येरमीया 51:11 - Sunuwar Bible

¹¹ इन ब्रा शेप्‍पीन। मिनु ब्रा कुरतीक प्रिंदीन। परमप्रभु यावेम मादी आन पिप कली लडाइ पपाइक्‍तु। मारदे हना मेकोमी बेबीलोन कली खतम सेल्‍चा कली मिम्‍ताक्‍व। मेको आ खिं आ पर्बम क्‍येक्‍क लेत्‍तीके बाक्‍ब। यसैया १३:१७; येरमीया ५०:२८

येरमीया 51:11 ပူးပေါင်းရင်းမြစ်များ

१ राजा 11:14

मिनु परमप्रभु यावेमी इस्राएली आन मुर एदोम ङा पिप आ खिं ङा मुर हादाद कली सोलोमन आ जोरी सत्रु सेल्‍शा पोक्‍गा बाक्‍त।

१ राजा 11:23

मिनु परमप्रभुम सोलोमन आ पर्बम अर्को जोरी सत्रु का यो पोक्‍गा बाक्‍त। मेको एल-आदा आ तौ रेसोन बाक्‍माक्‍त। मेको आ होव़प सोबाह ङा पिप हादादेजेर रे प्रोक्‍शा लशो बाक्‍माक्‍त। २सामुएल ८:३

१ इतिहास 5:26

मोपतीके इस्राएली आन परमप्रभुमी अस्‍सुर ङा पिप पुल, ति‍ल्‍गथ-पिलेसेरमी कली क्‍युक्‍गा बाक्‍त। मिनु मेकोपुकीम रूवेन, गाद नु मनस्‍से आ उइक्‍थ थर ङा मुर आन कली ग्‍याइश्‍शा लदमे बाक्‍त। मेको आन कली हालाह, हाबोर, हारा नु गोजान खोला सम्‍म लदमे बाक्‍त। मेको मुल सम्‍म मेकेर बाक्‍शो बाक्‍नीम। २राजा १५:१९; २राजा १५:२९

२ इतिहास 36:22

मिनु पारसी ङा पिप कोरेसमी पिप पवा आ ङोंइती ङा बर्सम येरमीया आ देंशो परमप्रभु यावे आ लोव़ गाप्‍चा कली परमप्रभु यावेम पारसी ङा पिप आ थुंमी लोव़ पवा बाक्‍त। मिनु मेकोमी आ ठेयब राज्‍य नेल्‍लेम लोव़ पा ब्रेक्‍शा, उरदी पपदा बाक्‍त। येरमीया २९:१०; यसैया ४४:२८

एज्रा 1:1

पारसी रागीमी पिप कोरेस आ ङोंइती ङा बर्समी परमप्रभु यावेमी येरमीया रे पा देंशो लोव़ खाप्‍चा कली पिप कोरेस आ थुं क्‍युक्‍गा बाक्‍त। मिनु मेको पिपमी आ राज्‍य नेल्‍लेमी मेको लोव़ नेंपाइक्‍चा कली ब्रेक्‍पदा बाक्‍त। यसैया ४५:१; यसैया ४४:२८

यसैया 10:26

मुर नेल्‍ल आन परमप्रभु यावेमी मेको आन कली कोर्राम युक्‍ब। मेको ओरेब ङा सेरथे फुल्‍लु आ नेक्‍था ङा लडाइम मिदयान कली फ्रुशो खोदेंशो दुम्‍ब। मेकोम इजीप्‍तम खोदेंशो पा आ कोक्‍के समुन्‍द्र तार दिंब। न्‍यायाधीस ७:२५; भजन संग्रह ८३:१०; प्रस्‍थान १४:२६-२७

यसैया 21:2

गो हिंचा ङा लोव़ का नेंता। श्‍येत गेबपुकीम श्‍येत ला गेनीम। खतम पोक्‍‍बपुकीमी खतम ला पोक्‍नीमी। एलाम, गे कुवो। गे लशा, मादी रागी ङा मुर पुम्‍दीने। गो मेको आन हुक‍यी पचा तेक्‍नुङ” देंत।

यसैया 21:5

मेकोपुकीमी जचा कली ठीक सेल्‍नीम। वा ब्राइनीम। जाइनीम, तूनीम। ए, कप्‍तानपुकी, बोक्‍कीन इन तेक्‍तीक तेल ख्रेक्‍तीन।

