येरमीया 51:33 - Sunuwar Bible

³³ मिनु मुर नेल्‍ल आन परमप्रभु यावे, इस्राएली आन परमप्रभुमी “बेबीलोन आ तमी दांइ पतीक खला का खोदेंशो दुम्‍ब। मेको दिप्‍चा पुंइसीब। इच्‍का नोले रिक्‍ची नाक्‍ती रीब पा जाक्‍ब” देंत।

येरमीया 51:33 ပူးပေါင်းရင်းမြစ်များ

यसैया 18:5

अङगुर मीचा क्‍येङा ङोंइती फू बोइश्‍शा, गेडा सिप्‍ब, मिनु मीब। मेना मेकोमी अङगुर कली गुयेम मुंइ‍शा, आ बरशो राशी ख्रोइश्‍शा ताइक्‍ब।

यसैया 21:10

गे आं तुप्‍शो नु क्राप्‍शो रागी ङा मुरपुकी, मुर नेल्‍ल आन परमप्रभु यावे, इस्राएली आन परमप्रभु रे नेंशो लोव़ गो इन कली देंती।

यसैया 47:1

मिनु “गे कन्‍ने तमी बेबीलोन तोइश्‍शा फुरकुम निस्‍सो। बेबीलोन ङा कल्‍दी आ तमी, ठेयब नित्‍तीक मबाक्‍थु, खपीम निस्‍सो। मारदे हना मुल रे इन कली ‘दारशो नु अरु आन क्‍येङा शुश दाक्‍शो तमी’ मदेंनीम।

येरमीया 51:32

मिनु खोला शोक्‍तीके ग्रातेक्‍म। जोरी सत्रु आन कली ओव़चा मगेचा कली सेल्‍शो तेक्‍तीक नेल्‍ल मी सुइक्‍ताक्‍मे। मिनु लडाइ पाइबपुकी शुश हिंशा वाम ग्‍याम दुम्‍तेक्‍म” देंशा पिप कली लोव़ नेंपाइक्‍नीम।

होसे 6:11

यहूदा, इ कली यो सजाइ गेतीक नाक्‍त जाक्‍ब” दे परमप्रभुमी देंत।

योएल 3:13

मिनु इन गुयेमी रिक्‍चा ठीक दुमीन। मारदे हना बाली नाली खुप्‍ची जाक्‍शो बाक्‍ब। मिनु ओव़शा अङगुर ख्राक्‍कीन। मारदे हना कोल ब्रीशो बाक्‍त। गर ब्रीशा क्‍युप्‍शो बाक्‍नीम। मेको खोदेंशो पा आन मरिम्‍शो पशो शुश दुम्‍त। प्रकाश १४:१५; यसैया ६३:३,६; प्रकाश १४:१८

आमोस 1:3

मिनु परमप्रभु यावेमी मार देंत देंशा हना “गो दमस्‍कस आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी गिलाद ङा मुर आन कली फलाम के ख्रुइ पाइश्‍शो दांदेमी दांइ पाम्‍तेक्‍म। यसैया १७:१-३

मीका 4:12

तन्‍न मेकोपुकीमी परमप्रभु यावे आ मिम्‍शो मतुइक्‍नीम। मेकोपुकीमी आ पचा चिक्‍शो मतुइक्‍नीम। परमप्रभुमी मेको आन कली खला ङा अन्‍न खुप्‍शो खोदेंशो पा खुप्‍ताक्‍व।

मीका 4:13

सियोन आ तमी बोक्‍शा, अन्‍न तुपो। मारदे हना गो इ ग्रोव़ फलाम के सेल्‍नुङ। गो इ गेंग्रे कांसा के सेल्‍‍नुङ। मिनु गे शुश जात जात ङा मुर आन कली फस पोक्‍नेवे। मेको आन रोइश्‍शो परमप्रभु यावे कली गेनेवे। मिनु मेको आन शोंप रागी नेल्‍ल ङा परमप्रभु यावे कली चढ़ेनेवे।

हबकुक 3:12

गे गाइश्‍शा रागी तार गाक्‍तीनी। चुरशा रागी रागी ङा मुर आन कली दिप्‍शा साइक्‍तीनी।

मत्ती 13:30

मोपतीके रिक्‍ची मजाक्‍म सम्‍म बाक्‍ल। रुप्‍ची जाक्‍मेनु, आं गेय पाइब आन कली ङोंइती सुवा रिक्‍शा फ्रेंशा चोचा कली तिल्‍शा वोतीने। मिनु चेरब रिक्‍शा तुप्‍शा आं भकारीम कुर पा वोतीने, दे माइक्‍नुङमी’ देंमाक्‍त” दे शेंताक्‍मी। मत्ती ३:१२; मत्ती १५:३; प्रकाश १४:१५

मत्ती 13:39

सुवा ब्‍वारब सैतान बाक्‍ब। रुप्‍ची नाक्‍त चहिं निसाफ पची नाक्‍त बाक्‍ब। गेय पाइबपुकी परमप्रभु यावे आ गेय पाइब नम।