येरमीया 51:20 - Sunuwar Bible

²⁰ बेबीलोन, गे लडाइ पचा कली आं तुप्‍‍तीके नु लडाइ पतीक या बाक्‍नेवे। गो इ रे पा रागी रागी ङा मुर आन कली तुप्‍ता‍मी। गो इ रे पा राज्‍य आन कली खतम पोक्‍‍तामी। येरमीया ५०:२३

येरमीया 51:20 ပူးပေါင်းရင်းမြစ်များ

यसैया 10:15

खा क्‍येङा खा चलेब ठेयब बाक्‍बा ङा?। आरा क्‍येङा आरा कीब ठेयब बाक्‍बा ङा?। मोदेंशो मदुम्‍त हना कोक्‍केमी कोक्‍के गुप्‍ब कली याम्‍पाइक्‍बा ङा?। मिनु शीमी शी कली गुप्‍ने चाप्‍बा ङा?। यसैया १०:५

यसैया 10:5

आबी, अस्‍सुर रागी, गे आं गाइक्‍तीक ङा कोर्रा, आं गाइक्‍तीके कोक्‍के कुरब दुम्‍ते। यसैया १०:१५

यसैया 13:5

मेकोपुकी ङोन रागी रे जाक्‍नीम। रागी ङा सुर रे पा जाक्‍नीम। मिनु परमप्रभु यावेमी गाइश्‍शा, या शेशा रागी नेल्‍ल खतम सेल्‍पाइक्‍ब। योएल १:१५

यसैया 37:26

गो आं ङोंइती मिम्‍शो, गे मतुइक्‍ती? आं ङोंइती मिम्‍शो गो मुल पाइनुङ। गे गारो हिरशो सहर आन कली फुल्‍लु तेल्‍तीक सेल्‍चा माल्‍नेवे।

यसैया 45:1

मिनु परमप्रभु यावेमी कोरेस कली तेल लुक्‍शा, आ ग्‍युरा गुइ ग्‍याइक्‍ता बाक्‍त। मारदे मो पवा बाक्‍त देंशा हना, रागी रागी ङा मुर आन कली फ्रुपाइक्‍चा, रागी रागी ङा पिप आन कली मुने तोक्‍चा नु आ ङोंइती लाप्‍चो रोक्‍शा, मचोक्‍चा कली बाक्‍त। यसैया ४१:२

यसैया 8:9

गे रागी रागी ङा मुर गारशा सुर्ता पने। गे खतम दुम्‍पाइक्‍चा पुंइसीनीनी। गे ङोन रागी ङा मुर नोफा दाइश्‍शा नेनीने। लडाइ पचा कली किप्‍शुर किम्‍सीन। मिनु हिनीन। लडाइ पचा कली ठीक दुमीन। मिनु सुर्ता पने।

येरमीया 25:11

एको रागी ङा खिं नेल्‍ल ब्रेश्‍शो नु मुर मबाक्‍शो दुम्‍नीम। मिनु एको जात ङा मुरपुकी ७० बर्स सम्‍म बेबीलोन ङा पिप आ वाइल दुम्‍नीम। २इतिहास ३६:२१; येरमीया २९:१०; एज्रा १:१-२

येरमीया 25:9

गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३

येरमीया 50:23

दोपा रागी नेल्‍ल ङा घन जिक्‍शा फस दुम्‍मे, मोपा बेबीलोन रागी रागी आन दातेमी शुश हिंचा ङा दुम्‍ब। येरमीया ५१:२०

इजीकीएल 21:11

तरवार टल्‍केपपाइक्‍चा कली गे‍शो बाक्‍ब। मिनु गुइम शे‍शा, मेको शेप्‍शा टल्‍केपपाइश्‍शो बाक्‍ब। मेको साइक्‍ब कली गे‍शो बाक्‍ब।

इजीकीएल 21:31

गो आं गाइश्‍शो इन तार मोइक्‍नुङ। आं चुर‍शो मी मुइश्‍शो खोदेंशो पा गो इन तारी मोइक्‍नुङ। गो इन कली साइक्‍चा कली हुश ख्राक्‍श पोक्‍ब नु सांइ‍स जोक्‍ब आन गुइम जिम्‍मा गेनन्‍नी।

मीका 4:12

तन्‍न मेकोपुकीमी परमप्रभु यावे आ मिम्‍शो मतुइक्‍नीम। मेकोपुकीमी आ पचा चिक्‍शो मतुइक्‍नीम। परमप्रभुमी मेको आन कली खला ङा अन्‍न खुप्‍शो खोदेंशो पा खुप्‍ताक्‍व।

मीका 4:13

सियोन आ तमी बोक्‍शा, अन्‍न तुपो। मारदे हना गो इ ग्रोव़ फलाम के सेल्‍नुङ। गो इ गेंग्रे कांसा के सेल्‍‍नुङ। मिनु गे शुश जात जात ङा मुर आन कली फस पोक्‍नेवे। मेको आन रोइश्‍शो परमप्रभु यावे कली गेनेवे। मिनु मेको आन शोंप रागी नेल्‍ल ङा परमप्रभु यावे कली चढ़ेनेवे।

नहुम 2:1

निनवे, इ कली खतम सेल्‍ब जाक्‍शो बाक्‍ब। इ बोल्‍यो दरवार खाल पावो। इ लां रिम्‍शो पा कोव़ङो। इ किप्‍शुर किम्‍सो। इ बोल नेल्‍ल ग्रुंइदो। यसैया ५२:७; नहुम १:११

जकरिया 10:4

मिनु यहूदा रे सुर ङा फुल्‍लु, ताम्‍बु कीतीक किला, लडाइ पाइब आन लिब्रा नु कप्‍तान नेल्‍ल ग्रूनीम। येरमीया ३०:२१

मत्ती 22:7

मिनु पिपमी मोदेंशो दुम्‍शो तुइश्‍शा चुरशा, आ सिपाही आन कली ‘लने, मुर साइक्‍ब आन कली साइश्‍शा, आन सहर गाउं क्रोइश्‍शा गेने’ दे सोइक्‍तीमी बाक्‍त। मत्ती २४:२