यसैया 41:25

गो उत्तर रे का कली ब्रेत्‍ताक्‍ङ। मिनु मेको जाक्‍त। नां दाप्‍तीके रे आं नेंमी लोव़ पाइब ब्रेत्‍ताक्‍ङ। मेकोम ठेयब मुर आन तारी खप दिम्‍शो खोदेंशो पा दिम्‍ब। खप के ग्‍योंब सेल्‍बम दोदेंशो पा खप नीबा, मोदेंशो पा मेको आन कली नीब।

यसैया 45:1

मिनु परमप्रभु यावेमी कोरेस कली तेल लुक्‍शा, आ ग्‍युरा गुइ ग्‍याइक्‍ता बाक्‍त। मारदे मो पवा बाक्‍त देंशा हना, रागी रागी ङा मुर आन कली फ्रुपाइक्‍चा, रागी रागी ङा पिप आन कली मुने तोक्‍चा नु आ ङोंइती लाप्‍चो रोक्‍शा, मचोक्‍चा कली बाक्‍त। यसैया ४१:२

यसैया 45:5

गो परमप्रभु यावे नङ। गो आं ङा लाक्‍शा सुइ परमप्रभु मबाक्‍ब। गे आं कली मतुइक्‍ताक्‍यी हना यो, गो इ कली ठीक सेल्‍तन। प्रस्‍थान २०:३

यसैया 46:11

गो पूर्ब रे सिखार ग्‍यारब चिक्‍ब का ब्रेत्‍नुङ। मिनु ङोन रागी रे आं मिम्‍शो नेल्‍ल पाइब मुर का कली ब्रेत्‍नुङ। गो आं देंशो लोव़ खाप्‍नुङ। आं मिम्‍शो पाइनुङ। यसैया ४१:२

येरमीया 25:25

जिम्री ङा पिप, एलाम ङा पिप नु मादी ङा पिप नेल्‍ल आन कली,

येरमीया 46:3

आइक्‍च नु ठेयब तेक्‍तीक ठीक पने। लडाइ पचा कली ङोंइती बारीन।

येरमीया 46:4

शाराम लगम पाइक्‍तीन। शारा ङोंइसीन। कांसा के ताकी गुक्‍शा इन तूतीक शेप्‍पीन। इन कांसा के फेक्‍तीक फेक्‍सीन।

येरमीया 46:9

शारापुकी दोरशा ङोंइती लने। बग्‍गी खुल्‍बपुकी थाम्‍पा दोरपतीन। लडाइ पाइबपुकी बारीने। कूश एथीयोपीया नु पूत ङा मुरपुकीमी तेक्‍तीक कुरनीम। लूद ङा मुरपुकीमी लिब्रा आप्‍नीम।

येरमीया 50:25

परमप्रभु यावेम आ या वोइक्‍तीक खिं रोक्‍तु। मिनु आ चुर‍शो ङा या ग्रुंइताक्‍व। मारदे हना मुर नेल्‍ल आन परमप्रभु यावेमी कल्‍दी आन रागीम गेय का पचा माल्‍ब।

येरमीया 50:3

उत्तर रे रागी का ङा मुरपुकीम मेको कली लडाइ तोइनीम। मिनु मेको आ रागी श्‍येत्‍थ सेल्‍नीम। मेकेर सुइ मबाक्‍नीम। मुर नु जन्‍तु नेल्‍ल प्रोक्‍नीम।

येरमीया 50:45

मोपतीके परमप्रभु यावेम बेबीलोन आ पर्बम पचा चिक्‍शो गेय नु कल्‍दी रागी ङा मुर आन पर्बम मिम्‍शो दोदेंशो बाक्‍बा, मेको नेनीन। थमा पा लाइक्‍चा पुंइसीनीम। बेबीलोन ङा प्रुङग मुर आन कली यो कीशा लाइक्‍चा पुंइसीनीम। मेको आन बाक्‍तीक मेको तशा हिंब।

