येरमीया 49:31 - Sunuwar Bible

³¹ मिनु “बेबीलोन ङा पिप नेबुकदनेसरमी इन कली श्‍येत गेचा मिम्‍ब। इन कली मरिम्‍शो पचा मिम्‍ताक्‍व। बोक्‍कीन, थुं नाइश्‍शा रिम्‍‍शो पा बाक्‍ब मुर गे बारीन। मेको रागी ङा मुर आन के ठेयब लाप्‍चो नु चोक्‍तीके मबाक्‍नीम। मेको रागी ङा मुर अरु क्‍येङा ङोन बाक्‍नीम।

येरमीया 49:31 ပူးပေါင်းရင်းမြစ်များ

भजन संग्रह 123:4

ठेयब लेश्‍शोपुकी नु मरिम्‍शो पाइबपुकीमी आंइ कली महिक्‍थु शुश श्‍येत गेतीके गो ब्रीताक्‍क।

भजन संग्रह 73:12

परमप्रभु आ अरेशो मटीबपुकी मोदेंशो बाक्‍नीम। मेकोपुकी महिंथु, क्‍येट चेम्‍ना चेम्‍न बाक्‍नीम।

यसैया 32:11

गे ठेयब लेश्‍शो मीश मुर ख्रिंख्रि पने। गे काइ महिंबपुकी ख्रिंख्रि पा हिनीन। इन वा प्रुइश्‍शा अरन्‍डी फेक्‍सीन।

यसैया 32:9

गे ठेयब लेश्‍शो मीश मुरपुकी बोक्‍कीन। मिनु आं लोव़ नेनीन। गे काइ महिंथु बाक्‍ब तमीपुकी इन नोफा दाइश्‍शा, आं लोव़ नेनीन। यसैया ३:१६-४:१

यसैया 42:11

गोरशो रागी नु मेकेर ङा सहर कुम्‍सो पने। केदार आ बाक्‍तीक ङा मुर नेल्‍ले कुम्‍सो पने। सेला ङा मुरपुकी ग्‍येरशा कुम्‍सो पने। डांडा तार रे ठेयब सेंदा पा ग्रीङीन।

यसैया 47:8

मोपतीके गे दला दाक्‍स पाइब, नेनो। गे रिम्‍शो पा महिंथु बाक्‍ते। इ थुंमी ‘गो ठेयब नङ, आं क्‍येङा लाक्‍शो अरु सुइ मबाक्‍ब। गो वोंइश बेक्‍शो मीश मुर मदुम्‍नुङ। आं आल बेक्‍शो मताइनुङ’ देंते। सेफन्‍याह २:१५; प्रकाश १८:७

येरमीया 48:11

मोआब आ ठिटा रेन नांइ‍सीशा बाक्‍शो बाक्‍ब। मेको गरमी कुर पा वोइश्‍शो अङगुर शांबु खोदेंशो बाक्‍ब। मेको ग्‍योंब का रे अर्को ग्‍योंबुम मले‍शो बाक्‍ब। मेको ग्‍याइश्‍शा लाइक्‍चा मपुंइसीशो बाक्‍ब। मोपतीके मेको ङोंइती ङा खोदेंशोन बाक्‍ब। मेको आ ब्रोव़शो रिना मजाम्‍शो बाक्‍ब। सेफन्‍याह १:१२

इजीकीएल 30:9

मेको नाक्‍ती लोव़ कुरब मुर जहाजम ङोइक्‍पा सोइक्‍नुङ। मेको आन थुं नाइश्‍शा बाक्‍शो एथीयोपीया ङा मुर आन कली हिंच कोंइचा कली लोव़ सोइक्‍नुङ। इजीप्‍त रागी आ नुप्‍ची नाक्‍ती मेकोपुकी शुश हिंनीम। मेको नाक्‍त थमा पा जाक्‍ब” देंत। यसैया २०:३-४

इजीकीएल 38:11

मिनु गेम ‘गो गारो महिरशो सहर कली लडाइ तोइ‍नुङ। गो सिक्‍सी पा रिम्‍शो पा गारो महिरशो, ठेयब लाप्‍चो मपाइश्‍शो नु आग्‍लो मपाइश्‍शो सहरम बाक्‍ब मुर आन रागी कली लडाइ तोइनुङ।

इजीकीएल 39:6

गो मागोग ङा मुर नु समुन्‍द्र आ नेक्‍था रिम्‍शो पा बाक्‍शो आन तार मी सोइक्‍नुङ। मिनु मेकोपुकीम गोन परमप्रभु यावे नङ, दे तुइक्‍नीम।

मीका 7:14

गे इन मुर आन कली कोक्‍केम योव़ङीन। मेको ब्‍वाकीम बाक्‍शो बगाल इन के बाक्‍ब। मेको रिम्‍शो बाक्‍तीकेम बाक्‍नीम। मेको आन कली ङोंइती ङा खोदेंशो पा बाशान नु गिलादमी जोचा गेन। मीका ५:३; येरमीया ५०:१९

नहुम 1:12

परमप्रभु यावे आ लोव़ मार बाक्‍ब देंशा हना “मेको थम सक्ति पाइश्‍शो नु शुश मुर बाक्‍तेक्‍म हना यो, साइश्‍शा क्‍याम्‍चा पुंइसीनीम। यहूदा, गो इ कली श्‍येत गेतन हना यो, मुल इ कली श्‍येत मगेनन।

सेफन्‍याह 2:15

मेको महिंथु थुं नाइश्‍शा बाक्‍ब सहर मबाक्‍बा ङा? मेकोमी आंम कली “गो गोन नङ। आं क्‍येङा लाक्‍शा अरु सुइ मबाक्‍नीम” देंत। मेको मुल दोदेंशो पा ब्रेश्‍शो दुम्‍मे? मेको ब्‍वाकी ङा जन्‍तु आन बाक्‍तीके दुम्‍त। मेको लां रे पा गाक्‍ब नेल्‍ल मेको तशा आबी, दे हिंशा ख्रिंख्रि पाइनीम। यसैया ४७:८

गन्‍ती 23:9

गो सेरथे फुल्‍लु तार बाक्‍शा, मेको आन कली ताइनुङ। गो डांडाम बाक्‍शा, मेको आन कली कोव़नुङ। मेको आन का ला बाक्‍ब जात ङा मुर बाक्‍नीम। मिनु रागी रागी ङा मुर नु मखाल्‍सीनीम।

ब्‍यवस्‍था 33:28

मोपतीके इस्राएली मारेइ मदुम्‍थु, रिम्‍शो पा बाक्‍ब। याकूब आ बाक्‍तीकेमी श्‍येत मजाइनीम। मेको अन्‍न नु अङगुर आ रागीमी सीत यीब। लेवी २५:१८; १राजा ५:५; भजन संग्रह ६८:२७-२८; यसैया ५१:१-२; उत्‍पत्ती २७:२८