येरमीया 49:10 - Sunuwar Bible

¹⁰ तन्‍न गो एसाव कली शिश्रा सेल्‍ता। गो मेको आ ख्रुइक्‍तीक नेल्‍ल तांइसीतीके सेल्‍ता। मिनु मेको ख्रुइक्‍चा मताइब। मेको आ आल, आ खिं ङा मुर, आ नेक्‍था बाक्‍ब नु आंमा यो मली।

येरमीया 49:10 ပူးပေါင်းရင်းမြစ်များ

भजन संग्रह 37:28

मारदे हना परमप्रभु यावेमी ठीक निसाफ दाक्‍ब। आ कली मप्रोंइब आन कली नेल्‍ल नाक्‍त गेना हना यो कोव़ब। ठीक पाइब गेना हना यो रिम्‍शो बाक्‍चा ताइनीम। तन्‍न आ अरेशो मटीब आन तमी तौ नु चच युइ तिल्‍चा पुंइसीनीम।

यसैया 17:14

नाक्‍दो हिंचा ङा श्‍येत जाइनीम। नां सोव़चा क्‍येङा ङोंइती मेको नेल्‍ल बेक्‍नीम। आंइ मार मार रोइक्‍ब नु खुइ पाइबपुकी मोदेंशो दुम्‍नीम। यसैया ३७:३६

यसैया 45:3

गो इ कली हिंचा ङा छिङछिङम वोइश्‍शो शोंप गेनुङ। इ कली ख्रुइश्‍शा वोइश्‍शो सुन चांदी गेनुङ। मिनु गे, परमप्रभु यावेमी इ कली नें थिशा ब्रेप्‍ब, इस्राएली आन परमप्रभु, गो नङ, दे तुइक्‍नेवे।

येरमीया 13:26

गो आंमा इ गुने इ शोव़ सम्‍मन क्‍युक्‍नुङ। मिनु मोपा इ मुने नेल्‍ल तांइसीब।

येरमीया 23:24

मिनु मुर आं ङोंइती रे ख्रुइश्‍शा बाक्‍ने चाप्‍नीमी ङा? मिनु गो मेको आन कली तने मचाप्‍नुङमी ङा? मार, सरीङ नु रागी निम्‍फा कली गो प्रिंने मचाप्‍नुङा ङा?” दे परमप्रभु यावेमी देंत। बजन संग्रह १३९:७-१६

बिलाप 4:22

सियोन आ तमी इ हेंथे गाक्‍शो ङा सजाइ नुप्‍त। मेकोमी इ कली ग्‍याइश्‍शा लाइश्‍शो रागी रे ग्रुंइब। तन्‍न एदोम आ तमी, इ हेंथे गाक्‍शो ङा सजाइ ताइनेवे। मेकोमी इ पाप कोंइब। यसैया ४०:२; यसैया ३४:८-१०; इजीकीएल ३५:१४-१५

आमोस 9:3

मेकोपुकी कारमेल डांडामी ख्रुंइसाक्‍म हना यो, गो मेको आन कली माल्‍शा, ग्‍याइश्‍शा चाक्‍नुङमी। मेकोपुकी आं क्‍येङा ख्रुइश्‍शा समुन्‍द्र आगाम लाम्‍तेक्‍म हना यो, समुन्‍द्रम बाक्‍ब बुस्‍स कली ‘मेको आन कली कोक्‍मी’ दे अरेनुङ। मिनु मेकोमी मेको आन कली कोक्‍ब।

ओबदिया 1:6

तन्‍न एसाव आ शोंप दोपा रोंइ‍सीबा? मेको आ ख्रुइश्‍शा वोइश्‍शो शोंप दोपा माल्‍शा ग्रुंइ‍नीमी?

ओबदिया 1:9

गे तेमान, इ लडाइ पाइबपुकी फ्राचा पुंइसीनीम। एसाव आ डांडाम बाक्‍ब मुर नेल्‍ल क्‍योरशा साइक्‍चा पुंइसी‍नीम। आमोस १:१२

रोमी 9:13

मेको आल आस पर्बम “याकूब कली दाक्‍ताक्‍ङ। एसाव कली काइ मदाक्‍तु” दे ब्रेक्‍शो बाक्‍ब। मलाकी १:२-३