येरमीया 50:27 - Sunuwar Bible

²⁷ मेको आ सांढे ब्‍यफ नेल्‍ल सतीन। मेको आन कली क्‍योरचा कली लतीन। आबी, आबी, मेको आन नाक्‍ती जाक्‍त। मेको आन कली सजाइ गेतीक नाक्‍ती जाक्‍त।

येरमीया 50:27 ပူးပေါင်းရင်းမြစ်များ

अय्‍युब 18:20

पच्‍छिम ङा मुरपुकी मेको आन श्‍येत जशो नेंशा हिंनीम। पूर्ब ङा मुरपुकी शुश हिंशा ख्रिंख्रि पाइनीम। भजन संग्रह ३७:१३

भजन संग्रह 22:12

ठेयब सांढेपुकीमी पुम्‍ताक्‍यीमी। बाशान रागी ङा हिंचा ङा सांढेपुकीमी यो पुम्‍ताक्‍यीमी।

भजन संग्रह 37:13

तन्‍न परमप्रभु मेको आन कली तशा, रिप्‍ब। मारदे हना मेको आन नाक्‍त नुप्‍शो तुइश्‍शो बाक्‍ब। अय्‍युब १८:२०

यसैया 21:12

गो सेइर रे सेंदा का नेंता। मेको सेंदामी “ए, खाल पाइब मुर, नाक्‍दो दोशो दुम्‍मे? दोशो लीमे? ए, खाल पाइब नाक्‍दो दोशो दुम्‍मे? दोशो लीमे?” देंत। मिनु खाल पाइबमी “नां सोव़ब, मिनु नां रिक्‍ब। मारेइ हिल्‍लो पचा बाक्‍त हना, आं बाक्‍तीक जाक्‍कीन। मिनु हिल्‍लो पयीनी” देंत।

यसैया 34:6

परमप्रभु यावे आ तरवार हुशेम ग्रुम्‍शो बाक्‍ब। बोंसो लुम्‍सीशो बाक्‍ब। मेको क्‍यारश भेडा आन हुश नु बोका आन चिच ङा बोंसो लुम्‍सीशो बाक्‍ब। मारदे हना बोज्रामी परमप्रभु यावेमी ठेयब चढ़ेतीक गेय पाइब। एदोम रागीमी शुश मुर आन कली साइक्‍ब। यसैया ६३:१

यसैया 34:7

ब्‍वाकी ङा ब्‍यफ मुरपुक नु गोल्‍नीम। बाछापुकी बोल्‍यो सांढे ब्‍यफपुक नु गोल्‍नीम। मेको आन रागी हुशेम जारशो बाक्‍ब। मेकेर ङा खप बोंसोम ब्रीशो बाक्‍ब।

येरमीया 12:3

मो हना यो परमप्रभु यावे, गे आं कली तुइक्‍नीनी। गे आं कली कोव़शा, नाक्‍नीनी। आं थुं गे नु बाक्‍ब। मेको आन कली साइक्‍चा कली लाइश्‍शो भेडा खोदेंशो पा, कीशा लतीन। मिनु साइक्‍तीक नाक्‍त कली तिल्‍शा वोतीन। भजन संग्रह १३९:१

येरमीया 25:34

गे गोठलापुकी रोंका पने। मिनु वाइ ब्रेश्‍शा ङाक्‍कीन। गे मेको बगाल ङा लां कोंइबपुकी पुलुम दिङ दाङ गोलीन। मारदे हना इन कली क्‍योरशा साइक्‍तीक नाक्‍त जाक्‍शो बाक्‍ब। गेपुकी गोल्‍नीनी। मिनु शुश क्‍येट लाइब ग्‍योंब खोदेंशो पा प्रोल्‍चा पुंइसीनीनी। येरमीया २३:१

येरमीया 27:7

मेको आंम इन रागी आ रिम्‍शो दुम्‍ची मजाक्‍म सम्‍म रागी रागी नेल्‍ल ङा मुरपुकीम मेको आ तौ नु मेको आ चच आन गेय पचा माल्‍नीम। मेको नोले शुश रागी नु ठेयब पिपपुकीमी मेको कली आन वाइल सेल्‍नीम।

