येरमीया 51:36 - Sunuwar Bible

³⁶ मोपतीके परमप्रभु यावेमी “गो इ पोन बोक्‍नुङ। गो इ कली गेशो श्‍येत आ क्‍येक्‍क लेत्‍‍नुङ। गो मेको आ समुन्‍द्र सोव़पाइक्‍नुङ। आ ब्‍वाक्‍कु बुक्‍तीके यो सोव़पाइक्‍नुङ।

येरमीया 51:36 ပူးပေါင်းရင်းမြစ်များ

भजन संग्रह 107:33

मेकोमी खोला आन कली गोरशो रागी सेल्‍ब। ब्‍वाक्‍कु बुक्‍तीके आन कली सोव़शो रागी दुम्‍पाइक्‍ब।

भजन संग्रह 140:12

परमप्रभु यावे, श्‍येत जशो आन कली वारच पाइब नु प्रुङग आन कली ठीक निसाफ पाइब बाक्‍नीनी, दे तुइक्‍नुङ।

हितोपदेस 22:23

मारदे हना परमप्रभु यावेमी मेको आन कली वारच पाइब। मेकोमी मेको रोइक्‍ब आन ब्रोंइतीक रोइक्‍ब।

हितोपदेस 23:11

मारदे हना मेको आन कली श्‍येत रे प्रोंइब बोल्‍यो बाक्‍ब। मेकोमी मेको आन पर्बम इ कली श्‍येत गेब।

यसैया 19:5

मिनु नील खोला ङा ब्‍वाक्‍कु सोव़ना सोव़न लशा, ब्‍वाक्‍कु मबाक्‍शो दुम्‍ब।

यसैया 43:14

मिनु परमप्रभु यावे, इन कली पाप रे प्रोंइब, इस्राएली आन का ला बाक्‍शो परमप्रभुमी “इन पा ङा गो बेबीलोन सहर कली लडाइ पाइब सोइक्नुङ। मेको आन ठेयब लाप्‍चो ङा आग्‍लो जिक्‍नुङ। गो कल्‍दी आन ग्रीतीक कली रोंका पपाइक्‍नुङ।

यसैया 44:27

गो शुश लुक्‍च लशो ब्‍वाक्‍कु सोव़पाइक्‍नुङ। गो इ खोला आन कली सोव़पाइक्‍नुङ। यहोसु ४:२३

येरमीया 50:38

मेको आ ब्‍वाक्‍कु सोव़चा कली काइ रेउ मयी। मारदे हना मेको शुश मूर्ति आन रागी बाक्‍ब। मिनु मेको आ देवी देवता आन पर्बम निप्‍स ग्राइश्‍शो खोदेंशो दुम्‍‍ब।

येरमीया 51:11

इन ब्रा शेप्‍पीन। मिनु ब्रा कुरतीक प्रिंदीन। परमप्रभु यावेम मादी आन पिप कली लडाइ पपाइक्‍तु। मारदे हना मेकोमी बेबीलोन कली खतम सेल्‍चा कली मिम्‍ताक्‍व। मेको आ खिं आ पर्बम क्‍येक्‍क लेत्‍तीके बाक्‍ब। यसैया १३:१७; येरमीया ५०:२८

येरमीया 51:6

बेबीलोन आ दाते रे प्रोक्‍कीन। मुर नेल्‍ल आंम आंम गिंम प्रोंइचा कली प्रोक्‍कीन। मेको आ दोसम पतीकेम गे मबेक्‍कीन। मारदे हना मेको परमप्रभु यावे आ क्‍येक्‍क लेत्‍तीक नाक्‍ती बाक्‍ब। मेकोमी मेको कली आ तचा माल्‍शो सजाइ गेब। येरमीया ५०:८; प्रकाश १८:४

इजीकीएल 25:14

गो आं मुर इस्राएल रे पा एदोम कली क्‍येक्‍क लेत्‍नुङ। मिनु मेकोपुकीम आं गाइश्‍शो नु आं चुरशो खोदेंशो पा एदोम कली पाइक्‍नीम। मिनु मेकोपुकीम आं गाइश्‍शो नु चुरशो खोदेंशो पा क्‍येक्‍क लेत्‍नीम। मिनु मेकोपुकीमी परमप्रभु, परमप्रभु यावेमी क्येक्‍क लेश्‍शो बाक्‍ब, दे तुइक्‍नीम” देंत।

होसे 13:15

मेको आ लोक्‍ब आन दातेमी रिम्‍शो दुम्‍शा सोशा बोशा लत हना यो, गो मेको कली शिशी मपाइनुङ। परमप्रभु यावे रे पा पूर्ब ङा फश गोरशो रागी रे पा जाक्‍ब। मिनु आ ब्‍वाक्‍कु बुक्‍तीक सोव़ब। मेको आ इनार यो सोव़नीम। मोपा मेको आ शुश क्‍येट लाइब मारेइ मारेइ नेल्‍ल नुप्‍नीम।

रोमी 12:19

आं दाक्‍शो लोक्‍बपुकी, इन कली श्‍येत गेब आन कली आंमा क्‍येक्‍क मलेत्‍तीन। परमप्रभु यावेमी गाइश्‍शा, मेको आन कली मारेइ पवल, दे सिक्‍सी पा बाक्‍कीन। मारदे हना “क्‍येक्‍क लेत्‍तीक गेय आं केन बाक्‍ब। मिनु गोन पाइनुङ, दे परमप्रभु यावेमी देंब” दे ब्रेक्‍शो बाक्‍ब। ब्‍यवस्‍था ३२:३५; लेवी १९:१८; मत्ती ५:३८-४४

ब्‍यवस्‍था 32:35

सजाइ नु क्‍येक्‍क लेत्‍तीक आं के बाक्‍ब। मिनु ग्रेक्‍शा थित्‍तीक नाक्‍त नु आन बेक्‍तीक नाक्‍त जाक्‍चा चिक्‍शो बाक्‍ब। मेको आन खतम दुम्‍तीक नाक्‍त जाक्‍चा चिक्‍शो बाक्‍ब। भजन संग्रह ९४:१; रोमी १२:१९; हिब्रू १०:३०

ब्‍यवस्‍था 32:43

गे रागी रागी ङा मुरपुकी, ग्येरसीशो मेको आ मुर बाक्‍नीनी। मिनु नेल्‍लेमी परमप्रभु कली मान पने। मारदे हना मेकोमी आ गेय पाइब आन हुश आ क्‍येक्‍क लेप्‍ब। आ मुर आन कली मरिम्‍शो पाइब आन कली क्‍येक्‍क लेप्‍ब। मिनु मेको आन कली काइ मदाक्‍ब आन कली क्‍येक्‍क लेप्‍ब। मिनु मेकोमी आ मुर आन रागी कली लेंशा रिम्‍शो सेल्‍ब” दे मोसामी कुम्‍सो पाप्‍तु। रोमी १५:१०; ब्यवस्‍था २१:८; गन्‍ती ३५:३३-३४

प्रकाश 16:12

मिनु लेंशा अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का युफ्रेटीस माइश्‍शो ठेयब खोलामी मोइक्‍तु। मिनु मेकोमी मोदानु, खोला ङा ब्‍वाक्‍कु सोव़त। मारदे सोव़त देंशा हना, नां दाप्‍तीके रे पीब पिप आन लां ठीक पचा कली सोव़त। यसैया ११:१५-१६