येरमीया 5:22 - Sunuwar Bible

²² मार, गे आं कली मान पा हिंचा ममाल्‍नीनी ङा? गे आं ङोंइती ख्रिंख्रि मपाइनीनी? गो समुन्‍द्र आ सांद कली बाल्‍वा वोइक्‍ता। आ छाल बोक्‍तेक्‍म हना यो, मेको कली ख्राक्‍ने मचाप्‍नीम। मेकोपुकी शुश बोल पाम्‍तेक्‍म हना यो, मेको कली लाक्‍ने मचाप्‍नीम। ठेयब रेयके पाम्‍तेक्‍म हना यो, लाक्‍ने मचाप्‍नीम। बजन संग्रह १०४:९

येरमीया 5:22 ပူးပေါင်းရင်းမြစ်များ

उत्पत्ती 1:9

मिनु परमप्रभुमी “सरीङ आगा ङा ब्‍वाक्‍कु काथा दुमीन। सोव़शो रू ग्रूङो” देंमाक्‍त। मेको यो दुम्‍माक्‍त। अय्‍युब ३८:८-११; भजन संग्रह २४:२; २पत्रुस ३:५

१ राजा 13:28

मिनु मेको लमेनु, मेको मुर बेक्‍शा लांम गोल्‍शा बाक्‍शो नु गधा नु गुप्‍स मेको आ नेक्‍था राप्‍शा बाक्‍शो थिदा बाक्‍त। मेको गुप्‍सम मेको बेक्‍शो मुर कली मब्‍वशो बाक्‍माक्‍त। गधा कली यो मसाइश्‍शो बाक्‍माक्‍त।

अय्‍युब 26:10

मेकोमी ब्‍वाक्‍कु आ सुरम सांद वोइश्‍शो बाक्‍ब। छिङछिङ नु छेङछेङ फ्रा‍चा कली मो पशो बाक्‍ब।

अय्‍युब 37:24

मोपतीके मुरपुकीम मेको कली तशा मान पा हिंनीम। मिनु आन थुंम ‘गो जोक्‍ब तुइक्‍ब नङ’ दे मिम्‍ब आन कली ठेयब ममिम्‍ब” दे एलीहुम देंमाक्‍त।

अय्‍युब 38:8

समुन्‍द्र रागी आ कोव़ज रे बुक्‍शा ग्रूमानु, मेको ब्‍वाक्‍कु तेक्‍चा कली सुम लाप्‍चो चोक्‍गा? भजन संग्रह १०४:८-९; हितोपदेस ८:२९

भजन संग्रह 104:9

मेको लेंशा रागी कली सुम्‍थ मजाक्‍मल, दे गे सांद सेल्‍तीनी। अय्‍युब ३८:८-११; हितोपदेस ८:२९

भजन संग्रह 119:120

गो इन कली मान पा हिंशा ख्रिंख्रि पाइ‍नुङ। मिनु गो इन निसाफ पतीक मिम्‍शा हिंनुङ।

भजन संग्रह 33:7

मेकोमी समुन्‍द्र ङा ब्‍वाक्‍कु कली गारो खोदेंशो पा राप्‍पाइश्‍शो बाक्‍त। मिनु मेको कली वोइक्‍तीकेमी वोइश्‍शो बाक्‍त। भजन संग्रह १०४:९

भजन संग्रह 46:3

मिनु समुन्‍द्र ग्रीशा, बोग्‍यो पोक्‍तु हना यो नु ब्रुइश्‍शा कुशा, डांडापुकी हिम्‍ताक्‍व हना यो गो महिंनीकी। ठेयब सेंदा पा।

भजन संग्रह 99:1

परमप्रभु यावे पिप बाक्‍ब। जात जात ङा मुरपुकी ख्रिंख्रि पामेक्‍ल। मेको करूब आन तारी बाक्‍ब। रागीम ख्रिनु कुल। भजन संग्रह ९३:१; भजन संग्रह १८:११

हितोपदेस 8:29

ठेयब समुन्‍द्र आ शुंइच वोइक्‍ची ना नु रागी आ जग वोइक्‍ची ना गो नङ। भजन संग्रह १०४:९

यसैया 50:2

गो जाक्‍ङानु, मारदे सुइ मबाक्‍मा? गो ब्रेङङानु, मारदे सुइमी लोव़ मलेत्‍ता? आं गुइ इन कली पाप रे प्रोंइने मचाप्‍चा ङा दुम्‍शो बाक्‍मे? इन कली प्रोंइने चाप्‍तीक सक्ति गो नु मबाक्‍बा? गो हुइक्‍तुनु, समुन्‍द्र सोव़ब। खोलापुकी ब्‍वाक्‍कु मबाक्‍शो गोरशो रागी सेल्‍नुङ। ब्‍वाक्‍कु मबाक्‍तीके ङांइपुकी बेक्‍शा, राक्‍शा, रिना पाइनीम। यसैया ५९:१; गन्‍ती ११:२३; प्रस्‍थान १४:२१

यसैया 64:2

मिनु दोपा मीम सोव़शो राशी जेप्‍बा, मिनु ब्‍वाक्‍कु ब्रुइक्‍पाइक्‍बा, मोपा इन जोरी सत्रु आन कली इन नें तुइक्‍पतीन। मिनु रागी रागी ङा मुर इन ङोंइती हिंशा ख्रिंख्रि पाइनीम।