येरमीया 46:21

मेको आ गाल्‍च ताक्‍शा लडाइ पाइबपुकी यो दोम्‍शो बाछा खोदेंशो बाक्‍नीम। मेको यो नेल्‍ल हिरशा लशा काथा प्रोक्‍तेक्‍म। मेको राप्‍शा मदिक्‍नीम। मारदे हना मेको आन हिंचा ङा श्‍येत जतीक नाक्‍ती जाक्‍शो बाक्‍ब। मेको आन सजाइ तची ना जाक्‍त।

येरमीया 48:10

सु सुमी परमप्रभु यावे आ गेय देश पा पाइनीमी, मेको सराप राइनीम। आंम तरवार कली हुश ख्राक्‍श पोक्‍तीके रे तेक्‍ब सराप राइ‍नीमी।

येरमीया 48:15

मोआब नु आ सहर आन कली खतम पोक्‍ब जाक्‍त। मेको आ नेल्‍ल क्‍येङा रिम्‍शो ठिटा मुर नेल्‍ल साइक्‍चा पुंइसीचा कली लाम्‍तेक्‍‍म” दे पिपम देंत। मेको आ नें मुर नेल्‍ल आन परमप्रभु यावे बाक्‍ब।

येरमीया 48:44

हिंचा ङा श्‍येत रे प्रोक्‍ब बिक्‍तीकेम बिक्‍नीम। मिनु बिक्‍तीके रे ङोइश्‍शा ग्रूब ब्‍वारदम रेत्‍चा पुंइसीनीम। मारदे हना गो मोआब कली आ सजाइ गेतीक बर्सम मोदेंशो पाइनुङ” दे परमप्रभु यावेमी देंत।

येरमीया 50:11

परमप्रभु यावेम “गे ग्‍येरसीनीनी। शुश ग्‍येरसीने। गे आं शोंप रोइक्‍ब बाक्‍नीनी। दांइ पाइब मगिक्‍शो बी खोदेंशो पा प्रेनीनी। गे शारा खोदेंशो पा ग्रीनीनी।

येरमीया 50:31

परमप्रभु, मुर नेल्‍ल आन परमप्रभु यावेमी “गो इ कली ठेयब लेश्‍शो दुम्‍तीके काइ मदाक्‍नुङ। इ नाक्‍ती जाक्‍त। इ कली सजाइ गेतीक नाक्‍ती जाक्‍त।

येरमीया 51:40

मिनु परमप्रभु यावेमी “गो मेको आन कली क्‍योरचा कली कीशा लाइश्‍शो पाठा, सांड नु क्‍यारश खोदेंशो पा चाक्‍नुङमी।

बिलाप 1:21

मुरपुकीमी आं हुकयी पशो नेंतेक्‍म। आं कली थुं बारपाइक्‍ब सुइ मबाक्‍नीम। आं जोरी सत्रु नेल्‍लेमी आं श्‍येत जशो आ पर्बम नेंतेक्‍म। आं कली मोदेंशो दुम्‍शो तशा ग्‍येरसाक्‍म। गे इन देंशो नाक्‍त जाक्‍ल। मेकोपुकी यो आं खोदेंशो पा श्‍येत जामेक्‍ल। येरमीया ४:२१

प्रकाश 18:10

मिनु मेको आ श्‍येत तशा हिंशा, ङोन रे कोव़बपुकीमी “आबी, आबी, मेको ठेयब बेबीलोन माइश्‍शो सहर गिश दारशो सेल्‍शो बाक्‍त। मुल चहिं घन्‍टा कामी इ निसाफ दुम्‍त” देंनीम। येरमीया ५१:८

प्रकाश 19:17

मिनु नोले गो परमप्रभु यावे आ स्‍वर्ग ङा गेय पाइब का नांमी राप्‍शो ताता। मेकोमी शुश ग्‍येत्‍थ सरीङमी बेरब चिक्‍ब आन कली ठेयब सेंदामी “परमप्रभु यावे आ गेशो ब्‍वचा कली खुम्‍सीशा यिने। इजीकीएल ३९:४,१७-२०