येरमीया 5:21 - Sunuwar Bible

²¹ गे मूर्ख नु मिम्‍तीक मपाइश्‍शो मुरपुकी, एको लोव़ नेनीन। इन मिक्‍ची बाक्‍ब, तन्‍न मताइनीनी। इन नोफा बाक्‍ब, तन्‍न मनेंनीनी।

येरमीया 5:21 ပူးပေါင်းရင်းမြစ်များ

भजन संग्रह 94:8

गे, निप्‍स मपाइश्‍शो मुरपुकी रुपीन। गे, मूर्खपुकी गेना जोक्‍ब तुइक्‍ब दुम्‍नीनी?

हितोपदेस 17:16

मूर्ख आ गुइमी तुइक्‍तीक थुं ग्‍याप्‍चा कली क्‍येट मारदे माल्‍बा ङा?। मेको के शेंसीतीक थुं मबाक्‍ब।

यसैया 27:11

मिनु मेको आ राशी सोव़शा, जिक्‍नीम। मिनु मीश मुरपुकी जाक्‍शा, चोचा कली शी खुप्‍‍नीम। मारदे हना मेकोपुकी रुप्‍तीक मपाइश्‍शो थर ङा मुर बाक्‍नीम। मोपतीके मेको आन कली सेल्‍बमी मेको आन कली शिशी मपाइब। येरमीया ४:२२; ब्‍यवस्‍था ३२:१८

यसैया 43:8

मेको मिक्‍च बाक्‍शा यो मताइब, नोफा बाक्‍शा यो मनेंब आन कली ग्रुंइदीन।

यसैया 44:18

मेको मुरपुकीमी मारेइ मतुइक्‍थु, मरुप्‍नीम। मारदे हना मेको मिक्‍च मताइनीमी। आन थुं मरोक्‍सीशो बाक्‍ब। मेकोपुकी मारेइ मरुप्‍ब बाक्‍नीम।

येरमीया 10:8

मूर्ति आन शेंतीक निप्‍स मपाइश्‍शो नु मूर्ख लोव़ बाक्‍ब। मेको शी क्‍येङा रिम्‍शो मबाक्‍ब।

येरमीया 4:22

आं मुर मूर्ख बाक्‍नीम। मेकोपुकीमी आं कली मतुइक्‍नीम। मेको निप्‍स मपाइश्‍शो आल बाक्‍नीम। मेको आन के रुप्‍तीक मबाक्‍ब। मेको मरिम्‍शो पचा कली जोक्‍ब बाक्‍नीम। तन्‍न रिम्‍शो पस मजोक्‍नीम। यसैया २७:११

येरमीया 5:20

याकूब आ मुर आन कली एको लोव़ माइक्‍मी। यहूदामी एको लोव़ ठेयब सेंदा पा नेल्‍ल आन कली नेंपाइक्‍मी। यसैया ६:९-१०; मत्ती ८:१८

येरमीया 5:4

मेकोपुकी दा प्रुङग ला बाक्नी‍म। मेकोपुकी मूर्ख बाक्‍नीम। मारदे हना मेकोपुकीम परमप्रभु यावे आ लां मतुइक्‍नीम। आन परमप्रभु आ अरेशो मतुइक्‍नीम।

येरमीया 6:10

गो सु कली लोव़ पा हिंच कोंइदु? आं लोव़ सुम नेंबा? मेकोपुकीम नेंने मचाप्‍नीम। मेको आन नोफा सुशो बाक्‍नीम। परमप्रभु यावे आ लोव़ आ पर्बम गाइक्‍नीम। मेको नेंचा मदाक्‍नीम” देंत। येरमीया ४:४; प्रेरित ७:५१

येरमीया 7:13

मिनु गेपुकीम एको नेल्‍ल पना पन बाक्‍नीनु, गो इन कली गेना हना यो लोव़ पाता। तन्‍न गेपुकीम मनेंनी। गो इन कली ब्रेत्‍ताक्‍न्‍नी, तन्‍न गेपुकीम लोव़ मलेत्‍तीनी। येरमीया २५:३; यसैया ६५:१२

येरमीया 8:7

सरीङम बेरब सारसम आ लची ना नु लेत्‍ची ना तुइक्‍ब। मिनु ढुकुर, बेल्‍लुम नु बोकुला आन लची ना नु लेत्‍ची ना तुइक्‍नीम। तन्‍न आं मुरपुकीमी आंम परमप्रभु यावे आ देंशो पतीक लोव़ मतुइक्‍नीम। यसैया १:३

