येरमीया 5:12 - Sunuwar Bible

¹² मेकोपुकीमी परमप्रभु यावे आ पर्बम “मेको मतुइक्‍नीकी। मेकोमी मारेइ मपाइ‍ब। गो मारेइ मरिम्‍शो मताइनीक। गो लडाइ नु अन्‍काल मताइ‍नीक।

येरमीया 5:12 ပူးပေါင်းရင်းမြစ်များ

२ इतिहास 36:16

तन्‍न परमप्रभु आ लोव़ पाइब आन कली शुक्‍शी पामे बाक्‍त। आ लोव़ मटिथु, आ लोव़ पाइब आन कली तोक्‍शा लोव़ पामे बाक्‍त। मोपतीके परमप्रभु यावे आ गाइश्‍शो मबेक्‍माक्‍त। लूका २०:१०-१२; प्रेरित ७:५२

भजन संग्रह 10:6

मिनु मेकोपुकीमी आन थुंमी “गो श्‍येत मजाइनुङ। आं चच युइ सम्‍म यो श्‍येत मजाइनीम” दे मिम्‍नीम। भजन संग्रह ७३:६-८

भजन संग्रह 14:1

मूर्खपुकीमी “परमप्रभु मबाक्‍ब” दे मिम्‍नीम। मेकोपुकी ग्रांग्रा दिचा ङा दुम्‍शा, मरिम्‍शो गेय पाइनीम। मेको आन दातेमी रिम्‍शो पाइब सुइ मबाक्‍नीम।

हितोपदेस 30:9

मारदे हना गो नु मारेइ मारेइ बाक्‍त हना, गो इन कली प्रेंनुङ। मिनु ‘परमप्रभु यावे सु बाक्‍बा?’ देंनुङा कों? मिनु गो प्रुङग दुम्‍ती हना, खुइ पा आं परमप्रभु आ नें आइक्‍च सेल्‍शा मुने तोक्‍नुङा कों?” देंती। प्रस्‍थान ५:२

येरमीया 14:22

रागी रागी ङा मुर आन देवी देवता आन दाते ङा तेकोइमी रेउ यिपाइक्‍ने चाप्‍नीमी ङा? मार, सरीङ आमा रेउ यिपाइक्‍ने चाप्‍बा ङा? मेको पाइब गे परमप्रभु यावे, आंइ परमप्रभु मननी ङा? मोपतीके गो इन कली आस पाइ‍नीकी। मारदे हना गे ला एको नेल्‍ल पने चाप्‍नीनी” देंती।

येरमीया 2:6

मेकोपुकीमी ‘आंइ कली इजीप्‍त रागी रे ग्रुंइब परमप्रभु यावे ते बाक्‍बा? मेकोमी आंइ कली गोरशो रागीम लां कोंइशा गाक्‍पाइक्‍तु। मेको मुर मबाक्‍तीक गोरशो रागी नु शुश खाल्‍टा बाक्‍शो रागी बाक्‍त। ब्‍वाक्‍कु मबाक्‍शो नु छिङछिङ ङा रागी बाक्‍त। मेको सुइ मगाक्‍तीक नु सुइ मुर मबाक्‍तीक रागी बाक्‍त’ देंतेक्‍म। ब्‍यवस्‍था ८:१५

येरमीया 28:4

मिनु गो यहूदा ङा पिप येहो-याकीम आ तौ येकोन्‍याह नु यहूदा रे ग्‍याइश्‍शा लाइक्‍चा पुंइसीशो नेल्‍ल आन कली बेबीलोन रे चाक्‍नुङमी। मारदे हना गो बेबीलोन ङा पिप आ जुवा जिक्‍शा गेनुङ’ ” दे परमप्रभु यावेमी देंत। येरमीया २७:२०

येरमीया 4:10

मिनु गो “परमप्रभु, ए परमप्रभु यावे, गो आंइ शुरमी तरवार जाक्‍मेनु यो, गे ‘इन थुं नाइश्‍शा बाक्‍कीन’ दे गे एको मुर नु यरूसलेम कली मरिम्‍शो पा जोल पाइश्‍शो बाक्‍तीनी” देंती। येरमीया ६:१४

