येरमीया 50:32 - Sunuwar Bible

³² ठेयब लेश्‍शो मुर दाइल पा गोल्‍ब। मेको कली पोक्‍ब सुइ मबाक्‍नीम। मिनु गो मेको आ सहरम मी सुइक्‍नुङ। मेको मीम मेको आ एर ओंथ बाक्‍ब नेल्‍ल आन कली दाक्‍ब” देंत।

येरमीया 50:32 ပူးပေါင်းရင်းမြစ်များ

भजन संग्रह 119:78

ठेयब लेश्‍शो मुर मुने दोक्‍मल। मारदे हना मेकोपुकीमी आं कली मो दिम्‍ताक्‍यीमी। गो चहिं इन अरेशा ब्रेक्‍शो लोव़ मिम्‍ना मिम्‍न बाक्‍नुङ।

हितोपदेस 16:18

मुर खतम दुम्‍चा क्‍येङा ङोंइती ठेयब लेत्‍नीम। नुप्‍चा क्‍येङा ङोंइती मुर बोरनीम। हितोपदेस १८:१२

हितोपदेस 18:12

खतम दुम्‍चा क्‍येङा ङोंइती मुर ठेयब लेत्‍नीम। मान तचा क्‍येङा ङोंइती मुर ब्रेम्‍शो दुम्‍‍नीम। हितोपदेस १६:१८

येरमीया 21:14

गो इन कली इन पशो खोदेंशो पा कोव़शा, सजाइ गे‍नन्‍नी। गो इन ब्‍वाकीम मी सुइक्‍नुङ। मिनु मेकोमी इन एर ओंथ बाक्‍शो मारेइ मारेइ नेक्‍ब, दे परमप्रभु यावेमी देंत’ देनो” देंत। गलाती ६:७; इजीकीएल २१:३

येरमीया 49:27

गो दमस्‍कस ङा गारोपुकीम मी सुइक्‍नुङमी। मेकोमी बेन-हादाद आ गारो हिरशो सहर खतम सेल्‍ब” दे मुर नेल्‍ल आन परमप्रभु यावेम देंत।

येरमीया 51:26

खिं ङा सुर वोइक्‍चा कली इ रे पा फुल्‍लु का यो मलाइक्‍नीम। जग वोइक्‍चा कली यो इ फुल्‍लु मलाइक्‍नीम। तन्‍न गे गेना हना यो कली श्‍येत्थ रागी दुम्‍चा माल्‍नेवे” दे परमप्रभु यावेम देंत।

येरमीया 51:64

मिनु “कागज ब्‍वाक्‍कुम ग्रुम्‍शो खोदेंशो पा बेबीलोन आं चाक्‍शो श्‍येत आ पर्बम ग्रुम्‍ब। मेको गेनायो ग्रूने मचाप्‍ब, देंचा माल्‍नेवे” देंत। मोपा येरमीया आ लोव़ नुप्‍त।

दानीएल 5:20

तन्‍न मेको ठेयब लेत्‍तीके नु आ थुं खकटा दुम्‍पाइक्‍तीके पिप आ नित्‍तीक रे खेरचा नु आ छेङछेङ रोइक्‍चा पुंइसाक्‍व।

आमोस 1:10

मोपतीके गो टायर ङा गारोम मी सुइक्‍नुङ। मिनु मेकोमी मेको आ बोल्‍यो दरवार खतम पोक्‍ब” दे परमप्रभु यावेमी देंत।

आमोस 1:12

मोपतीके गो तेमानम मी सुइक्‍नुङ। मेकोमी बोज्रा ङा बोल्‍यो दरवार खतम पोक्‍ब” दे परमप्रभु यावेमी देंत।

आमोस 1:14

मोपतीके गो रब्‍बाह ङा गारोम मी सुइक्‍नुङ। मेकोम आन बोल्‍यो दरवार खतम पोक्‍ब। मिनु लडाइ पाइबपुकी शुश रेयके पा, फश गिवार खोदेंशो पा जाक्‍शा, मेको आन कली खतम पोक्‍नीम।

आमोस 1:4

मोपतीके गो हजाएल आ खिंमी मी सुइक्‍नुङ। मेकोमी बेन-हादाद आ बोल्‍यो दरवार नेल्‍ल खतम पोक्‍ब।

आमोस 1:7

मोपतीके गो गाजा ङा गारोम मी सुइक्‍नुङ। मेकोमी मेको आ बोल्‍यो दरवार खतम पोक्‍ब।

आमोस 2:2

मोपतीके गो मोआब रागीम मी सुइक्‍नुङ। मेकोमी गारो हिरशो केरयोथ ङा बोल्‍यो दरवार खतम पोक्‍ब। मिनु मोआब ङा मुर लडाइ, शुश रेयके नु तुराही ग्री‍शोम बेक्‍नीम।

आमोस 2:5

मोपतीके गो यहूदा रागीम मी सुइक्‍नुङ। मेकोमी यरूसलेम ङा बोल्‍यो दरवार खतम पोक्‍ब” दे परमप्रभु यावेमी देंत। होसे ८:१४

आमोस 5:2

आं मीश आल इस्राएल लेंशा गेनायो मबोक्‍चा ङा पा गोल्‍त। मेको आ रागीमीन प्रोंइचा पुंइसीशो बाक्‍ब। मेको कली पोक्‍ब सुइ मबाक्‍नीम” देंत।

ब्‍यवस्‍था 32:22

मारदे हना आं गाइक्‍चा मी खोदेंशो पा ब्रशो बाक्‍ब। रागी आगा सम्‍म ब्राइब। रागी नु मेकेर बाक्‍शो नेल्‍ले नेक्‍ब। मेकोमी डांडा आन जग नेल्‍ल नेक्‍ब।

प्रकाश 18:8

मोपा मोमो ठेयब लेश्‍शो लोव़ पतीके, काबु मेको कली श्‍येत दुम्‍ब। मेको कली मार श्‍येत दुम्‍ब देंशा हना, मेको सहरमी मुर साइक्‍ब रोइ जाक्‍ब, मिनु रोंका पाइनीम, अन्‍काल यो दुम्‍ब। मिनु मेको सहर मीम दुप्‍शा पुलु दुम्‍ब। मेको श्‍येत नेल्‍ल मारदे दुम्‍ब देंशा हना, मेको आन कली निसाफ पाइब परमप्रभु यावे सक्ति पाइश्‍शो बाक्‍ब” देंशो नेंता।