येरमीया 49:16 - Sunuwar Bible

¹⁶ गे सेरथे फुल्‍लु आ पुक्‍खीम बाक्‍नेवे। इ हिंच कोंइतीके नु इ थुं ङा ठेयब लेत्‍तीकेमी इ कली जोल पाम्‍‍ताक्‍स। गे डांडा ङा बाक्‍तीक आंम के सेल्‍तीवी। गेमी इ बाक्‍तीक ककाकुली आ ग्‍योव़ खोदेंशो पा इर सेल्‍तीवी हना यो, गो इ कली मेकेर रे उइ तोक्‍नन” दे परमप्रभु यावेम देंशो बाक्‍ब।

येरमीया 49:16 ပူးပေါင်းရင်းမြစ်များ

२ राजा 14:7

मेकोम हिक्‍सी के बेंसीम १० हजार एदोमी आन कली साइक्‍मी बाक्‍त। मिनु लडाइम सेला सहर ग्राशा, मेको आ नें योकतेल वोदा बाक्‍त। मेको सहर आ नें मुल सम्‍म मेकोन बाक्‍ब।

अय्‍युब 39:27

मार ककाकुलीम आ ग्‍योव़ इर रोंगुम सेल्‍चा कली इ अरेशो बाक्‍बा?

हितोपदेस 16:18

मुर खतम दुम्‍चा क्‍येङा ङोंइती ठेयब लेत्‍नीम। नुप्‍चा क्‍येङा ङोंइती मुर बोरनीम। हितोपदेस १८:१२

हितोपदेस 18:21

मुर आन लोव़मी बेक्‍तीक नु ब्रोंइतीक बाक्‍ब। तेको कली दाक्‍नीनी, मेको आ ततीक ताइनीनी।

हितोपदेस 29:23

मुर आन ठेयब लेश्‍शोमी मेको कली आइक्‍च सेल्‍ब। ब्रेम्‍शो थुं पाइश्‍शो मुर चहिं मान ताइब।

ठेयब कुम्सो 2:14

पहाड मेर ङा पोव़ला मेर, सेरथे फुल्‍लु मेर बाक्‍ब आं दाक्‍शो ढुकुर, इ कुल कोंइदी। इ सेंदा नेंचा तङल। मारदे हना इ सेंदा रिम्‍शो बाक्‍ब। मिनु इ कुल दारशो बाक्‍ब।

यसैया 10:14

मिनु गो प्रोंइशो चिक्‍ब आन ग्‍योव़ खोदेंशो पा बाक्‍तीक नु मुर आन शोंप थित्‍ता। गो चिक्‍बीम प्रोंइशो ब्‍वोफु खुप्‍शो खोदेंशो पा, रागी रागी कली खुप्‍ताक्‍ङ। मिनु फ्रां हिक्‍शा, तेक्‍ब सुइ मबाक्‍म। मिनु सुइम मारेइ मदेंम” देंत।

यसैया 2:21

परमप्रभु यावे रागी ङा मुर आन कली हिंच कोंइचा कली जाक्‍मेनु, मुरपुकी आ हिंच कोंइतीक छेङछेङ ङा ठेयब सक्तिम मतचा ङा पा पुक्‍खी नु सेरथे फुल्‍लु ङा कापम ख्रुंइसीनीम। २थिस्‍सलोनिकी १:९-१०

यसैया 49:25

तन्‍न परमप्रभु यावेमी “बोल्‍यो मुर आन ग्‍याइश्‍शो मुरपुकी यो लाइक्‍‍चा पुंइसीनीम। हिंचा ङा पिपम चोक्‍शोपुकी प्रोंइचा पुंइसीनी। गे नु लडाइ पाइबपुकी नु गो लडाइ पाइनुङ। इ आल आन कली गो कोव़शा प्रोंइनुङ। मत्ती १२:२९

येरमीया 48:14

गेपुकीम ‘गोपुकी बोल्‍यो नु सक्ति पाइश्‍शो लडाइ पाइब बाक्‍नीकी’ दे दोपा देंने चाप्‍नीनी?

येरमीया 49:15

परमप्रभु यावेम “मुल गो इ कली रागी रागी आन दाते ङा नेल्‍ल क्‍येङा आइक्‍च सेल्‍नन। मुरपुकीमी इ कली महिक्‍नीम।

येरमीया 50:29

बेबीलोनी आन कली लिब्रा आप्‍बपुकी ब्रेत्‍तीन। लिब्रा आप्‍ब नेल्‍ल आन कली ब्रेत्‍तीन। मेको आ एर ओंथ नेल्‍ल ताम्‍बु कीशा मुर आन कली तेक्‍कीन। मेकेर रे सुइ ब्रोंइचा मतामेक्‍ल। मेको आ पशो खोदेंशो पा मेको कली क्‍येक्‍क लेत्‍तीन। मेकोमी पशो खोदेंशो पा, मेको कली यो पतीन। मारदे हना मेकोमी इस्राएली आन का ला बाक्‍शो परमप्रभु यावे कली शुक्‍शी पाप्‍तु। येरमीया ५०:१५

येरमीया 51:53

बेबीलोन इर सरीङ सम्‍म बोक्‍त हना यो, आ इर ङा सहर बोल्‍यो सेल्‍तु हना यो, गो मेको कली खतम सेल्‍बपुकी सोइक्‍नुङमी” दे परमप्रभु यावेमी देंत। उत्‍पत्ती ११:४; यसैया १४:१३

आमोस 9:2

मेकोपुकी बेक्‍शो मुर आन बाक्‍तीक लाम्‍तेक्‍म हना यो, मेकेर रे कीशा ग्रुंइनुङ। मिनु मेकोपुकी इर सरीङ गे ङोइश्‍शा लाम्‍तेक्‍म हना यो, गो मेको आन कली ग्‍याइश्‍शा लुक्‍च फ्रुप्‍नुङमी। अय्‍युब २६:६; भजन संग्रह १३९:८

हबकुक 2:9

“आबी आबी, गे मरिम्‍शो पा क्‍येट चेम्‍नेवे। मोपा इ खिं ङा मुर आन कली खतम सेल्‍नेवे। तन्‍न गे ‘श्‍येत मजाइनुङ’ दे इ खिं इर सेल्‍तीवी।

मलाकी 1:3

तन्‍न एसाव कली काइ मदाक्‍तु। मोपतीके मेको आ बाक्‍तीक पहाड कली गोरशो रागी सेल्‍ता। आ थेरशो रू सिवार आन बाक्‍तीक दुम्‍पाइक्‍ता” देंत। यसैया ३४:१३