येरमीया 49:2 - Sunuwar Bible

² मोपतीके परमप्रभु यावेमी “गो अम्‍मोनी आन रब्‍बाह कली लडाइ ङा तुराही ताप्‍शो नेंपाइक्‍नुङ। मेको श्‍येत्‍थ डांडा खोदेंशो दुम्‍ब। मिनु मेको आ एर ओंथ ङा गाउं मीम क्रोइक्‍चा पुंइसीनीम। मेना इस्राएलमी आ कली रोइक्‍ब आन कली रोइक्‍ब” दे परमप्रभु यावेमी देंत।

येरमीया 49:2 ပူးပေါင်းရင်းမြစ်များ

२ सामुएल 11:1

नक बर्स जाक्‍मेनु, पिपपुकी लडाइ पथ ग्रूमा बाक्‍त। दाऊदमी योआब, लडाइ पाइब आन ठेयब मुर नु इस्राएल ङा लडाइ पाइब नेल्‍ल आन कली सोइक्‍तीमी बाक्‍त। मिनु मेकोपुकीम अम्‍मोन खतम पोक्‍गमे बाक्‍त। रब्‍बाह सहर कली पुम्‍दमे बाक्‍त। तन्‍न दाऊद चहिं यरूसलेम सहरमी बाक्‍माक्‍त। १इतिहास २०:१

भजन संग्रह 48:11

सियोन डांडा ग्‍येरसेक्‍ल। यहूदा ङा सहर नेल्‍ले इन निसाफ पशोमी ग्‍येरसमल।

भजन संग्रह 97:8

परमप्रभु यावे आ निसाफ पशो नेंशा, सियोन नु यहूदा ङा सहर नेल्‍ल ग्‍येरसीनीम।

यसैया 11:14

मिनु मेको निक्‍शी पलिस्‍ती नु लडाइ पचा कली पच्‍छिम गे बारनीस। मेकोपुकी गारशा, पूर्ब ङा मुर आन मारेइ मारेइ रोइक्‍नीम। एदोमी नु मोआबी आन कली लडाइ तोइनीम। अम्‍मोनीपुकीमी मेको आन देंशो टीनीम।

यसैया 17:1

मिनु परमप्रभु यावेम दमस्‍कस आ पर्बम यसैया कली “दमस्‍कस सहर खतम दुम्‍शा मलीब। मेकेर ब्रेश्‍शो खिं ला बाक्‍नीम।

येरमीया 4:19

मिनु गो हिंती, हिंती। गो श्‍येत जशा हुकयी पाइनुङ। आं लुङगीर खाइश्‍शा, तुक तुक पाप्‍तु। गो सिक्‍सी पा बाक्‍ने मचाप्‍नुङ। मारदे हना गो तुराही ताप्‍शो नें‍ता। मेको लडाइ ङा रेयके बाक्‍ब।

येरमीया 49:1

अम्‍मोनी आन पर्बम परमप्रभु यावेमी “मार, इस्राएल आ तौपुकी मबाक्‍नीमी? मार, मेको आ हक ताइब सुइ मबाक्‍नीमी? मारदे मिल्‍कोम देवता आ मुरपुकीमी गाद आ बाक्‍तीके आन के सेल्‍मे? मिनु मारदे मिल्‍कोम आ मुर सहरम बाक्‍थ लमा?” देंत। मिल्‍कोम देवता मोलेक यो देंनीम। १राजा ११:५

इजीकीएल 21:20

मेको तरवार जाक्‍चा कली अम्‍मोनी आन रब्‍बाह सहर, यहूदा नु गारो हिरशो यरूसलेम कली लां सेलीन।

इजीकीएल 21:25

गे काइ मरिम्‍शो नु आं अरेशो लोव़ मटीब इस्राएल ङा सासन पाइब इ नाक्‍त जाक्‍त। इ नोले ङा सजाइ ततीक नाक्‍त जाक्‍त।

