येरमीया 51:37 - Sunuwar Bible

³⁷ मिनु बेबीलोन खिं ब्रेश्‍शा देल्‍शो, सिवार आन बाक्‍तीके, हिंचा ङा नु शुक्‍शी पाइक्‍चा पुंइसीतीके नु मुर मबाक्‍तीक दुम्‍ब। येरमीया ५०:१३

येरमीया 51:37 ပူးပေါင်းရင်းမြစ်များ

२ इतिहास 29:8

मोपतीके परमप्रभु यावे यहूदा नु यरूसलेम आस पर्बम गाइक्‍ताक्‍व। मिनु मेकोमी मेको आन कली आन रागी आ नेक्‍था ङा मुर आन ङोंइती ग्रांग्रा दित्‍चा ङा शुक्‍शी पचा ङा नु तोक्‍चा पुंइसीब सेल्‍तु। मेको गे आंमा तशो बाक्‍नीनी।

यसैया 14:23

गो मेको आन सहर काश्‍श आन बाक्‍तीके नु ब्‍वाक्‍कु देम्‍तीके सेल्‍नुङ। गो मेको आन कली खतम सेल्‍ब ब्राक्‍सुम फिक्‍नुङ” दे मुर नेल्‍ल आन परमप्रभु यावेम देंत।

येरमीया 18:16

मेकोपुकीम आन रागी हिंचा ङा सेल्‍तेक्‍म। मिनु मेको रागी गेना हना यो शुक्‍शी पतीक दुम्‍त। मेकेर रे सु सु गाक्‍मा मेको ग्रीचोक पा हिंनीम। मिनु ‘आबी, आबी’ देंनीम। येरमीया १९:८

येरमीया 19:8

मिनु गो मेको सहर कली हिंचा ङा सेल्‍नुङ। मिनु मेको सहर गेना हना यो शुक्‍शी पतीक दुम्‍ब। मेकेर रे सु सु गाक्‍मा, मेको ग्रीचोक पा हिंनीम। मिनु आ खतम दुम्‍तीके आ पर्बम आबी, आबी देंनीम। येरमीया १८:१६

येरमीया 25:12

तन्‍न ७० बर्स गाम नोले, गो बेबीलोन ङा पिप नु कल्‍दी आन रागी कली मेको आन मरिम्‍शो पशो ङा सजाइ गेनुङ। मेको आन रागी गेना हना यो मुर मबाक्‍तीके सेल्‍नुङमी” दे परमप्रभु यावेमी देंत।

येरमीया 25:18

मिनु मुलाक्‍ती तशो खोदेंशो पा यरूसलेम नु यहूदा ङा सहर नेल्‍ल आन कली श्‍येत्‍थ नु मुर मबाक्‍तीके सेलो। मेकेर ङा पिप नु आन सरकार आ गेय पाइब मुर खतम दुम्‍नीम। मेको सहर शुक्‍शी पाइक्‍चा नु सराप पाइक्‍चा पुंइसीब दुम्‍त।

येरमीया 25:9

गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३

येरमीया 29:18

गो मेको आन कली तरवार, अन्‍काल नु बेक्‍चा ङा रोइमी खेदा पाइनुङमी। मिनु गो मेको आन कली राज्‍य नेल्‍लेमी शुश हिंचा ङा सेल्‍नुङमी। मेकोपुकी आं खेरशो रागी नेल्‍ल आन दातेमी, सराप पाइक्‍तीके, शुश हिंतीके, शुक्‍शी पाइक्‍तीके नु मुने तोक्‍तीके सेल्‍नुङमी। ब्‍यवस्‍था २८:३७

येरमीया 49:17

परमप्रभु यावेम “एदोम थम हिंचा ङा दुम्‍ब। सु सु मेकेर लाइनीमी, मेको एदोम आ शुश श्‍येत तशा हिंनीमी। मिनु शुक्‍शी पाइनीम।

येरमीया 49:33

हासोर सिवार आन बाक्‍तीके दुम्‍ब। मेको गेना हना यो कली मुर मबाक्‍तीक रागी दुम्‍ब। मेकेर सुइ मबाक्‍नीम, मेकेर सुइ मुर बाक्‍थ मलाइनीम” दे परमप्रभु यावेम देंत। येरमीया ४९:१३

येरमीया 51:29

ख्रिनु कुशा रागी ख्रिंख्रि पाइब। मारदे हना परमप्रभु यावेम बेबीलोन कली श्‍येत्‍थ नु मुर मबाक्‍तीके सेल्‍नुङ देंशो लोव़ गाप्‍ब।

येरमीया 9:11

गो यरूसलेम कली खिं ब्रेश्‍शा देल्‍तीके सेल्‍नुङ। सिवार आन बाक्‍तीके सेल्‍नुङ। गो यहूदा ङा सहर आन कली मुर मबाक्‍तीके सेल्‍नुङमी। मिनु मेकेर सुइ मबाक्‍नीम। येरमीया २६:१८

मीका 6:16

गे ओम्री आ अरेशो लोव़ पाप्‍तीवी। मिनु आहाब आ खिं ङा मुर आन पशो नेल्‍ल पाप्‍तीवी। मिनु मेको आन गेशो अर्ती टिप्‍तीवी। मोपतीके गो इ कली खतम पोक्‍नुङ। मिनु इ मुर आन कली शुक्‍शी पतीक सेल्‍नुङ। गे आं मुर आन गाइश्‍शो ताइनेवे” दे ब्रेन्‍न ब्रेन्‍न बाक्‍ब। १राजा १६:२९-३३

नहुम 3:6

गो ग्रांग्रा दिशो थोव़क इ तारी ताइश्‍शा, इ कली थम मरिम्‍शो पाइनुङ। मिनु इ कली तशा मुर हिंतीक सेल्‍नुङ।

सेफन्‍याह 2:15

मेको महिंथु थुं नाइश्‍शा बाक्‍ब सहर मबाक्‍बा ङा? मेकोमी आंम कली “गो गोन नङ। आं क्‍येङा लाक्‍शा अरु सुइ मबाक्‍नीम” देंत। मेको मुल दोदेंशो पा ब्रेश्‍शो दुम्‍मे? मेको ब्‍वाकी ङा जन्‍तु आन बाक्‍तीके दुम्‍त। मेको लां रे पा गाक्‍ब नेल्‍ल मेको तशा आबी, दे हिंशा ख्रिंख्रि पाइनीम। यसैया ४७:८

प्रकाश 18:2

मिनु मेकोमी ठेयब सेंदामी “मेको ठेयब बेबीलोन सहर ब्रेश्‍शा नुप्‍त। मेको ब्रेश्‍शो सहर वोल आन बाक्‍तीके जेल्‍खान दुम्‍त। मेको ग्रांग्रा दिचा ङा चिक्‍ब आन जेल्‍खान दुम्‍त। प्रकाश १४:८; येरमीया १५:३९