यसैया 66:5

परमप्रभु यावे आ लोव़ क्‍येङा हिंशा, ख्रिंख्रि पाइबपुकीम “आं लोव़ नेनीन। इन लोक्‍बपुकीमी गेपुकी आं मुर दुम्तीके इन कली काइ मदाक्‍थु, तिल्‍नीम। मेकोपुकीमी ‘परमप्रभु यावे कली ठेयब सेलल। मिनु गो इन ग्‍येरशा बाक्‍शो तकल’ देंनीम। तन्‍न मेकोपुकी मुने दोक्‍नीम। लूका ६:२२

येरमीया 10:7

गे रागी रागी ङा पिप, इन कली सुम मान पा महिंनीमी ङा? गे मान पाइक्‍चा शिरशो बाक्‍नीनी। रागी रागी ङा मुर आन जोक्‍ब तुइक्‍ब नु मेको आन राज्‍य नेल्‍लेमी इन खोदेंशो सुइ मबाक्‍नीम।

येरमीया 2:19

इन परमप्रभु यावे आ अरेशो लोव़ मटि‍तीकेमी इन कली सजाइ गेब। इन प्रोंइशोमी इन कली हुइक्‍ब। गेपुकीम इन परमप्रभु यावे कली प्रोंइशो थम मरिम्‍शो नु इन थुं कशो दुम्‍शो बाक्‍ब, दे तुइक्‍तीन। मिनु आं कली मान पा हिंतीके गे नु मबाक्‍ब” दे परमप्रभु, मुर नेल्‍ल आन परमप्रभु यावेमी देंत।

येरमीया 31:35

मेको परमप्रभु यावेम नाक्‍ती हाम्‍सो सेल्‍चा कली नां वोइक्‍तु। मिनु तास्‍ला आ लां कोंइताक्‍व। नाक्‍दो हाम्‍सो सेल्‍चा कली सोरुल वोइक्‍तु। मेकोमी समुन्‍द्र आ छाल पोक्‍चा कली शाक्‍तु। मेको आ नें मुर नेल्‍ल आन परमप्रभु यावे बाक्‍ब।

दानीएल 6:26

आं राज्‍य ङा मुर नेल्‍लेमी दानीएल आ परमप्रभु कली मान पा हिंचा माल्‍नीम। मारदे हना मेको गेना हना यो ब्रोंइशा बाक्‍ब परमप्रभु बाक्‍ब। मेको आ राज्‍य गेना हना यो लीब। मिनु आ अधिकार गेनायो मनुप्‍ब।

आमोस 4:12

मोपतीके परमप्रभु यावेमी “ए इस्राएल ङा मुरपुकी, गो इन कली मार पाइ‍नुङ देंशा हना, गे इन परमप्रभु, आं कली ग्रुम्‍चा माल्‍नीनी।

आमोस 9:6

मेकोमी स्‍वर्गम आ बाक्‍तीक सेल्‍ब। मिनु रागीमी मेको आ जग वोइक्‍ब। समुन्‍द्र ङा ब्‍वाक्‍कु कली ब्रेश्‍शा, रागीम मोइक्‍ब। मेको आ नें परमप्रभु यावे बाक्‍ब। भजन संग्रह १०४:३; आमोस ५:८

योना 1:16

मिनु मेको मुरपुकी परमप्रभु यावे कली मान पा हिंशा, मेको कली चढ़ेशा “आ देंशो नेल्‍ल टीनीकी” दे परमप्रभु यावे कली कसम जामे बाक्‍त।

नहुम 1:4

मेकोमी ठेयब समुन्‍द्र कली हुइक्‍तानु, सोव़ब। मेकोमी खोला नेल्‍ल आन कली सोव़पाइक्‍ब। बाशान ङा बी ब्‍यफ योव़तीके नु कारमेल पहाड ङा मारेइ मारेइ सोल सुल बेक्‍नीम। लेबानोन ङा फू यो सोल सुल बेक्‍नीम।

मत्ती 10:28

इन रां कली साइक्‍ने चाप्‍ब। तन्‍न इन सोक्‍ती कली साइक्‍ने मचाप्‍बपुकी आन कली तशा महिनीन। रां नु सोक्‍त निम्‍फा नरकमी खतम पने चाप्‍ब कली तशा चहिं हिनीन। हिब्रू १०:३१; याकूब ४:१२

मर्कूस 4:39

मिनु येसु बोक्‍शा, फश गिवार कली हुइश्‍शा, समुन्‍द्र कली “ब्‍वालेइ पावो, मदुक्‍को” देंमेनु, फश गिवार ख्रा दिक्‍माक्‍त। मिनु सिक्‍सी दुम्‍माक्‍त।

लूका 12:5

तन्‍न परमप्रभु यावे कली मान पा हिनीन। मारदे हना मुर आन कली साइश्‍शा, नाराक सोइक्‍तीक सक्ति मेको नु बाक्‍ब। मोपतीके मेको कली तशा मान पा हिनीन। हिब्रू १२:२९

ब्‍यवस्‍था 28:58

मिनु गेपुकीमी एको किताबमी ब्रेक्‍शो अरेशो लोव़ नेल्‍ले टिशा मपाइतीनी हना, मेको ठेयब नु हिंचा ङा परमप्रभु यावे, इन परमप्रभु आ नें कली मान पा महिंतीनी हना,

प्रकाश 15:4

नेल्‍लेमी इन कली मान पा हिंशा इन नें ठेयब सेल्‍नीमी। मारदे हना गे ला परमप्रभु बाक्‍नीनी। रागी रागी ङा मुर नेल्‍ले इन ङोंइती जाक्‍शा, पोक्‍च थेक्‍शा, खुम्‍की पा बाप्‍नीमी। मारदे हना इन निसाफ पतीके नेल्‍लेमी ताम्‍तेक्‍म” देंशो कुम्‍सो आ लोव़ बाक्‍त। भजन संग्रह ८६:९; येरमीया १६:१९-२१