येरमीया 5:2 - Sunuwar Bible

² मेकोपुकीमी ‘परमप्रभु यावे ब्रोंइशा बाक्‍शो खोदेंशो पा’ दे कसम जाइनीम। मो हना यो मेकोपुकीमी जोल लोव़ पाइनीम” देंत। येरमीया ४:२

येरमीया 5:2 ပူးပေါင်းရင်းမြစ်များ

यसैया 48:1

मिनु परमप्रभु यावेमी “याकूब आ खिं ङा मुर, नेनीन। इन कली इस्राएल नें वोइश्‍शो बाक्‍ब। गे यहूदा आ चच युइ बाक्‍नीनी। गे परमप्रभु यावे आ नें थिशा, कसम जाइनीनी। गे इस्राएली आन परमप्रभु कली ठेयब सेल्‍खु पाइनीनी। यसैया ५१:१

येरमीया 4:2

कसम जची ना गेपुकीम ‘परमप्रभु यावे ब्रोंइशा बाक्‍शो खोदेंशो पा’ दे कसम जाइतीनी हना, गे थमा लोव़ पा, ठीक निसाफ पाइब नु रिम्‍शो थुं पाइब मुर दुम्‍तीनी हना, रागी रागी ङा मुर परमप्रभु आ नें थि‍शा आसीक पमुइनीम। मिनु मेकोपुकी आ आल दुम्‍तीके ग्‍येरसीनीम” देंत। ब्‍यवस्‍था १०:२०; यसैया ६५:१६

येरमीया 44:26

मोपतीके गे इजीप्‍तम बाक्‍ब यहूदी नेल्‍ल परमप्रभु यावे आ लोव़ नेनीन। परमप्रभु यावेमी गो आं ठेयब नेंमी कसम जाइनुङ। मुल मेको इजीप्‍त रागीम बाक्‍ब यहूदा ङा मुर आन शोव़ रे ‘परमप्रभु, परमप्रभु यावे ब्रोंइशा बाक्‍शो खोदेंशो पा’ दे देंतीकेमी आं नें गेनायो मदेंनीम।

येरमीया 7:9

गेपुकीम खुइ पाइनीनी, मुर साइक्‍नीनी, मुर आन मीश नु इप्‍नीनी, जोल पा कसम जाइनीनी, बाल देवता कली पूजा पाइनीनी नु इन मतुइश्‍शो देवी देवता आन नोले खोइक्‍नीनी। होसे ४:२

येरमीया 9:2

गोरशो रागीम मुर आन कली बास बाक्‍तीक बाक्‍शो हना, गो आं मुर आन कली प्रोंइशा, मेकेर लशा बाक्‍ङ वा। मिनु मेको आन रे ङोन लङ वा। मारदे हना मेको नेल्‍ल आन नाता ख्रोइश्‍शा अरु नु इप्‍‍नीम। मेको नेल्‍ल मरिम्‍शो हुल का बाक्‍नीम।

होसे 10:4

मेकोपुकीमी शुश फश लोव़ पाइनीम। मार फश लोव़ पाइनीम देंशा हना, जोल पा कसम जशा कबल पाइनीम। मोपतीके वाक्‍शो रूमी ओशेर पाइश्‍शो सुवा वाशो खोदेंशो पा मुददा बारनीम।

होसे 4:15

गे इस्राएलीपुकी, तेल्‍लेम पाइतीनी हना यो, यहूदा ङा मुर आन कली हेंथे मगाक्‍पतीन। गेपुकी गिल्‍गालमी नु बेथ-आवेनमी मलन। मिनु ‘परमप्रभु यावे ब्रोंइशा बाक्‍शो खोदेंशो पा’ दे कसम मजने” दे परमप्रभुमी देंत। आमोस ५:५; होसे १०:५; आमोस ८:१४

लेवी 19:12

गेपुकीमी आं नें थिशा, जोल पा कसम मजने। मो पाइतीनी हना, गे इन परमप्रभु आ नें आइक्‍च सेल्‍नीनी। गो परमप्रभु यावे नङ। प्रस्‍थान २०:७; मत्ती ५:३३

सेफन्‍याह 1:5

खिं तार बाक्‍शा, नां तास्‍ला नु सोरुल आन ङोंइती बाप्‍ब, परमप्रभु यावे आ ङोंइती बाप्‍शा आ नें थिशा कसम जाइब। मोलेक आ नें यो थिशा कसम जाइब। येरमीया १९:१३; येरमीया ४९:१

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

१ तिमोथी 1:10

तेल्‍लेम पाइब, ग्रांग्रा दिचा ङा गेय पाइब, मुर आन कली खुइ पा लेयब, जोल पाइब, जोल पा कसम जाइब नु आन गेय परमप्रभु यावे आ शेंशो नु मगारब मुर आन कली ब्रेक्‍शो बाक्‍ब।

२ तिमोथी 3:5

मोदेंशो मुरुमी परमप्रभु यावे कली मिम्‍शा दाक्‍चा देंखु पाइनीम। तन्‍न आन आगामी सक्ति मबाक्‍तीके कोंइनीम। मेकोपुकी नु ङोन बाक्‍को। मत्ती ७:१५-२१; तीतस १:१६

तीतस 1:16

मिनु मेकोपुकीमी “गो परमप्रभु यावे कली तुइक्‍नुङ” देंखु पाइनीमी। तन्‍न आन पतीकेमी मतुइक्‍ब बाक्‍नीम, दे तुंइसीब। मोपा मेकोपुकी ग्रांग्रा दिचा ङा मुर बाक्‍नीम। मिनु मटीब दुम्‍शा, रिम्‍शो गेय यो पने मचाप्‍नीम। २तिमोथी ३:५