येरमीया 50:16 - Sunuwar Bible

¹⁶ गे बेबीलोनम वांचेर शोक्‍ब आन कली खेरीन। मीशो अन्‍न रिक्‍ब आन कली खेरीन। खतम पोक्‍ब तरवारम पतीके नेल्‍ल आन कली आन आन खिं ङा मुर आन बाक्‍तीके लेश्‍शा लचा गेने। मेको नेल्‍ल आन आन रागी प्रोक्‍चा माल्‍नीम।

येरमीया 50:16 ပူးပေါင်းရင်းမြစ်များ

यसैया 13:14

मुरपुकी खेदा पचा पुंइसीशो किश्‍श नु गोठला मबाक्‍शो भेडा खोदेंशो दुम्‍नीम। मेकोपुकी आंम आंम मुर बाक्‍तीके लाइनीम। आंम आंम रागी मेर प्रोक्‍नीम।

येरमीया 25:38

गुप्‍सम खोदेंशो पा मेकोमी आ बाक्‍तीके प्रोंइतु। मारदे हना मेको आन रागी साइक्‍ब तरवार नु परमप्रभु आ गाइक्‍तीक आ पर्बम मुर मबाक्‍‍तीके दुम्‍त। येरमीया ४:७

येरमीया 46:16

इ लडाइ पाइबपुकी थोक्‍मुशा गोल्‍नीम। मिनु मेकोपुकीमी ‘लो, इं मुर आन बाक्‍तीक लय। इं जरमेशो रागी लेश्‍शा लय’ दे साइक्‍ब तरवार आ पर्बम मो देंमुइनीम।

येरमीया 51:23

गो इ रे पा गोठला नु मेको आ बगाल कली तुप्‍तामी। गो इ रे पा रू दोइब नु आन ब्‍यफ आन कली तुप्‍ता‍मी। गो इ रे पा सरकार आ गेय पाइब नु हुकुम पाइब आन कली तुप्‍ता‍मी।

येरमीया 51:9

गोपुकीम बेबीलोन कली सापाइय्य वा। तन्‍न मेको मसाब। गो मेको कली प्रोंइतक। मिनु आंम आंम रागी लेत्‍तक। मारदे हना मेको आ निसाफ पशो सजाइ स्‍वर्ग सम्‍म जाक्‍दीश्‍शो बाक्‍ब। मेको सरीङ सम्‍म बोक्‍शो बाक्‍ब।

योएल 1:11

गे रूम गेय पाइबपुकी सुर्ता पने। अङगुर ख्रुम्‍बपुकी रोंका पने। क्‍योव़ज चेरब आ पर्बम यो रोंका पने। मारदे हना बाली नाली खतम दुम्‍शो बाक्‍नीम।

आमोस 5:16

मोपतीके मुर नेल्‍ल आन परमप्रभु यावेमी “लां ङा मुर नेल्‍ल ङाक्‍शा, रोंका पचा माल्‍नीम। आबी आबी, देंचा माल्‍नीम। रूम गेय पाइब आन कली रोंका पचा कली ब्रेत्‍तीन। रोंका पस जोक्‍ब आन कली यो ब्रेत्‍तीन।