येरमीया 49:22 - Sunuwar Bible

²² कोव़ङीन, मेको ककाकुली खोदेंशो पा बेरशा जाक्‍ब। मिनु मेको जुक्‍शा बोज्रा तार मेको आ फ्रां हाम्‍ब। मेको नाक्‍ती एदोम ङा लडाइ पाइब आन थुं सुत्‍केरी रोइ प‍शो मीश मुर आन थुं खोदेंशो दुम्‍ब। येरमीया ४८:४०

येरमीया 49:22 ပူးပေါင်းရင်းမြစ်များ

भजन संग्रह 18:5

थमा पा साइक्‍चा पुंइसीब दुम्‍ती। साइक्‍बमी आं कली ब्‍वारदम खोदेंशो पा रुक्‍ताक्‍यी।

हितोपदेस 30:19

मेको मार बाक्‍तेक्‍म देंशा हना, ककाकुली आ सरीङम बेरतीके, रोंगु मेर बुस्‍स आन गाक्‍तीके, ठेयब समुन्‍द्रमी जहाज आन गाक्‍तीके नु वोंइश मुर नु मीश आल आस लां मेको रुप्‍ने मचबु।

यसैया 11:14

मिनु मेको निक्‍शी पलिस्‍ती नु लडाइ पचा कली पच्‍छिम गे बारनीस। मेकोपुकी गारशा, पूर्ब ङा मुर आन मारेइ मारेइ रोइक्‍नीम। एदोमी नु मोआबी आन कली लडाइ तोइनीम। अम्‍मोनीपुकीमी मेको आन देंशो टीनीम।

यसैया 13:8

मिनु मुरपुकी शुश हिंशा, आन थुं लुक्‍च लशा, शुश सुर्ता पाइनीम। फाल्‍ने मचाप्‍चा ङा पा खाइश्‍शा, आल थिचशो मीश मुर खोदेंशो पा नकचुर पाइनीम। हिंशा आन कुल कोव़मुमानु, ब्रशो मी खोदेंशो तमुइनीम।

यसैया 21:3

मोपतीके आं पोक्‍च ख्रिंख्रि पाइनीम। गो सुत्‍केरी रोइ पशो आल थिचशो मीश मुर खोदेंशो दुम्‍ती। गो राप्‍ने मचाप्‍थु, नेंने नु तने मचाप्‍चा ङा श्‍येत जशो बाक्‍नुङ।

यसैया 26:17

दोपा आल थिचा चिक्‍शो मीश मुरुम आ आल थिची ना वाइ ब्रेश्‍शा, रोम्‍सीबा, मोपा परमप्रभु यावे, गो इन ङोंइती बाक्‍तक। यूहन्‍ना १७:२१; प्रकाश १२:२

येरमीया 13:21

गेमी आंम मुर सेल्‍चा कली इ लेम्‍शो मुर आन कली परमप्रभु यावेम इ कली हुकुम पाइब सेल्‍ब। मिनु गे मार, देंनेवे? मार, सुत्‍केरी दुम्‍चशो मीश मुर खोदेंशो पा, इ कली श्‍येत मदुम्‍बा ङा?

येरमीया 22:23

लेबानोनम बाक्‍ब मुर, लेबानोन ङा लाइश्‍शो रवा आन दातेमी खिं सेल्‍ब मुरपुकी, श्‍येत नु सुत्‍केरी रोइ पशो खोदेंशो दुम्‍तीनी हना, दोपा हुकयी पाइनीनी।

येरमीया 30:6

मार, वोंइश मुरुम आल थिने चाप्‍नीमी ङा? दे हिल्‍लो पने। मारदे वोंइश मुर नेल्‍ल सुत्‍केरी रोइ पशो खोदेंशो पा आन गुइम आन क्रातो दिप्‍शो ताइ‍नुङमी? मारदे मुर नेल्‍ल आन कुल बुश दुम्‍शो बाक्‍नीमी?

