेक्‍था ङा मुर आन कली जोल पाइनीम। सुइमी थमा लोव़ मपाइनीम। मेकोपुकीम जोल पचा शेंसीशो बाक्‍नीम। मेकोपुकीम मरिम्‍शो ला पाइनीम।

बिलाप 5:5

गोपुकी जुवा लाप्‍शो खोदेंशो पा आंइ कली खेदा पाइनीम। गोपुकी दशो बाक्‍नीकी। तन्‍न नाइक्‍चा मताइ‍नीकी। प्रस्‍थान २०:५; येरमीया ३१:२९

हबकुक 2:13

जात जात ङा मुर आन गेय नेल्‍ल मी कली ला दुम्‍ब। रागी रागी ङा मुरपुकी मली‍चा ङा गेय पचा कली सोम्‍सीनीमी, दे मुर नेल्‍ल आन परमप्रभु यावे आ देंशो मबाक्‍बा ङा? येरमीया ५१:५८