येरमीया 50:9

मारदे हना गो उत्तर रे ठेयब रागी रागी ङा लडाइ पाइब आन कली बेबीलोन आ पर्बम क्‍युक्‍शो बाक्‍नुङ। मेकोपुकी लडाइ पचा कली सासीनीम। मिनु मेको कली लडाइ तोइनीम। मेको आन ब्रा थाम्‍पा लडाइ पस जोक्‍ब मुर खोदेंशो बाक्‍नीम। मेकोपुकी मोशा मलेत्‍नीम।

येरमीया 51:12

बेबीलोन ङा गारो आ ङोंइती छेदर ख्रुक्‍‍कीन। शुश कोव़ब वोतीन। खाल पाइब वोतीन। बाप्‍ब आन कली ठीक पा वोतीन। परमप्रभु यावेमी बेबीलोन ङा मुर आन पर्बम आ मिम्‍शो पाप्‍तु।

येरमीया 51:24

गो इ ङोंइती बेबीलोन नु कल्‍दी रागीम बाक्‍ब मुर नेल्‍लेम सियोनम मरिम्‍शो पशो आ पर्बम क्‍येक्‍क लेत्‍नुङ” दे परमप्रभु यावेम देंत। येरमीया ५०:२९; अय्‍युब १:१७

येरमीया 51:35

आं मुर आन कली साइश्‍शो आ पर्बम बेबीलोन क्‍येक्‍क लेत्‍चा पुंइसीब” देंत। सियोन ङा यरूसलेममी “कल्‍दी रागीम बाक्‍ब मुरपुकीम ‘आं हुश आ क्‍येक्‍क लेत्‍चा पुंइसीनीम’ देंचा माल्‍नीम” देंत।

येरमीया 51:36

मोपतीके परमप्रभु यावेमी “गो इ पोन बोक्‍नुङ। गो इ कली गेशो श्‍येत आ क्‍येक्‍क लेत्‍‍नुङ। गो मेको आ समुन्‍द्र सोव़पाइक्‍नुङ। आ ब्‍वाक्‍कु बुक्‍तीके यो सोव़पाइक्‍नुङ।

दानीएल 5:30

मिनु मेको नाक्‍दोन कल्‍दी आन पिप बेल-शजर साइक्‍चा पुंइसाक्‍व।

योएल 3:10

गे इन फाली शोल्‍शा, तुप्‍शा तरवार सेलीन। मिनु इन गुये तुप्‍शा, तूतीक भाला सेलीन। मिनु गे हिंब मुरपुकीमी ‘गो बोल्‍यो लडाइ पाइब नकी’ देनीन। यसैया २:४

योएल 3:9

मिनु परमप्रभुमी “एको लोव़ रागी रागी ङा मुर आन दातेम नेंपतीन। लडाइ पचा कली ठीक दुमीन। लडाइ पाइब आन कली ब्रेत्‍तीन। बुक्‍तीक आ नेक्‍था जाक्‍चा माल्‍नीम।

लेवी 26:25

गो इन कली लडाइ तोपाइक्‍नुङ। मिनु आं कबल प्रोंइशो आ पर्बम क्‍येक्‍क लेत्‍नुङ। गेपुकी आंम आंमा सहरम बुक्‍तीनी हना, गो मेकेर यो इन दातेम बेक्‍पाइक्‍ब रोइ सोइक्‍नुङ। मिनु इन जोरी सत्रु आन गुइम दुम्‍नीनी। यसैया १:२०,२४

जकरिया 14:12

परमप्रभु यावेमी यरूसलेम कली लडाइ तोइब आन कली मार बेक्‍तीक रोइ पपाइक्‍ब देंशा हना, मुर गाक्‍ना गाक्‍ना आन श्‍ये राक्‍तीके, आन मिक्‍च आन बाक्‍तीकेम राक्‍तीके नु आन लें आन शोव़मी राक्‍तीके रोइ पपाइक्‍ब।

जकरिया 14:2

गो रागी रागी ङा मुर नेल्‍ल आन कली यरूसलेम नु लडाइ पपाइक्‍चा कली पुक्‍नुङमी। मिनु सहर मेको आन के दुम्‍ब। मेको आन खिं ङा मारेइ मारेइ रोइक्‍नीम। मिनु मीश मुर आन कली बिथोलो पाइनी‍म। सहर ङा उइक्‍थ मुर ग्‍याइश्‍शा लाइक्‍चा पुंइसीनीम। ली‍शो मेको सहर उइ बाक्‍नीम।