येरमीया 5:17 - Sunuwar Bible

¹⁷ मेकोपुकीमी इन खुप्‍शो अन्‍न नु जचा थोव़क नेल्‍ल नेक्‍नीम। मिनु इन तमी तौ नेल्‍ल आन कली यो लाइक्‍नीम। मेकोपुकीमी इन क्‍यारश भेडा नु बी ब्‍यफ नेल्‍ल नेक्‍नीम। मेकोपुकीमी इन अङगुर नु फोव़शी नेल्‍ल नेक्‍नीम। मिनु इन थमा सुइश्‍शो बोल्‍यो गारो हिरशो सहर नेल्‍ल तरवारम क्‍याम्‍नीम।

येरमीया 5:17 ပူးပေါင်းရင်းမြစ်များ

यसैया 62:8

परमप्रभु यावेमी आ ग्‍युरा गुइ क्‍युक्‍शा, कसम जाप्‍तु। मार कसम जाप्‍तु देंशा हना “मुल रे गो इ अन्‍न इ जोरी सत्रु आन कली जचा मगेनुङ। मिनु अर्को रागी ङा मुर आन कली इ अङगुर शांबु तूचा मगेनुङ। मारदे हना गे मेको आ पर्बम शुश श्‍येत पाप्‍तीवी। यसैया ६५:२१-२२

यसैया 62:9

सु सुमी अन्‍न ओंइनीमी, मेकोपुकीमी जचा ताइनीम। मिनु आं कली ठेयब सेल्‍नीम। मिनु सु सुमी खुप्‍नीमी, मेकोपुकीमी आं खिं ङा लाङगाम तूनीम” दे कसम जाप्‍तु।

यसैया 65:22

आंम आन सेल्‍शो खिंमी अरु मबाक्‍नीम। आन ख्रुम्‍शो अङगुर अरुम मब्‍वाइनीम। आं मुरपुकी रवा खोदेंशो पा शुश बर्स ब्रोंइनीम। आं योव़शो मुरपुकीम आंम आन गुइ ङा गेय ग्‍येरशा जाइनीम। ब्‍यवस्‍था २८:३०; अय्‍युब १४:७

येरमीया 1:15

गो उत्तर ङा राज्‍य ङा जात जात ङा मुर आन कली ब्रेत्‍‍नुङ। मिनु मेको नेल्‍ल जाक्‍शा, यरूसलेम ङा ठेयब लाप्‍चो ओव़तीक लांमी, एर ओंथ ङा गारो नेल्‍ल नु यहूदा ङा सहर आ ङोंइती आन पिप आन नित्‍तीक वोइक्‍‍नीम। मेकोपुकी मेको आन पर्बम लडाइ पचा कली जाक्‍नीम।

येरमीया 25:37

परमप्रभु यावे आ ठेयब पा गाइश्‍शोम मेको रिम्‍शो बस्‍तु योव़तीके खतम दुम्‍नीम।

येरमीया 4:26

मिनु कोव़ङुनु, रिम्‍शो खप बाक्‍शो रू नेल्‍ल गोरशो रागी दुम्‍तेक्‍म। मिनु मेकेर ङा सहर नेल्‍ल ब्रेश्‍शो बाक्‍तेक्‍म। मोदेंशो पा परमप्रभु यावेमी आ शुश गाइक्‍तीकेमी पाप्‍तु” देंती।

येरमीया 4:7

गुप्‍स का आ पुक्‍खी रे ग्रूशा, जाक्‍शो बाक्‍ब। रागी रागी कली खतम पोक्‍ब का ग्रूब। मेको आ बाक्‍तीक रे ग्रूशा, इन रागी कली मुर मबाक्‍तीके सेल्‍ब। इन सहर ङा खिं नेल्‍ल ब्रेत्‍‍नीम। मेकेर मुर बाक्‍ने मचाप्‍नीम। येरमीया २:१५; येरमीया ५:६; येरमीया २५:३८; येरमीया ४९:१९; येरमीया ५०:४४

येरमीया 5:18

मो हना यो, गो मेको नाक्‍ती इन कली नेल्‍ल मसाइक्‍पाइक्‍नुङ। येरमीया ४:२७

येरमीया 50:17

इस्राएल गुप्‍सपुकीम खेदा पा एर ओंथ ब्रपाइश्‍शो भेडा खोदेंशो दुम्‍शो बाक्‍ब। मेको कली ङोंइती अस्‍सुर ङा पिपम दाक्‍तु। मिनु नेल्‍ल क्‍येङा नोले बेबीलोन ङा पिप नेबुकदरेसरमी मेको आ रुश नेल्‍ल नेक्‍तु” देंत।

येरमीया 50:7

मेको आन कली थिप्‍बपुकीम मेको आन कली नेक्‍तेक्‍म। मिनु मेको आन जोरी सत्रुमी ‘गो दोसी मनकी। मारदे हना मेकोपुकीमी परमप्रभु यावे कली पाप पाम्‍तेक्‍म। मेको आन ठीक पा जोतीके नु आन किकी पिपी आन आस पशो, परमप्रभु यावे बाक्‍त’ देंतेक्‍म।

येरमीया 8:13

परमप्रभु यावेम “गो, अङगुर सेक्‍‍नुङ देंङानु बोटम अङगुर मबाक्‍म। फोव़शी रवाम फोव़शी मबाक्‍म। मेको आन सफा यो सोव़तेक्‍‍म। मेकोपुकी आं गेशो यो रोइक्‍चा पुंइसीनीम” दे परमप्रभु यावेमी देंत।

