येरमीया 51:27 - Sunuwar Bible

²⁷ मिनु परमप्रभु यावेमी “गे रागीम छेदर का ख्रुक्‍कीन। रागी रागी आन दातेमी तुराही तपीन। मेको नु लडाइ पचा कली रागी रागी ङा मुर आन कली ठीक सेलीन। राज्‍य आन कली बेबीलोन नु लडाइ पचा कली पोक्‍कीन। आरारात, मिन्‍नी नु अश्‍केनजमी बेबीलोन नु लडाइ पाइब आन ठेयब मुर का योव़ङीन। सल्‍हा आन हुल खोदेंशो पा शुश शारा चाक्‍कीन। यसैया १३:३ उत्‍पत्ती १०:३

येरमीया 51:27 ပူးပေါင်းရင်းမြစ်များ

उत्पत्ती 10:3

गोमेर आ तौपुकी अश्‍‍केनज, रीफत नु तोगारमाह बाक्‍मा बाक्‍त।

उत्पत्ती 8:4

मिनु मेको बर्स ङा ७ महिना ङा १७ नाक्‍त मेको ठेयब डोंगा आरारात माइश्‍शो डांडामी जाक्‍दीश्‍शा दिक्‍माक्‍त। उत्‍पत्ती ७:११

२ राजा 19:37

मिनु मेको काबु आ देवता निस्रोक आ खिंमी पूजा पना पन बाक्‍मेनु, मेको आ तौ अद्राम्‍मेलेक नु शरेसेरमी मेको कली तरवारम क्‍योरशा सदसे बाक्‍त। मिनु प्रोक्‍शा आरारात रागी लसा बाक्‍त। मिनु मेको आ पा ङा आ तौ एसर-हददोन पिप दुम्‍माक्‍त। २राजा १९:७

१ इतिहास 1:6

गोमेर आ तौ अश्‍केनज, दिफाथ नु तोगारमाह बाक्‍मा बाक्‍त।

यसैया 18:3

गे रागी रागीम बाक्‍ब मुरपुकी, रागी नेल्‍लेम ब्रोंइबपुकी डांडाम छेदर ख्रुक्‍शो ताइतीनी हना, कोव़ङीन। तुराही ताप्‍शो बाक्‍त हना, नेनीन।

यसैया 37:38

मिनु आ देवता निस्रोक आ खिंमी बाप्‍शा पूजा पना पन बाक्‍मेनु, आ तौ अद्राम्‍मेलेक नु शरेसेरमी मेको कली तरवारमी क्‍योरशा साइक्‍ताक्‍स। मिनु मेको निक्‍शी प्रोक्‍शा, आरारात रागी लाम्‍ताक्‍स। मिनु मेको आ पा ङा आ तौ एसर-हददोन पिप दुम्‍‍‍त।

येरमीया 25:14

मिनु रागी रागी ङा मुर नु ठेयब पिपमी यहूदा ङा मुर आन कली वाइल सेल्‍नीम। गो मेको आन पशो नु आन गुइमी सेल्‍शो कोव़शा, मेको आन कली क्‍येक्‍क लेत्‍नुङमी” देंत। येरमीया २७:७

येरमीया 46:23

परमप्रभु यावेमी “मेकोपुकीमी आ ब्‍वाकी नेल्‍ल तिम्‍चा माल्‍नीम। मारदे हना हिक्‍ने मचाप्‍चा ङा बाक्‍नीम। मेकोपुकी सल्‍हा क्‍येङा शुश बाक्‍नीम” देंत।

येरमीया 50:2

मार लोव़ पाप्‍तु देंशा हना “रागी रागी ङा मुर आन दातेमी एको लोव़ नेंपतो। छेदर पोक्‍शा नेल्‍ल आन कली नेंपाइश्‍शा ठेयब सेंदा पा देनो। लोव़ का यो मख्रुइक्‍तो। बेबीलोन ब्रुत। बेल देवता मुने दोक्‍त। मेरोदक देवता सुर्ता पाइब। मेको आन मूर्ति मुने दोक्‍नीम। मेको सुर्ता पाइनीम। बेल बेबीलोन सहर ङा देवता बाक्‍ब।

