येरमीया 49:4 - Sunuwar Bible

⁴ गे मारदे इ सक्तिम ठेयब लेश्‍शा बाक्‍नेवे? इ सक्ति ग्‍युम्‍ब। गे हेंथे गाक्‍ब तमी, गे इ शोंप कली थमा सुइश्‍शा ‘सुमी आं कली लडाइ तोइबा ङा’ देंनेवे।

येरमीया 49:4 ပူးပေါင်းရင်းမြစ်များ

भजन संग्रह 49:6

मेकोपुकीमी आन शुश क्‍येटीम थमा सुइक्‍नीमी। आन शुश क्‍येटीम ठेयब लेत्‍नीमी।

भजन संग्रह 52:7

एको मुर कली कोव़ङीन। एकोमी परमप्रभु कली जिम्‍मा मगेंसे। आ शुश शोंपोम “गो मारेइ मारेइ पने चाप्‍नुङ देंशा, अरु आन कली खतम पोक्‍शा, बोल्‍यो दुम्‍त” दे रिश्‍शा, कोव़नीम।

भजन संग्रह 62:10

मुर आन कली दिप्‍शा “रिम्‍शो दुम्‍नुङ” दे ममिम्‍तीन। खुइ पशो मार मार तशा, ठेयब मलेतीन। इन शोंप शुश दुम्‍त हना यो, मेको कली थमा मसुतीन। मत्ती १९:२२; लूका १२:१५-२१; १तिमोथी ६:९,१७

हितोपदेस 10:15

शोंप पाइश्‍शो मुर आन शोंप मेको आन बोल्‍यो दरवार खोदेंशो बाक्‍ब। प्रुङग मुर आन श्‍येत दुम्‍तीकेम मेको आन कली खतम सेल्‍ब। हितोपदेस १८:११

येरमीया 21:13

एको दिंमम बाक्‍बपुकी रोंगु तार सेल्‍शो सहर गो इन कली लडाइ तोइनुङ। गे आंइ कली जाक्‍शा, सुम लडाइ तोइबा ङा? “आंइ ख्रुइक्‍तीके सु ओव़ने चाप्‍बा ङा? आंइ बाक्‍तीकेम सु ओव़ने चाप्‍बा ङा?” देंनीनी।

येरमीया 3:14

मिनु परमप्रभु यावेम मेको आन कली “लेतीन। थमा सुइक्‍ने मचाप्‍ब आलपुकी लेतीन। मारदे हना गो इन होव़प नङ। गो सहर रे मुर का कली नु खिं रे मुर निक्‍शी आस कली योव़नुङमी। मिनु इन कली सियोनम चाक्‍नन्‍नी। यसैया ६:१३

येरमीया 31:22

गे काइ मटीब तमी, गे गेना सम्‍म रिम्‍नेवे? मारदे हना परमप्रभु यावेम मेको रागी ङा मुर आन पशो नक सेल्‍तु। मेको मीश मुरुम वोंइश मुर कली दाक्‍ब।

येरमीया 48:7

गेपुकीम इन गेय नु इन शोंपोम थमा सुइक्‍तीनी। गेपुकी यो ग्‍याइश्‍शा लाइक्‍चा पुंइसीनीनी। केमोश देवता आ चढ़ेब नु आ नोले खोइक्‍ब मुरपुकी नु ग्‍याइश्‍शा लाइक्‍चा पुंइसीब। गन्‍ती २१:२९; न्‍यायाधीस ११:२४; १राजा ११:७

येरमीया 49:16

गे सेरथे फुल्‍लु आ पुक्‍खीम बाक्‍नेवे। इ हिंच कोंइतीके नु इ थुं ङा ठेयब लेत्‍तीकेमी इ कली जोल पाम्‍‍ताक्‍स। गे डांडा ङा बाक्‍तीक आंम के सेल्‍तीवी। गेमी इ बाक्‍तीक ककाकुली आ ग्‍योव़ खोदेंशो पा इर सेल्‍तीवी हना यो, गो इ कली मेकेर रे उइ तोक्‍नन” दे परमप्रभु यावेम देंशो बाक्‍ब।

येरमीया 7:24

तन्‍न मेकोपुकीमी आं अरेशो मटीम। आं लोव़ मनेनेम। मेको आन खकटा थुं ङा मरिम्‍शो पतीकेमी आंम दला दाक्‍स पाम्‍तेक्‍म। आन ची हिरताक्‍म, आं कुल गे मकोव़यीमी। येरमीया ११:८; यसैया ६५:२

येरमीया 9:23

परमप्रभु यावेम “जोक्‍ब तुइक्‍ब मुरपुकी आन जोक्‍तीक तुइक्‍तीक आ पर्बम ठेयब मलेम्‍मल। सक्ति पाइश्‍शो मुरपुकी आन सक्ति आ पर्बम ठेयब मलेम्‍मल। शुश शोंप पाइश्‍शो मुरपुकी आन शुश शोंपोम ठेयब मलेम्‍मल।

होसे 4:16

इस्राएलीपुकी मटीब बी खोदेंशो बाक्‍नीम। दोपा परमप्रभु यावेमी भेडा कली योव़शो खोदेंशो पा योव़ने चाक्‍बा?

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१

प्रकाश 18:7

मिनु आंम कली गिश ठेयब सेला, मिश श्‍येत गेशा, सुर्ता नु रोंका पपतीन। मिनु मेकोमी आ थुंमी चहिं ‘गो पिपीम नङ। गो वोंइश बेक्‍शो मीश मुर मनङ। मोपतीके गो सुर्ता गेनायो मपाइनुङ’ देंब। यसैया ४७:७-९