येरमीया 4:13

कोव़ङीन, मेको गोस्‍स खोदेंशो पा गाक्‍शो बाक्‍ब। मेको आ बग्‍गी फश गिवार खोदेंशो पा जाक्‍नीम। मेको आ शारा ककाकुली आन क्‍येङा रीब पा दोरनीम। आबी, गो खतम दुम्‍तय’ दे लोव़ पाइनीमी” देंत।

येरमीया 4:31

गो सुत्‍केरी रोइ पशो मीश मुर आ सेंदा खोदेंशो नेंता। मेको ङोंइती ङा आल थिचा चिक्‍शो मीश मुर आ सेंदा खोदेंशो बाक्‍त। सियोन आ तमीमी आ गुइ दिंशा आ सास कीशा ‘आबी, आं कली साइक्‍ब आन ङोंइती थाइनुङ’ देंत” दे परमप्रभु देंत।

येरमीया 49:24

दमस्‍कस मचाप्‍ब दुम्‍शो बाक्‍ब। मेको प्रोक्‍त। मेको शुश हिंब। मेको सुत्‍केरी रोइ पशो मीश मुर खोदेंशो पा सुर्ता पा हिंब।

येरमीया 50:36

मेको आ जादू कली यो तरवार का जाक्‍त। मोपतीके मेकोपुकी मूर्ख दुम्‍नीम। मेको आ लडाइ पाइब आन कली यो तरवार का जाक्‍त। मिनु मेको खतम दुम्‍नीम।

येरमीया 50:43

मिनु बेबीलोन ङा पिपम मेको आन पर्बम लोव़ नेंतु। मिनु आ थुं लुक्‍च लत। मेको सुत्‍केरी रोइ पशो मीश मुर खोदेंशो पा सुर्ता पा हिंत।

येरमीया 6:24

गोपुकीम मेको आन पर्बम मारेइ मारेइ लोव़ नेंतक। मिनु आंइ गुइ खोइली योक्‍त। गो शुश हिंतक। गो सुत्‍केरी रोइ पशो मीश मुर खोदेंशो दुम्‍तक।

दानीएल 7:4

मेको ङोंइती ङा जन्‍तु गुप्‍स खोदेंशो बाक्‍शा, ककाकुली आ फ्रां खोदेंशो फ्रां पाइश्‍शो बाक्‍त। मिनु गो कोव़शा बाक्‍ङानु, मेको आ फ्रां तुल्‍चा पुंइसाक्‍व। मिनु मेको खप रे बोक्‍पाइश्‍शा, मुर खोदेंशो पा आ खोइल निक्‍शीमी राप्‍पाइक्‍चा पुंइसाक्‍व। मिनु मेकोमी मुर आ थुं ताप्‍तु।

होसे 8:1

मिनु “तुराही ता‍पो। ककाकुली का परमप्रभु यावे आ खिं तारी बेरना बेरन बाक्‍ब। मारदे हना मुरपुकीमी आं पशो कबल प्रोंइतेक्‍म। आं अरेशो लोव़ मटीम। यसैया ५८:१; ब्‍यवस्‍था २८:४९; होसे ६:७

ओबदिया 1:9

गे तेमान, इ लडाइ पाइबपुकी फ्राचा पुंइसीनीम। एसाव आ डांडाम बाक्‍ब मुर नेल्‍ल क्‍योरशा साइक्‍चा पुंइसी‍नीम। आमोस १:१२

ब्‍यवस्‍था 28:49

मिनु परमप्रभु यावेमी नेल्‍ल क्‍येङा ङोन बाक्‍शो रागी रे मरुप्‍शो लोव़ पाइब मुरपुकी बेरशो ककाकुली खोदेंशो पा इन तारी जुक्‍पाइक्‍ब। हबकुक १:८; यसैया ३३:१९; येरमीया ५:१५

१ थिस्‍सलोनिकी 5:3

मेना मुरुमी “दुशा बाक्‍नय, मारेइ मदुम्‍ब” देंतेक्‍म हना यो, आल कुरशो मीश मुर आल थिचा रोइ गेना पाइबा मतुइक्‍ब। मोदेंशो खोदेंशो पा मुरपुकी मब्रोंइचा ङा पा श्‍येत जाइनीम। येरमीया ६:१४; मत्ती २४:३९