इजीकीएल 12:2

मार लोव़ पाप्‍तु देंशा हना “ए मुर, गे काइ मटीब खिं ङा मुर आन दातेम बाक्‍शो बाक्‍नेवे। मेको आन के मिक्‍च बाक्‍त हना यो, मताइनीम। मेको आन के नोफा बाक्‍त हना यो, मनेंनीम। येरमीया ५:२१

होसे 7:11

“एफ्राइम निप्‍स मपाइश्‍शो ढुकुर खोदेंशो बाक्‍ब। मेको कली निप्‍स मपाइश्‍शो आन कली खोदेंशो पा जोल पने चाम्‍सीब। मुल मेकोपुकीमी इजीप्‍त रागी कली ‘वारच पने’ दे ब्रेत्‍नीम। इच्‍का नोले मेकोपुकीमी अस्‍सुर रागी कली ब्रेत्‍नीम। होसे ५:१३

जकरिया 7:11

तन्‍न मेकोपुकीमी एको लोव़ मनेनेम। काइ मटीब दुम्‍शा, आन नोफा सुम्‍तेक्‍म।

मर्कूस 4:12

मारदे हना आन मिक्‍चीमी कोव़नीम, तन्‍न मताइनीम। आन नोफामी नेंनीम तन्‍न मरुप्‍‍नीम। कोव़शा रुप्‍‍तेक्‍म हना, आन थुं लेश्‍शा, आन पाप क्‍याम्‍चा ताम वा” देंमाक्‍त। यसैया ६:९-१०

मर्कूस 8:18

मिक्‍च पाइश्‍शो बाक्‍तीनी हना यो, मताइनीनी? नोफा पाइश्‍शो बाक्‍तीनी हना यो, मनेंनीनी? मुल यो मारेइ मिम्‍ने मचाप्‍नीनी? मत्ती ११:१३,१६

यूहन्‍ना 12:40

मिनु यसैयामी “परमप्रभु यावेमी मेको आन कली मिक्‍च मताइब सेल्‍तीमी। मोपा परमप्रभु यावे कली मतुइक्‍नीम। मेको आन कली मटीब सेल्‍तीमी। मोपा मेकोपुकीमी परमप्रभु यावे आ लोव़ रुम्‍ने मचबेम। मिनु परमप्रभु यावे कली ‘आं कली सापतीन’ दे मपुंइनीम” दे यो यसैयामी ब्रेक्‍शो बाक्‍त। मत्ती १३:१४-१५

प्रेरित 28:26

मेकोमी ‘मेको मुर आन कली ग्रुम्‍थ लावो। मेको आन कली “नेंचा दा नेंनीन। तन्‍न गे यो मरुप्‍नीनी। कोव़चा दा कोव़नीन। तन्‍न मताइनीनी।

रोमी 1:20

मिनु रागी सेल्‍चा रे मतांइसीशो नु गेना हना यो सक्ति पाइश्‍शो परमप्रभु यावे आ सरीङ नु रागीमी सेल्‍शो मार मार रे तुंइसीब। मोपतीके मेकोपुकीम मतुइक्‍तक देंशा, माफ पुंइने मचाप्‍नीम। भजन संग्रह १९:२; हिब्रू ११:३

रोमी 11:8

मेको आन पर्बम यसैयामी “परमप्रभु यावेमी मेको आन कली मरुप्‍ब थुं गेप्‍तु। मेकोपुकी मिक्‍च मताइब नु नोफा मनेंब दुम्‍शा बाक्‍शो बाक्‍नीम। मुल सम्‍म मोदेंशो दुम्‍शा बाक्‍नीम” दे ब्रेक्‍शो बाक्‍त। यसैया २९:१०; ब्‍यवस्‍था २९:४

ब्‍यवस्‍था 29:3

गेपुकी मेको ठेयब नाक्‍तीके ताइतीनी। मिनु मेको ठेयब चिन्‍ड नु छक लाक्‍चा ङा गेय यो ताइतीनी। ब्‍यवस्‍था ४:३४; ब्‍यवस्‍था ७:१९

ब्‍यवस्‍था 29:4

तन्‍न मुल सम्‍म परमप्रभु यावेमी इन कली रुप्‍तीक थुं, कोव़तीक मिक्‍च नु नेंतीक नोफा मगेशो बाक्‍ब। ब्‍यवस्‍था ५:२६

ब्‍यवस्‍था 32:6

मूर्ख नु निप्‍स मपाइश्‍शो मुरपुकी, मार, गे परमप्रभु यावे कली क्‍येक्‍क लेत्‍नीनी? मार, इन कली सेल्‍ब इन आफ मेको ममाइ ङा? मेको इन कली सेल्‍ब नु वोइक्‍ब बाक्‍ब।