येरमीया 50:26 - Sunuwar Bible

²⁶ मेको आ एर ओंथ नेल्‍ल रे लडाइ पथ जाक्‍कीन। मेको आ अन्‍न वोइक्‍तीक खिं रोक्‍कीन। मेको कली अन्‍न खोदेंशो पा तेलीन। मेको कली मारेइ मली‍शो खतम सेलीन। मेको के मारेइ मलील।

येरमीया 50:26 ပူးပေါင်းရင်းမြစ်များ

यसैया 10:6

गो अस्‍सुर कली आं कली मटीब रागी कली लडाइ पथ सोइक्‍नुङ। अस्‍सुर कली आं कली गाइक्‍पाइक्‍ब मुर नु सोइक्‍नुङ। मारेइ मारेइ रोइक्‍पाइक्‍चा कली सोइक्‍नुङ। मिनु मेको आन कली लांम दिम्‍पाइक्‍चा कली सोइक्‍नुङ।

यसैया 14:23

गो मेको आन सहर काश्‍श आन बाक्‍तीके नु ब्‍वाक्‍कु देम्‍तीके सेल्‍नुङ। गो मेको आन कली खतम सेल्‍ब ब्राक्‍सुम फिक्‍नुङ” दे मुर नेल्‍ल आन परमप्रभु यावेम देंत।

यसैया 25:10

मारदे हना परमप्रभु यावे आ गुइ मेको डांडा तार बाक्‍ब। मिनु मोआब रागी ङा मुर आन बाक्‍तीके दिम्‍चा पुंइसीनीम। मेको नेल्‍ल मोव़ल वोइक्‍तीके खोदेंशो पा दिम्‍चा पुंइसीनीम।

यसैया 45:3

गो इ कली हिंचा ङा छिङछिङम वोइश्‍शो शोंप गेनुङ। इ कली ख्रुइश्‍शा वोइश्‍शो सुन चांदी गेनुङ। मिनु गे, परमप्रभु यावेमी इ कली नें थिशा ब्रेप्‍ब, इस्राएली आन परमप्रभु, गो नङ, दे तुइक्‍नेवे।

यसैया 5:26

मेकोमी छेदर क्‍युक्‍शा ङोन रागी ङा मुर आन कली ब्रेप्‍ब। मिनु रागी आ सुर ङा मुर आन कली लाप पा ब्रेप्‍ब। मिनु मेकोपुकी रीब पा जाक्‍नीम।

येरमीया 50:10

मोपा कल्‍दी रागी रोइक्‍चा पुंइसीब। मिनु मेको कली रोइक्‍ब नेल्‍ल रू‍नीम” दे परमप्रभु यावेम देंत।

येरमीया 50:13

परमप्रभु यावे आ चुर‍तीकेमी मेकेर सुइ मबाक्‍नीम। मेको थम श्‍येत्‍थ रागी दुम्‍ब। बेबीलोन रे पा गाक्‍ब मेको तशा हिंनीम। मिनु मेको आ श्‍येत तशा शुक्‍शी पाइनीम। येरमीया ५१:३७

येरमीया 50:15

मेको आ एर ओंथ नेल्‍ल बाक्‍शा, ठेयब सेंदा पा ग्रीङीन। मेको इन कली जिम्‍मा गेंसीब। मेको आ बोल्‍यो दरवार एत्‍तेक्‍म। मेको आ गारो प्रेत्‍चा पुंइसीशा दोक्‍तेक्‍म। मारदे हना मेको परमप्रभु यावे आ क्‍येक्‍क लेश्‍शो बाक्‍ब। मेको कली क्‍येक्‍क लेत्‍तीन। मेकोमी अरु आन कली पाइश्‍शो खोदेंशो पा मेको कली यो पतीन। प्रकाश १८:६

येरमीया 50:23

दोपा रागी नेल्‍ल ङा घन जिक्‍शा फस दुम्‍मे, मोपा बेबीलोन रागी रागी आन दातेमी शुश हिंचा ङा दुम्‍ब। येरमीया ५१:२०

येरमीया 50:41

कोव़ङीन, मुरपुकी उत्तर रे जाक्‍ना जाक्‍न बाक्‍नीम। शुश जात ङा नु शुश पिप आन जोंब बोक्‍शा ङोन रागी रे जाक्‍‍नीम। येरमीया १:१४

येरमीया 51:44

गो बेबीलोन ङा बेल देवता कली सजाइ गेनुङ। मिनु आ दाक्‍शो थोव़क मेपाइक्‍नुङ। मुल रागी रागी ङा मुर मेकेर चोक्‍थ्री क्राक्‍थ्री पा मलाइक्‍नीम। बेबीलोन आ गारो ब्रेत्‍त। येरमीया ५०:२; यसैया ४६:१

येरमीया 51:64

मिनु “कागज ब्‍वाक्‍कुम ग्रुम्‍शो खोदेंशो पा बेबीलोन आं चाक्‍शो श्‍येत आ पर्बम ग्रुम्‍ब। मेको गेनायो ग्रूने मचाप्‍ब, देंचा माल्‍नेवे” देंत। मोपा येरमीया आ लोव़ नुप्‍त।

मीका 7:10

मेना आं जोरी सत्रुम मेको ताइनीम। मिनु मुने दोक्‍नीम। मारदे हना मेकोपुकीमी ङोंइती ‘परमप्रभु यावे, इ परमप्रभु ते बाक्‍‍म?’ देंशो बाक्‍तेक्‍म। गो मेको आन खतम दुम्‍शो ताइनुङ। मुल यो मेकोपुकी लां ङा हिलो खोदेंशो पा दिम्‍चा पुंइसीशो बाक्‍नीम। भजन संग्रह ७९:१०

मत्ती 6:26

सरीङमी बेरब चिक्‍ब आन कली कोव़शा मिम्‍तीने। मेकोपुकीमी वांचेर मशोक्‍नीम, अन्‍न मखुप्‍नीम, भकारीमी मवोइक्‍नीम। स्‍वर्गम बाक्‍ब इन आफोमी मेको आन कली थुल्‍शो बाक्‍ब। मेको आन क्‍येङा शुश ठेयब मननी ङा? मत्ती १०:२९-३१; लूका १२:६-७

प्रकाश 14:19

मिनु परमप्रभु यावे आ स्‍वर्ग ङा गेय पाइबमी आ गुयेमी रागी कली फल सेक्‍शो खोदेंशो पा सेक्‍तु। सेक्‍शा खुप्‍शा, परमप्रभु यावे आ ठेयब फल कोलमी वोइक्‍तु। मेको कोल चहिं मार बाक्‍त देंशा हना, परमप्रभु यावे आ गाइक्‍चा बाक्‍त।

प्रकाश 19:15

मिनु मेको ङोंइती ङा बुश शारा ङोइक्‍ब आ शोव़ रे रागी रागी ङा मुर आन कली साइक्‍चा कली हेश्‍शो तरवार का ग्रूत। मिनु मेकोमी फलाम के कोक्‍केमी मेको आन कली सासन पाइब, नेल्‍ल सक्ति पाइश्‍शो परमप्रभु यावे आ गाइक्‍चा ङा कोल खोइलीमी दिम्‍ब। भजन संग्रह २:९; प्रकाश १४:१९-२०