येरमीया 49:19 - Sunuwar Bible

¹⁹ यर्दन आ नेक्‍था ङा ठेयब ब्‍वाकी रे बस्‍तु भाव योव़तीकेम गुप्‍स जाक्‍शो खोदेंशो पा गो एदोम कली याम कामी मेको आ रागी रे ग्रुंइनुङ। गो सु कली सासन पचा कली योव़ङु, मेको कली गेनुङ। आं खोदेंशो सु बाक्‍बा? आं कली सुम अरेने चाप्‍बा ङा? तेको गोठला आं ङोंइती राप्‍ने चाप्‍बा ङा?” दे परमप्रभु यावेमी देंत येरमीया ५०:४४-४६

येरमीया 49:19 ပူးပေါင်းရင်းမြစ်များ

१ इतिहास 12:15

मेको नेल्‍ले ङोंइती ङा महिनाम यर्दन खोला शोक्‍सामा बाक्‍त। मेना खोला बारशा लशो बाक्‍माक्‍त। मिनु यर्दन खोला शोक्‍शा, मेको आ पूर्ब नु पच्‍छिम ङा बेंसीम बाक्‍ब मुर नेल्‍ल आन कली खेदा पा खेरशो बाक्‍मा बाक्‍त।

२ इतिहास 20:6

“आंइ परमप्रभु यावे, आंइ किकी पिपी आन परमप्रभु गे स्‍वर्गम बाक्‍ब परमप्रभु मननी ङा? गे रागी रागी ङा राज्‍य सासन पाइब मननी ङा? सक्ति नु अधिकार नेल्‍ल इन के बाक्‍ब। गे इन क्‍येङा ग्राब सुइ मबाक्‍नीम। उत्‍पत्ती १८:२५; १इतिहास २९:१२

अय्‍युब 41:10

मेको कली पोक्‍ने चाप्‍ब, सुइ मबाक्‍नीम। मोपा मेको आ ङोंइती सु राप्‍ने चाप्‍बा ङा?

अय्‍युब 9:19

एको सक्ति पाइश्‍शो लोव़ बाक्‍त हना, मेको आं क्‍येङा बोल्‍यो बाक्‍ब। एको ठीक पतीके लोव़ बाक्‍‍त हना, मेको कली सुम सेन्‍ने चाप्‍बा ङा? अय्‍युब ९:३३

अय्‍युब 9:21

गो दोस मताइब बाक्‍नुङ। मो हना यो गो आं पर्बम मारेइ मतुइक्‍नुङ। गो ब्रोंइचा मदाक्‍नुङ।

भजन संग्रह 143:2

मिनु इन गेय पाइब कली निसाफ पा दोस मगेने। मारदे हना ब्रोंइशोपुकी इन ङोंइती ठीक पाइब सुइ मबाक्‍नीम। भजन संग्रह १३०:३; अय्‍युब ९:२; रोमी ३:२०

भजन संग्रह 76:7

गे मान पा हिंचा माल्‍शो बाक्‍नीनी। गे गाइक्‍तीनीनु, इन ङोंइती सु राप्‍ने चाप्‍बा ङा?

भजन संग्रह 76:8

गे स्‍वर्ग रे इन निसाफ नेंपाइक्‍तीनी। मिनु रागी हिंशा, सिक्‍सी पाप्‍तु। भजन संग्रह ४६:१; हबकुक २:२०

भजन संग्रह 89:6

सरीङमी परमप्रभु यावे कली सु नु थाप्‍ने चाम्‍सीबा ङा? मिनु स्‍वर्गम बाक्‍ब आन दातेमी सु परमप्रभु यावे खोदेंशो बाक्‍बा ङा? १राजा २२:१९

भजन संग्रह 89:8

परमप्रभु यावे, मुर नेल्‍ल आन परमप्रभु, इन खोदेंशो ठेयब सक्ति पाइश्‍शो सु बाक्‍बा ङा? इन दाक्‍शा मप्रोंइतीके इन एर ओंथ बाक्‍ब।

प्रस्‍थान 15:11

परमप्रभु यावे, देवी देवता आन दातेमी इन खोदेंशो ठेयब सुइ मबाक्‍नीम। इन खोदेंशो सक्ति पाइश्‍शो, ठेयब मान ताइब सुइ मबाक्‍नीम। इन ठेयब गेय हिंचा ङा बाक्‍ब। गे छक लाक्‍चा ङा गेय पाइब बाक्‍नीनी। प्रस्‍थान ८:६; प्रस्‍थान १८:११; भजन संग्रह ८६:८