येरमीया 50:3

उत्तर रे रागी का ङा मुरपुकीम मेको कली लडाइ तोइनीम। मिनु मेको आ रागी श्‍येत्‍थ सेल्‍नीम। मेकेर सुइ मबाक्‍नीम। मुर नु जन्‍तु नेल्‍ल प्रोक्‍नीम।

येरमीया 50:9

मारदे हना गो उत्तर रे ठेयब रागी रागी ङा लडाइ पाइब आन कली बेबीलोन आ पर्बम क्‍युक्‍शो बाक्‍नुङ। मेकोपुकी लडाइ पचा कली सासीनीम। मिनु मेको कली लडाइ तोइनीम। मेको आन ब्रा थाम्‍पा लडाइ पस जोक्‍ब मुर खोदेंशो बाक्‍नीम। मेकोपुकी मोशा मलेत्‍नीम।

येरमीया 51:12

बेबीलोन ङा गारो आ ङोंइती छेदर ख्रुक्‍‍कीन। शुश कोव़ब वोतीन। खाल पाइब वोतीन। बाप्‍ब आन कली ठीक पा वोतीन। परमप्रभु यावेमी बेबीलोन ङा मुर आन पर्बम आ मिम्‍शो पाप्‍तु।

येरमीया 51:14

मुर नेल्‍ल आन परमप्रभु यावेम आ नेंम कसम जाप्‍तु। गो थमा पा सल्‍हा खोदेंशो पा लडाइ पाइब मुर जाक्‍पाइश्‍शा, इ रागी प्रिंनुङमी। मिनु मेकोपुकीमी इ क्‍येङा ग्राशो आ पर्बम ठेयब सेंदा पा रेयके पाइनीम।

येरमीया 51:28

मेको नु लडाइ पचा कली रागी रागी ङा मुर आन कली पोक्‍कीन। मादी आन पिप, मेको आन हुकुम पाइब, मेको आन ठेयब मुर नु मेको आन हुकुम पशो रागी नेल्‍ल ङा मुर आन कली पोक्‍कीन” देंत।

येरमीया 6:1

परमप्रभु यावेमी “बेन्‍यामीन आ आलपुकी ब्रोंइशा बाक्‍चा कली यरूसलेम रे प्रोक्‍कीन। तेकोहा सहरमी तुराही ताप्‍पीन। बेथ-हक्‍केरेम तार चिन्‍ड कोंइशा वोतीन। मारदे हना उत्तर रे मरिम्‍शो पतीक नु खतम दुम्‍तीके यिशो बाक्‍ब। आमोस १:१; येरमीया १:१४

योएल 3:9

मिनु परमप्रभुमी “एको लोव़ रागी रागी ङा मुर आन दातेम नेंपतीन। लडाइ पचा कली ठीक दुमीन। लडाइ पाइब आन कली ब्रेत्‍तीन। बुक्‍तीक आ नेक्‍था जाक्‍चा माल्‍नीम।

आमोस 3:6

मार, तेकोइ सहरमी तुराही ताप्‍शोनु, मुर महिंनीमी ङा? मार, सहरम श्‍येत दुम्‍मेनु, मेको परमप्रभु यावे आ सोइश्‍शो ममाइ ङा? यसैया ४५:७; बिलाप ३:३७

जकरिया 14:2

गो रागी रागी ङा मुर नेल्‍ल आन कली यरूसलेम नु लडाइ पपाइक्‍चा कली पुक्‍नुङमी। मिनु सहर मेको आन के दुम्‍ब। मेको आन खिं ङा मारेइ मारेइ रोइक्‍नीम। मिनु मीश मुर आन कली बिथोलो पाइनी‍म। सहर ङा उइक्‍थ मुर ग्‍याइश्‍शा लाइक्‍चा पुंइसीनीम। ली‍शो मेको सहर उइ बाक्‍नीम।

न्‍यायाधीस 6:5

मेकोपुकी आंम के बी ब्‍यफ नु ताम्‍बुपुकी चाक्‍शा, सल्‍हा माले खोदेंशो पा जाक्‍मा बाक्‍त। मुर नु मेको आन दलओंठ हिक्‍ने मचाप्‍चा ङा पा शुश बाक्‍तीके, मोपा मेको रागी कली खतम पोक्‍गमे बाक्‍त।