येरमीया 50:3 - Sunuwar Bible

³ उत्तर रे रागी का ङा मुरपुकीम मेको कली लडाइ तोइनीम। मिनु मेको आ रागी श्‍येत्‍थ सेल्‍नीम। मेकेर सुइ मबाक्‍नीम। मुर नु जन्‍तु नेल्‍ल प्रोक्‍नीम।

येरमीया 50:3 ပူးပေါင်းရင်းမြစ်များ

उत्पत्ती 6:7

मिनु परमप्रभु यावेमी “आं सेल्‍शो मुर आन कली रागी रे क्‍याम्‍नुङ। मुर नु जन्‍तु नेल्‍ल क्‍याम्‍नुङ। खपीम ग्रेशा गाक्‍ब आइक्‍च जन्‍तु नु सरीङम बेरब चिक्‍ब यो क्‍याम्‍नुङ। मारदे हना गो मेको आन कली सेल्‍शा यो, आं थुं मनुङ” दे मिम्‍ता बाक्‍त। गन्‍ती २३:१९; रोमी ३:३-४; २तिमोथी २:१३

प्रस्‍थान 12:12

मेको नाक्‍दो गोमी इजीप्‍त रागी हिरशा, इजीप्‍त ङा मुर आन ङोंइती जरमेशो तौ नेल्‍ल साइक्‍नुङमी। बस्‍तु भाव आन के यो ङोंइती जरमेशो नेल्‍ल साइक्‍नुङमी। इजीप्‍त ङा देवी देवता नेल्‍ल आन कली सजाइ गेनुङमी। गो, परमप्रभु यावे मेकोन पाइनुङ। गन्‍ती ३३:४

यसैया 41:25

गो उत्तर रे का कली ब्रेत्‍ताक्‍ङ। मिनु मेको जाक्‍त। नां दाप्‍तीके रे आं नेंमी लोव़ पाइब ब्रेत्‍ताक्‍ङ। मेकोम ठेयब मुर आन तारी खप दिम्‍शो खोदेंशो पा दिम्‍ब। खप के ग्‍योंब सेल्‍बम दोदेंशो पा खप नीबा, मोदेंशो पा मेको आन कली नीब।

यसैया 45:1

मिनु परमप्रभु यावेमी कोरेस कली तेल लुक्‍शा, आ ग्‍युरा गुइ ग्‍याइक्‍ता बाक्‍त। मारदे मो पवा बाक्‍त देंशा हना, रागी रागी ङा मुर आन कली फ्रुपाइक्‍चा, रागी रागी ङा पिप आन कली मुने तोक्‍चा नु आ ङोंइती लाप्‍चो रोक्‍शा, मचोक्‍चा कली बाक्‍त। यसैया ४१:२

येरमीया 21:6

गो एको सहरम बाक्‍ब मुर नु बस्‍तु भाव नेल्‍ल आन कली साइक्‍नुङमी। मिनु मेकोपुकी ठेयब बेक्‍तीक रोइम बेक्‍नीम’ देंत, दे मतीस।

येरमीया 50:9

मारदे हना गो उत्तर रे ठेयब रागी रागी ङा लडाइ पाइब आन कली बेबीलोन आ पर्बम क्‍युक्‍शो बाक्‍नुङ। मेकोपुकी लडाइ पचा कली सासीनीम। मिनु मेको कली लडाइ तोइनीम। मेको आन ब्रा थाम्‍पा लडाइ पस जोक्‍ब मुर खोदेंशो बाक्‍नीम। मेकोपुकी मोशा मलेत्‍नीम।

येरमीया 51:11

इन ब्रा शेप्‍पीन। मिनु ब्रा कुरतीक प्रिंदीन। परमप्रभु यावेम मादी आन पिप कली लडाइ पपाइक्‍तु। मारदे हना मेकोमी बेबीलोन कली खतम सेल्‍चा कली मिम्‍ताक्‍व। मेको आ खिं आ पर्बम क्‍येक्‍क लेत्‍तीके बाक्‍ब। यसैया १३:१७; येरमीया ५०:२८

येरमीया 51:48

मिनु नोले सरीङ, रागी नु मेकेर बाक्‍ब नेल्‍लेमी बेबीलोन ब्रुशो आ पर्बम ग्‍येरशा वाइ ब्रेत्‍नीम। मारदे हना मेको आन कली क्‍येक्‍क लेप्‍ब उत्तर रे जाक्‍नीम” दे परमप्रभु यावेम देंत। प्रकाश १८:२०

येरमीया 51:62

‘परमप्रभु यावे, गे एको रागी कली खतम पोक्‍नुङ’ देंतीनी। ‘एकेर मुर नु बी ब्‍यफ, क्‍यारश भेडा, मारेइ बास मबाक्‍चा ङा पा श्‍येत्‍थ रागी सेल्‍नुङ। एको गेना हना यो मुर मबाक्‍तीके दुम्‍ब’ देंतीनी” देनो।

येरमीया 7:20

मोपतीके परमप्रभु, परमप्रभु यावेम “आं गाइश्‍शो नु आं चुरशो मेकेर मोइक्‍चा माल्‍ब। मुर, बी ब्‍यफ, क्‍यारश भेडा, रू ङा रवा नु रागी ङा मारेइ मारेइ आन तारी मोइक्‍चा माल्‍ब। मेको मकाप्‍ब मीम नेल्‍ल दाक्‍ब” दे परमप्रभु यावेमी देंत।

येरमीया 9:10

गे डांडा आन पर्बम ङाक्‍शा रोंका पने। मिनु गोरशो रागी ङा योव़तीक आन पर्बम बिलाना पने। मेको गोरशो सेल्‍शो बाक्‍नीम। मेकेर सुइ मगाक्‍नीम। मिनु मेकेर बी ब्‍यफ क्‍‍यारश भेडा आन ग्रीशो मनेंसीब। सरीङ ङा चिक्‍ब नु जन्‍तु नेल्‍ल प्रोक्‍शा लाम्‍तेक्‍म। येरमीया ४:२५; येरमीया १२:४

येरमीया 9:11

गो यरूसलेम कली खिं ब्रेश्‍शा देल्‍तीके सेल्‍नुङ। सिवार आन बाक्‍तीके सेल्‍नुङ। गो यहूदा ङा सहर आन कली मुर मबाक्‍तीके सेल्‍नुङमी। मिनु मेकेर सुइ मबाक्‍नीम। येरमीया २६:१८

सेफन्‍याह 1:3

मुर नु बी ब्‍यफ, क्‍यारश भेडा, जन्‍तु नेल्‍ल आन कली खतम सेल्‍नुङ। सरीङ ङा चिक्‍ब, समुन्‍द्र ङा ङांइ नेल्‍ल आन कली साइक्‍नुङमी। रागी ङा मुर नेल्‍ल आन कली खतम सेल्‍नुङ। परमप्रभु यावे आ अरेशो मटीब आन कली दाइल पपाइक्‍नुङ। गो मुर नेल्‍ल आन कली रागी नेल्‍ल रे क्‍याम्‍नुङ। मत्ती १३:४१