यसैया 40:25

आं कली सु नु थाप्‍नीनी। मिनु गो नु उइक्‍थ सु बाक्‍बा?” दे का ला बाक्‍शो परमप्रभुम देंत।

यसैया 46:9

साइ ङोंइती ङा माइत लोव़ मिम्‍तीन। मारदे हना गो परमप्रभु नङ, आं ङा लाक्‍शा, अरु सुइ परमप्रभु मबाक्‍नीम। गो परमप्रभु नङ, आं खोदेंशो सुइ मबाक्‍नीम। यसैया ४४:६

येरमीया 12:5

परमप्रभु यावेम “गे दोरब मुरपुकी नु दोरते हना, मेकोपुकीमी इ कली दपाइक्‍तेक्‍मी हना, गे शारा नु दोपा दोरने चाप्‍नेवे? गे मारेइ मदुम्‍तीकेमी गोल्‍ते हना, यर्दन खोला ङा ब्‍वाकीम मार पाइनेवे?

येरमीया 25:9

गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३

येरमीया 30:21

मेको आन कली हुकुम पाइब मेको आन दाते ङा का दुम्‍ब। मेको आन कली सासन पाइब आंम आन मुर बाक्‍ब। गो मेको कली आं नेक्‍था चाक्‍नुङ। मिनु मेको आं नेक्‍था जाक्‍ब। मारदे हना आं नेक्‍था आंमा सु जाक्‍बा ङा?” दे परमप्रभु यावेमी देंत। येरमीया ३०:९

येरमीया 4:7

गुप्‍स का आ पुक्‍खी रे ग्रूशा, जाक्‍शो बाक्‍ब। रागी रागी कली खतम पोक्‍ब का ग्रूब। मेको आ बाक्‍तीक रे ग्रूशा, इन रागी कली मुर मबाक्‍तीके सेल्‍ब। इन सहर ङा खिं नेल्‍ल ब्रेत्‍‍नीम। मेकेर मुर बाक्‍ने मचाप्‍नीम। येरमीया २:१५; येरमीया ५:६; येरमीया २५:३८; येरमीया ४९:१९; येरमीया ५०:४४

दानीएल 7:4

मेको ङोंइती ङा जन्‍तु गुप्‍स खोदेंशो बाक्‍शा, ककाकुली आ फ्रां खोदेंशो फ्रां पाइश्‍शो बाक्‍त। मिनु गो कोव़शा बाक्‍ङानु, मेको आ फ्रां तुल्‍चा पुंइसाक्‍व। मिनु मेको खप रे बोक्‍पाइश्‍शा, मुर खोदेंशो पा आ खोइल निक्‍शीमी राप्‍पाइक्‍चा पुंइसाक्‍व। मिनु मेकोमी मुर आ थुं ताप्‍तु।

नहुम 1:6

परमप्रभु यावे गाइक्‍तानु, मेको आ ङोंइती सु राप्‍ने चाप्‍‍बा ङा? मेको आ चुरशो सुम फाल्‍ने चाप्‍बा ङा? मेको आ गाइश्‍शो मी खोदेंशो पा ब्राइब। मिनु मेकोमी सेरथे फुल्‍लु आन कली प्रोल्‍ब।

जकरिया 11:3

गोठला आन रोंका पशो नेनीन। मेको आन रिम्‍शो योव़तीके खतम दुम्‍शो बाक्‍ब। गुप्‍स आन ग्री‍शो नेनीन। यर्दन ङा ब्‍वाकी नेल्‍ल खतम दुम्‍शो बाक्‍ब।

गन्‍ती 16:5

मिनु मेकोमी कोराह नु मेको आ मुर नेल्‍ल आन कली “दीसा सुनी परमप्रभु यावेमी सु मेको आ मुर बाक्‍बा, सु ग्रांग्रा मदिशो बाक्‍बा नु सु आ नेक्‍था जाक्‍दीत्‍चा गेबा, मेको तुइक्‍पाइक्‍ब। २तिमोथी २:१९

यहोसु 3:15

मिनु बाली नाली रुप्‍ची ना, खोला गेना हना यो शुश बारशो बाक्‍ब। मिनु चढ़ेबपुकीमी आन खोइली यर्दन खोला आ सुर ङा ब्‍वाक्‍कुम ख्रुम्‍मेनु,

प्रकाश 6:17

मारदे हना मेको आस गाइक्‍ची नाक्‍त जाक्‍त। सुइ मेको आस ङोंइती राप्‍ने मचाप्‍नीम” दे ठेयब सेंदामी ग्रीतेक्‍म। आमोस ५:१८; रोमी २:५; मलाकी ३:२