येरमीया 5:11 - Sunuwar Bible

¹¹ मारदे हना इस्राएल नु यहूदा ङा मुरपुकीम थमा पा प्रोंइतीमी” देंत।

येरमीया 5:11 ပူးပေါင်းရင်းမြစ်များ

यसैया 24:16

गो रागी आ सुर रे परमप्रभु कली ठेयब सेल्‍तीक कुम्‍सो पशो नेंतय। ठीक पाइब, परमप्रभु कली ठेयब सेल्‍तीक कुम्‍सो बाक्‍नीम। तन्‍न गो शुश श्‍येत जाइब दुम्‍ती। आबी, गो श्‍येत जाइब दुम्‍ती। मारदे हना दूली पाइबम, मुल सम्‍म दूली पाइनीम। मिनु मेको क्‍येङा यो दूली पाइनीम।

यसैया 48:8

गे मेको मनेंशो मतुइश्‍शो बाक्‍नीनी। साइ ङोंइती रे नोफा मनेंब बाक्‍तीनी। गे जोल पा गेय पाइब बाक्‍नीनी। मेको गो तुइक्‍ताक्‍ङ। आल रेन गे काइ मटीब बाक्‍तीनी, दे तुइक्‍ताक्‍ङ।

येरमीया 12:1

परमप्रभु यावे, गो इन कली दोस गेता हना, गे ठीक पाइब बाक्‍नीनी। तन्‍न गो आं निसाफ इन ङोंइती वोइक्‍नुङ। दोस ताइबपुकी मारदे सोशा बोशा लाइ‍नीमी? थमा मसुइक्‍ब मुर मारदे रिम्‍शो दुम्‍ना दुम्‍न बाक्‍नीमी? भजन संग्रह ७३:३

येरमीया 3:20

तन्‍न दोपा थमा सुइक्‍ने मचाप्‍ब मीश मुरुम आ वोंइश कली प्रोंइबा, मोपा गे थमा सुइक्‍ने मचाप्‍ब, इस्राएल, गे आं कली प्रोंइती” दे परमप्रभु यावेम देंत।

येरमीया 5:10

परमप्रभु यावेम आं कली “गे मेको आन अङगुर बोट दिम्‍शा ताइश्‍शा पावो। तन्‍न नेल्‍ल श्‍येत्‍थ मपोक्‍को। मेको आ राशी इत्‍तो। मारदे हना मेको परमप्रभु यावे आ मुर मनम।

येरमीया 9:2

गोरशो रागीम मुर आन कली बास बाक्‍तीक बाक्‍शो हना, गो आं मुर आन कली प्रोंइशा, मेकेर लशा बाक्‍ङ वा। मिनु मेको आन रे ङोन लङ वा। मारदे हना मेको नेल्‍ल आन नाता ख्रोइश्‍शा अरु नु इप्‍‍नीम। मेको नेल्‍ल मरिम्‍शो हुल का बाक्‍नीम।

होसे 5:7

मेकोपुकी परमप्रभु यावे रे नोले शोंइसीशो बाक्‍नीम। मेकोपुकीमी हेंथे पा आल थिशो बाक्‍नीम। मेको आन औंसी ङा चाडमी आन बाली नाली नु मेको आन कली खतम सेल्‍ब। होसे २:१३

होसे 6:7

मेकोपुकीमी आदम सहर ङा मुर खोदेंशो पा गो नु पशो कबल प्रोंइतेक्‍म। मेकोपुकीमी आं कली थमा मसुइक्‍थु प्रोंइतेक्‍म। यहोसु ३:१६