आमोस 1:14

मोपतीके गो रब्‍बाह ङा गारोम मी सुइक्‍नुङ। मेकोम आन बोल्‍यो दरवार खतम पोक्‍ब। मिनु लडाइ पाइबपुकी शुश रेयके पा, फश गिवार खोदेंशो पा जाक्‍शा, मेको आन कली खतम पोक्‍नीम।

ओबदिया 1:19

नेगेब ङा मुरपुकीमी एसाव आ डांडा आन के सेल्‍नीम। शेफेलाह ङा मुरपुकीम पलिस्‍ती आन रागी आन के सेल्‍नीम। मेकोपुकीमी एफ्राइम नु सामरीया ङा रू आन के सेल्‍नीम। मिनु बेन्‍यामीनम चहिं गिलाद आंम के सेल्‍ब। १राजा १६:२४

गन्‍ती 10:9

मिनु गे इन रागीमी इन कली दिप्‍ब जोरी सत्रुपुकी नु लडाइ पथ लनीनु, ठेयब सेंदामी तुराही ताप्‍चा माल्‍नीस। मो पाइतीनी हना, परमप्रभु यावे, इन परमप्रभुमी इन कली मिम्‍शा, इन जोरी सत्रु रे प्रोंइब। न्‍यायाधीस ६:३४

गन्‍ती 21:25

इस्राएलीपुकीम मेको सहर नेल्‍ल आन के सेल्‍तेक्‍म। मिनु मेकोपुकीम एमोरी आन सहर नेल्‍ल नु हेश्‍बोन नु मेको आ एर ओंथ ङा गाउं नेल्‍लेम बाक्‍तेक्‍म।

ब्‍यवस्‍था 13:16

मेकेर बाक्‍शो मारेइ मारेइ, मेको सहर आ दातेम खुप्‍चा माल्‍नीनी। मिनु मेको खुप्‍शो नु सहरम मी सुइक्‍तीन। मेको परमप्रभु यावे, इन परमप्रभु कली चोशा चढ़ेशो खोदेंशो दुम्‍ल। मेको सहर गेना हना यो फोहोर ताइक्‍तीके दुम्‍ल। मिनु मेको सहर कली लेंशा मसेलीन। ब्‍यवस्‍था २०:१६-१८

ब्‍यवस्‍था 3:11

मिनु बाशान ङा पिप ओग चहिं मेको लाइश्‍शो मुर, रेफाइम आन दातेमी नेल्‍ल क्‍येङा नोले साइक्‍चा पुंइसाक्‍व। मिनु मेको आ फलाम के खाट मुल सम्‍म अम्‍मोनी आन सहर रब्‍बाहम बाक्‍ब। मेको खाट ९ कुबीत लाइश्‍शो नु ४ कुबीत ब्रेम्‍शो बाक्‍ब। कुबीत का आधा मिटर कि हात का खोदेंशो बाक्‍ब।

यहोसु 17:11

इस्‍साकार नु आशेर आस रागी आस दातेमी मनस्‍से आ सहर नु गाउं का निक्‍शी यो बाक्‍तेक्‍म। मेको तेको तेको बाक्‍तेक्‍म देंशा हना, बेथ-शेआन, इब्‍लाम नु आ एर ओंथ, एन-डोर, तानाक, मेगीददो नु एर ओंथ ङा गाउंपुकी बाक्‍तेक्‍म। मेको कली डांडा सां यो देंनीम। न्‍यायाधीस १:२७-२८

यहोसु 17:16

मिनु योसेफ आ खिं ङा मुरपुकीमी “पहाड रागी आंइ कली मजाक्‍दीप्‍ब। मिनु दिंमम बाक्‍ब कनानीपुकी नु फलाम के बग्‍गी बाक्‍नीम। मिनु बेथ-शेआन, एर ओंथ ङा मुरपुकी नु येज्रेल आ दिंममी बाक्‍बपुकी नु यो फलाम के बग्‍गी बाक्‍नीम” देंतेक्‍म।