येरमीया 49:37 - Sunuwar Bible

³⁷ मेको एलाम ङा मुर आन कली, आन जोरी सत्रु नु मेको आन कली साइक्‍चा माल्‍ब आन ङोंइती शुश हिंब सेल्‍नुङमी। गो मेको आन कली ठेयब श्‍येत गेनुङ। गो मेको आन कली साइक्‍ने मथुमु सम्‍म मेको आन नोले तरवार सोइक्‍नुङ। इजीकीएल ३२:२४

येरमीया 49:37 ပူးပေါင်းရင်းမြစ်များ

येरमीया 30:24

परमप्रभु यावे आ थुंम मिम्‍शो मगाम्‍म सम्‍म मेको आ चुरशो मनांइसीब। गेपुकीमी नोले ङा नाक्‍ती मेको रुप्‍‍नीनी।

येरमीया 48:2

मुल रे मोआब कली ठेयब मसेल्‍नीम। मुरपुकीम हेश्‍बोनम लोव़ गारपाइक्‍तेक्‍म। मेकोपुकीमी ‘जाक्‍कीन, गो मेको कली रागी का मदुम्‍चा ङा सेल्‍य। ए मादमेन सहर, इ कली यो सिक्‍सी पपाइक्‍नीम। इ कली तरवार शेशा खेदा पाइनीम’ देंतेक्‍म।

येरमीया 48:39

मेको दोपा ब्रोल्‍मे, मोपा रोंका पाइनीम। मोआब दोपा मुने दोक्‍शा आ कुल ख्रुइक्‍ता, मोपा मोआब आ एर ओंथ बाक्‍ब नेल्‍लेम मेको आन पर्बम शुक्‍शी पा हिं‍शा कोव़चा ङा दुम्‍शो बाक्‍ब।

येरमीया 49:22

कोव़ङीन, मेको ककाकुली खोदेंशो पा बेरशा जाक्‍ब। मिनु मेको जुक्‍शा बोज्रा तार मेको आ फ्रां हाम्‍ब। मेको नाक्‍ती एदोम ङा लडाइ पाइब आन थुं सुत्‍केरी रोइ प‍शो मीश मुर आन थुं खोदेंशो दुम्‍ब। येरमीया ४८:४०

येरमीया 49:24

दमस्‍कस मचाप्‍ब दुम्‍शो बाक्‍ब। मेको प्रोक्‍त। मेको शुश हिंब। मेको सुत्‍केरी रोइ पशो मीश मुर खोदेंशो पा सुर्ता पा हिंब।

येरमीया 49:29

मेको आन ताम्‍बु, मेको आन क्‍यारश भेडा, मेको आन वासी नु आन मारेइ मारेइ लतीन। आन दल‍ओंठ रोइश्‍शा आंम के सेल्‍सीन। मिनु मुरपुकीम ‘एर ओंथ नेल्‍ल हिंचा ङा श्‍येत बाक्‍ब’ दे ग्रीचा माल्‍नीम। येरमीया २०:३

येरमीया 49:38

गो आं नित्‍तीके एलामम सेल्‍नुङ। मिनु मेकेर ङा पिपी नु मेको आन ठेयब मुर आन कली साइक्‍नुङमी” दे परमप्रभु यावेमी देंत।

येरमीया 49:5

गो परमप्रभु, मुर नेल्‍ल आन परमप्रभु यावे नङ। गो इ नेक्‍था बाक्‍ब मुर रे हिंतीक श्‍येत गेपाइक्‍नुङ। गे नेल्‍ल एर ओंथ फ्रचा पुंइसीनीनी। मिनु प्रोक्‍शो आन कली खुप्‍ब सुइ मबाक्‍नीम।

येरमीया 50:36

मेको आ जादू कली यो तरवार का जाक्‍त। मोपतीके मेकोपुकी मूर्ख दुम्‍नीम। मेको आ लडाइ पाइब आन कली यो तरवार का जाक्‍त। मिनु मेको खतम दुम्‍नीम।

येरमीया 6:19

रागी नेल्‍ल नेनीन। गो एको मुर आन कली ठेयब श्‍येत चाक्‍नुङ। मेको श्‍येत आन पशो आ पा ङा बाक्‍ब। मारदे हना मेकोपुकीमी आं पचा देंशो लोव़ मपामे। मिनु आं शेंशो लोव़ काइ मटीम। यसैया १:२

येरमीया 9:15

मोपतीके परमप्रभु यावे, मुर नेल्‍ल आन परमप्रभु, इस्राएली आन परमप्रभुमी “गो एको मुर आन कली कशो थोव़क उम्‍नुङमी। मिनु तूचा कली बीस ब्‍वाइश्‍शो ब्‍वाक्‍कु तूपाइक्‍नुङमी। येरमीया २३:१५; येरमीया ८:१४

येरमीया 9:16

गो मेको आन कली रागी रागी ङा मुर आन दातेमी फ्राइनुङमी। मेकेर आन मतुइश्‍शो नु आन किकी पिपी आन मतुइश्‍शो मुर बाक्‍नीम। मिनु गो मेको आन कली मसदुमी सम्‍म मेको आन नो‍नोले तरवार सोइक्‍नुङ” देंत। लेवी २६:३३

इजीकीएल 12:14

मेको आ एर ओंथ बाक्‍ब आ गेय पाइबपुकी नु आ लडाइ पाइब नेल्‍ल आन कली फशेम एर ओंथ ब्रपाइक्‍नुङमी। मिनु तरवार शोइश्‍शा खेदा पाइनुङमी।

इजीकीएल 32:23

मेको आन तुरस बेक्‍शो मुर आन बाक्‍तीके क्‍येङा दी गे वोइश्‍शो बाक्‍ब। मेको आ लडाइ पाइबपुकी मेको आ तुरस आ एर ओंथ बाक्‍नीम। मेको नेल्‍ल तरवारम साइक्‍चा पुंइसीशो बाक्‍नीम। मेकोम ब्रोंइशा बाक्‍ब आन रागीम मुर आन कली शुश हिंपाइश्‍शो बाक्‍‍तेक्‍म।

इजीकीएल 5:12

इ दातेमी, भाग सांम भाग का मुर बेक्‍तीक रोइम नु अन्‍कालम बेक्‍नीम। मिनु अर्को भाग तरवारम बेक्‍नीम। मिनु नोले ङा भाग फशेम ते ते फ्राइनुङमी। मिनु गो मेको आन कली तरवारम खेदा पाइनुङमी। इजीकीएल ५:२

इजीकीएल 5:2

मिनु मेको चां के भाग का सहर पुम्‍चा नुप्‍ची ना सहरम चोवो। मिनु अर्को भाग तरवारम सहर आ एर ओंथ फ्रावो। मिनु नोले ङा भाग फशेम बेरपतो। मारदे हना गो मेको आन कली तरवारम खेदा पाइनुङमी। इजीकीएल ५:२

लेवी 26:33

गो इन कली रागी रागी ङा मुर आन दातेमी ब्रपाइक्‍नुङ। मिनु लडाइ तोपाइश्‍शा, इन कली खेदा पपाइक्‍नुङ। मिनु इन रागी श्‍येत्‍थ नु इन सहरपुकी गोरशो सेल्‍नुङ।