येरमीया 8:16

मिनु “दान रे जोरी सत्रु आन शारा आन सोंव सोंव पशो नेंसाक्‍व। मेको आन शारा आन ग्रीशो आ पर्बम रागी नेल्‍ल ख्रिंख्रि पाइब। मेकोपुकी रागी नु मेकेर बाक्‍शो मारेइ मारेइ, सहर नु मेकेर बाक्‍ब नेल्‍ल आन कली दाक्‍चा कली जाक्‍शो बाक्‍नीम। येरमीया ४:१५

बिलाप 2:12

मेकोपुकीमी आन ममा आन कली “जचा तूचा थोव़क ते बाक्‍म” दे हिल्‍लो पाइनीम। मेकोपुकी सहर ङा लांम गार दुम्‍‍शो लडाइ पाइब खोदेंशो पा थाइनीम। मिनु आन ममा आन थुकुम बेक्‍नीम।

बिलाप 2:2

परमप्रभुमी शिशी मपथु याकूब आ बाक्‍तीक नेल्‍ल खतम सेल्‍तु। मोपा चुरशा यहूदा आ तमी आ गारो हिरशो सहर नेल्‍ल खतम सेल्‍तु। मेकोमी मेको राज्‍य नु आ सासन पाइब आन कली मान मताइब, आइक्‍च सेल्‍तु।

इजीकीएल 36:4

मोपतीके गे इस्राएल ङा पहाडपुकी, परमप्रभु, परमप्रभु यावे आ लोव़ नेनीन। परमप्रभु यावेमी डांडा, पहाड, खोल्‍सा, बेंसी, ब्रेश्‍शो सहर नु मुर मबाक्‍शो सहर गे इन कली इन एर ओंथ बाक्‍शो मुरपुकीमी रोइक्‍ताक्‍म। मिनु रिश्‍शा इन कली आइक्‍च सेल्‍तेक्‍म।

होसे 2:12

गो मेको आ अङगुर बोटपुकी नु फोव़शी रवापुकी खतम सेल्‍नुङ। मेको आ पर्बम मेकोमी ‘एको आं तेल्‍लेम पशो ङा गाल्‍च नमी’ देंशो बाक्‍त। गो मेको रवा रे ठेयब ब्‍वाकी सेल्‍नुङ। मिनु ब्‍वाकी ङा जन्‍तुपुकीमी मेको ब्‍वाइनीम।

होसे 8:14

इस्राएलीपुकीमी आंम कली सेल्‍ब कली प्रेंशा, ठेयब दरवार सेल्‍शो बाक्‍नीम। यहूदा ङा मुरपुकीमी शुश सहर एर ओंथ गारो सेल्‍शो बाक्‍नीम। तन्‍न गो मेको आन सहरमी मी सुइश्‍शा दरवार नेल्‍ल क्रोइक्‍नुङ” दे परमप्रभुम देंत। येरमीया १७:२७; आमोस २:५

योएल 2:3

मेको आन ङोंइङोंइती मीम मारेइ मारेइ नेक्‍ब। मिनु मेको आन नोनोले मी ब्राइब। मेको आन ङोंइती रूपुकी एदेन ङा फल फुल रू खोदेंशो बाक्‍नीम। मेको आन नोले गोरशो रागी खोदेंशो दुम्‍नीम। मेकोपुकी रे मारेइ मब्रोंइनीम। योएल १:१९

लेवी 26:16

गो इन कली मार पाइनुङ देंशा हना, गो इन दातेमी शुश हिंतीके सेल्‍नुङ। मिनु इन रां सोव़ना सोव़न बाक्‍नीम। मिनु जरो पा इन मिक्‍च ततीके जाम्‍ना जाम्‍न लाइब। मिनु गे ओंखां पा बेक्‍नीनी। इन शोक्‍शो अन्‍न मोशा दुम्‍नीम। मारदे हना इन जोरी सत्रुम नेक्‍नीम।

सेफन्‍याह 3:6

गो रागी रागी ङा मुर आन कली खतम पोक्‍ता। मेको आन ब्रोंइशा बाक्‍तीक खिं प्रेश्‍शा गेता। मेको आन लां नेल्‍ल श्‍येत्‍थ सेल्‍ता। मेकेर रे सुइ मगाक्नीम। मेको आन सहरपुकी श्‍येत्‍थ बाक्‍नीम। मेकेर सुइ मुर मबाक्‍नीम।

मलाकी 1:4

मिनु एदोम ङा मुरपुकीमी “गोपुकी ब्रुंइसाक्‍व हना यो, गो लेंशा मेको ब्रेश्‍शो नेल्‍ल सेल्‍नीकी” देंतेक्‍म। मुर नेल्‍ल आन परमप्रभु यावेमी “मेकोपुकीमी सेल्‍तेक्‍म हना यो, गो प्रेत्‍नुङ। मिनु अरु मुरपुकीमी मेको आ पर्बम ‘एको ठीक मपाइब रागी का बाक्‍ब। परमप्रभु यावे मेको रागी तशा, गेना हना यो गाइक्‍ब’ ” देंनीम।

ब्‍यवस्‍था 28:33

इन मतुइश्‍शो मुरपुकीमी इन रू ङा ख्रुम्‍शो जाइनीम। मिनु गेपुकी गेना हना यो श्‍येत जचा नु दिप्‍चा पुंइसीनीनी। न्‍यायाधीस ६:३