येरमीया 51:49 - Sunuwar Bible

⁴⁹ परमप्रभु यावेमी “इस्राएली आन कली साइक्‍तीके बेबीलोन ब्रुचा माल्‍ब। बेबीलोनम रागी ङा मुर आन कली साइक्‍तीके बेबीलोन यो साइक्‍चा पुंइसीब।

येरमीया 51:49 ပူးပေါင်းရင်းမြစ်များ

येरमीया 50:11

परमप्रभु यावेम “गे ग्‍येरसीनीनी। शुश ग्‍येरसीने। गे आं शोंप रोइक्‍ब बाक्‍नीनी। दांइ पाइब मगिक्‍शो बी खोदेंशो पा प्रेनीनी। गे शारा खोदेंशो पा ग्रीनीनी।

येरमीया 50:29

बेबीलोनी आन कली लिब्रा आप्‍बपुकी ब्रेत्‍तीन। लिब्रा आप्‍ब नेल्‍ल आन कली ब्रेत्‍तीन। मेको आ एर ओंथ नेल्‍ल ताम्‍बु कीशा मुर आन कली तेक्‍कीन। मेकेर रे सुइ ब्रोंइचा मतामेक्‍ल। मेको आ पशो खोदेंशो पा मेको कली क्‍येक्‍क लेत्‍तीन। मेकोमी पशो खोदेंशो पा, मेको कली यो पतीन। मारदे हना मेकोमी इस्राएली आन का ला बाक्‍शो परमप्रभु यावे कली शुक्‍शी पाप्‍तु। येरमीया ५०:१५

येरमीया 51:24

गो इ ङोंइती बेबीलोन नु कल्‍दी रागीम बाक्‍ब मुर नेल्‍लेम सियोनम मरिम्‍शो पशो आ पर्बम क्‍येक्‍क लेत्‍नुङ” दे परमप्रभु यावेम देंत। येरमीया ५०:२९; अय्‍युब १:१७

येरमीया 51:35

आं मुर आन कली साइश्‍शो आ पर्बम बेबीलोन क्‍येक्‍क लेत्‍चा पुंइसीब” देंत। सियोन ङा यरूसलेममी “कल्‍दी रागीम बाक्‍ब मुरपुकीम ‘आं हुश आ क्‍येक्‍क लेत्‍चा पुंइसीनीम’ देंचा माल्‍नीम” देंत।

मत्ती 7:2

दोपा नाक्‍तीनी, मोपा नाक्‍चा पुंइसीनीनी। दोपा पुक्‍शा गेनीनी, मोपान पुक्‍शा ताइनीनी। यसैया ३३:१; मर्कूस ४:२४

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६

प्रकाश 18:24

मिनु मेको सहर ङा मुरपुकीमी परमप्रभु यावे आ लोव़ पाइबपुकी नु परमप्रभु यावे आ योव़शो मुर आन कली साइश्‍शो बाक्‍तेक्‍म। नेल्‍ल रागी ङा सु सु मुर साइश्‍शो बाक्‍मा, मेको सहरमी साइश्‍शो बाक्‍तेक्‍मे” दे परमप्रभु यावे आ स्‍वर्ग ङा गेय पाइबमी देंत। प्रकाश ६:१०; प्रकाश १७:६

न्‍यायाधीस 1:7

मिनु अदोनी-बेसेकमी “गुइ खोइल ङा बोंग्‍ये ख्रोइश्‍शो ७० जना पिपमी आं निश्‍शा जतीक रे दोक्‍शो जचा थोव़क जाम्‍तेक्‍म। ङोंइती गो दोदेंशो पङा, मुल परमप्रभुमी आं कली यो मोदेंशोन पाप्‍तु” देंमाक्‍त। मिनु यहूदा ङा मुरपुकीमी मेको पिप कली यरूसलेम चाक्‍गमे बाक्‍त। मिनु मेको मेकेर बेक्‍माक्‍त।