येरमीया 43:1

मिनु येरमीयामी परमप्रभु यावे, आन परमप्रभु आ पशो लोव़ नेल्‍ल मेको आन कली देंने थुम्‍तु। परमप्रभु यावे, आन परमप्रभुमी येरमीया कली मेको आन कली मेको लोव़ पथ सोइश्‍शो बाक्‍त।

येरमीया 5:31

परमप्रभु यावे आ लोव़ पाइबपुकीम जोल पा लोव़ पाइनीम। दोपा परमप्रभु यावे आ लोव़ पाइबपुकीम जोल पा लोव़ पाइनीमी, मोपा चढ़ेबपुकीम मुर आन कली हुकुम पाइनीम। मिनु आं मुरपुकी चहिं मोदेंशोन दुम्‍चा दाक्‍नीम। तन्‍न नोले ङा नाक्‍ती मार, पाइनीनी?” देंत। इजीकीएल १३:६

येरमीया 6:14

मेकोपुकीमी आं मुर आन कली ममिम्‍थु, आन गार सापाइक्‍खु पशो बाक्‍नीम। मेकोपुकीमी थुं नाइक्‍तीक मबाक्‍त हना यो ‘नांइ‍सीन, नांइ‍सीन’ देंनीम।

इजीकीएल 13:6

मेको आन तशो लोव़ जोल बाक्‍शा, आन लिंक्‍यु कोव़तीक जोल बाक्‍ब। मेकोपुकीम ‘परमप्रभु यावेमी देंशो बाक्‍ब’ देंनीम। तन्‍न मेको परमप्रभु यावेमी सोइश्‍शो मनम। मो हना यो मेकोम आन लोव़ गाप्‍ल, दे आस पाइनीम। इजीकीएल २२:२८; येरमीया ५:३१

मीका 2:11

तेकोइ मुरुमी जोल पा दूली लोव़ पशा “गो इ कली अङगुर शांबु तूचा नु रकसी तूचा आ पर्बम लोव़ पाइनुङ” देंत हना, मेको मुर मेको आन कली गारचा ङा लोव़ पाइब बाक्‍ब।

मीका 3:11

मेकेर ङा ठेयब मुरपुकीमी घूस जशा निसाफ पाइनीम। मेकेर ङा चढ़ेबपुकीम शेंशो ङा क्‍येट ताक्‍नीम। परमप्रभु यावे आ लोव़ पाइबपुकी क्‍येट तचा कली नोले दुम्‍ब लोव़ पाइनीम। मो हना यो मेकोपुकीमी ‘परमप्रभु यावे आंइ दातेमी बाक्‍ब। गो श्‍येत मजाइनीकी’ देंनीम। येरमीया ७:४

ब्‍यवस्‍था 29:19

मिनु मोदेंशो पाइब मुर मेको कसम ङा लोव़ नेंशा, आ थुंमी ‘गो आंम मिम्‍तीके पशा बाक्‍ती हना यो, गो सराप मराइनुङ। गो आसीक ताइब बाक्‍ती’ दे मिम्‍ब। मोदेंशो मिम्‍तीके नेल्‍ल आन कली खतम सेल्‍ब।

१ यूहन्‍ना 5:10

सु परमप्रभु यावे आ तौ कली थमा सुइक्‍बा, मेको मुर आ थुंमी सांकछी लीब। सु चहिं परमप्रभु यावे कली थमा मसुइक्‍बा, मेकोमी “परमप्रभु यावे जोल्‍फे बाक्‍ब” देंब। मारदे हना “आं तौ बाक्‍ब” दे परमप्रभु यावेमी देंशो थमा मसुइक्‍ब। यूहन्‍ना ३:३२-३४; रोमी ८:१६

१ सामुएल 6:9

मिनु मेको बग्‍गी कली कोव़शा बाक्‍कीन। मेको सन्‍दोस कुरशो बग्‍गी आ रागी, बेथ-शेमेश ग्‍येत्‍थ गे लत हना, परमप्रभुमी एको ठेयब श्‍येत दुम्‍पाइश्‍शो बाक्‍माक्‍त, दे तुंइसीब। मो मदुम्‍त हना, एको श्‍येत मेकोमी मदुम्‍पाइश्‍शो बाक्‍माक्‍त। आंमा दुम्‍शो बाक्‍तेक्‍म, दे तुंइसीब” दें‍मा बाक्‍त।