येरमीया 51:2 - Sunuwar Bible

² गो बेबीलोन कली क्राप्‍ब मुर सोइक्‍नुङमी। मेकोपुकीम बेबीलोन आ श्‍येत जतीक नाक्‍ती आ एर ओंथ नेल्‍ल रे जाक्‍शा, मेको आ रागी श्‍येत्‍थ सेल्‍नीम। येरमीया १५:७

येरमीया 51:2 ပူးပေါင်းရင်းမြစ်များ

यसैया 41:16

गे मेको आन कली हारशा, फशेम योल्‍पाइक्‍नेवे। मिनु फश गिवारम मेको आन कली एर ओंथ फ्रशा योल्‍ब। मेना गे परमप्रभु यावे कली तुइश्‍शा, ग्‍येरनेवे। इस्राएली आन का ला बाक्‍शो परमप्रभु आ मुर दुम्‍‍शा, ग्‍येरसीनेवे” देंत।

यसैया 43:14

मिनु परमप्रभु यावे, इन कली पाप रे प्रोंइब, इस्राएली आन का ला बाक्‍शो परमप्रभुमी “इन पा ङा गो बेबीलोन सहर कली लडाइ पाइब सोइक्नुङ। मेको आन ठेयब लाप्‍चो ङा आग्‍लो जिक्‍नुङ। गो कल्‍दी आन ग्रीतीक कली रोंका पपाइक्‍नुङ।

येरमीया 15:7

गो मेको आन कली राज्‍य ङा सहर ङा ठेयब लाप्‍चोमी ग्‍योलोम हारशो खोदेंशो हारताक्‍ङ। गो आं मुर आन कली शुश श्‍येत गेशा खतम सेल्‍ता। मारदे हना मेको आन मरिम्‍शो पतीक रे मलेम्‍म। मत्ती ३:१२

येरमीया 50:29

बेबीलोनी आन कली लिब्रा आप्‍बपुकी ब्रेत्‍तीन। लिब्रा आप्‍ब नेल्‍ल आन कली ब्रेत्‍तीन। मेको आ एर ओंथ नेल्‍ल ताम्‍बु कीशा मुर आन कली तेक्‍कीन। मेकेर रे सुइ ब्रोंइचा मतामेक्‍ल। मेको आ पशो खोदेंशो पा मेको कली क्‍येक्‍क लेत्‍तीन। मेकोमी पशो खोदेंशो पा, मेको कली यो पतीन। मारदे हना मेकोमी इस्राएली आन का ला बाक्‍शो परमप्रभु यावे कली शुक्‍शी पाप्‍तु। येरमीया ५०:१५

येरमीया 50:32

ठेयब लेश्‍शो मुर दाइल पा गोल्‍ब। मेको कली पोक्‍ब सुइ मबाक्‍नीम। मिनु गो मेको आ सहरम मी सुइक्‍नुङ। मेको मीम मेको आ एर ओंथ बाक्‍ब नेल्‍ल आन कली दाक्‍ब” देंत।

इजीकीएल 5:12

इ दातेमी, भाग सांम भाग का मुर बेक्‍तीक रोइम नु अन्‍कालम बेक्‍नीम। मिनु अर्को भाग तरवारम बेक्‍नीम। मिनु नोले ङा भाग फशेम ते ते फ्राइनुङमी। मिनु गो मेको आन कली तरवारम खेदा पाइनुङमी। इजीकीएल ५:२

मत्ती 3:12

आ गुइमी ग्‍योल बाक्‍ब। मेकोमी लाङगामी हाम्‍शो चेरब हुरशा, भूस नु गेडा तिल्‍ब। गेडा कोठोमी कुर पा वोइक्‍ब। भूस चहिं गेनायो मकाप्‍ब मीमी चोइब” दे माइक्‍मी बाक्‍त। मत्ती १३:३०