येरमीया 49:1 - Sunuwar Bible

¹ अम्‍मोनी आन पर्बम परमप्रभु यावेमी “मार, इस्राएल आ तौपुकी मबाक्‍नीमी? मार, मेको आ हक ताइब सुइ मबाक्‍नीमी? मारदे मिल्‍कोम देवता आ मुरपुकीमी गाद आ बाक्‍तीके आन के सेल्‍मे? मिनु मारदे मिल्‍कोम आ मुर सहरम बाक्‍थ लमा?” देंत। मिल्‍कोम देवता मोलेक यो देंनीम। १राजा ११:५

येरमीया 49:1 ပူးပေါင်းရင်းမြစ်များ

उत्पत्ती 19:38

कान्‍छीमी यो तौ का थि‍माक्‍त। मेको आ नें बेन-अम्‍मी वोदा बाक्‍त। मेको अम्‍मोनी आन किकी पिपी बाक्‍माक्‍त। ब्‍यवस्‍था २:१९; ब्‍यवस्‍था २३:४

२ राजा 10:33

मिनु यर्दन खोला आ पूर्ब गे गिलाद ङा रागी नेल्‍ल, गाद, रूबेन नु मनस्‍से आन रागी, अरनोन खोला आ नेक्‍था आरोएर, गिलाद ङा लां रे पा बाशान सम्‍म इस्राएली आन कली फ्रूमी बाक्‍त।

२ राजा 24:2

मिनु परमप्रभु यावेमी यहूदा नु लडाइ पचा कली कल्‍दी, अरामी, मोआबी नु अम्‍मोनी आन कली सोइक्‍तीमी बाक्‍त। परमप्रभु यावेमी आ गेय पा आ लोव़ पाइब आन देंशो खोदेंशो दुम्‍पाइश्‍शा यहूदा कली खतम पोक्‍पाइक्‍चा कली मेको आन कली सोइक्‍तीमी बाक्‍त।

२ इतिहास 20:1

मिनु नोले मोआबी अम्‍मोनी नु का निक्‍शी सेइर डांडा रे अर्को जात ङा मेउनी माइश्‍शो मुरपुकी येहो-शाफात नु लडाइ पथ जाक्‍मा बाक्‍त।

२ इतिहास 20:23

मिनु मार दुम्‍माक्‍त देंशा हना, अम्‍मोनी नु मोआबी गारशा सेइर डांडा ङा मुर आन कली लडाइ पा सदमे बाक्‍त। मेको आन कली साइक्‍ने थुम्‍मे नोले, लीशो मुरपुकी आंम आंमा साइक्‍मुमा बाक्‍त।

नेहेम्‍याह 2:19

मिनु होरोनी सान्‍बल्‍लत, आ गेय पाइब अम्‍मोनी तोबीयाह नु अराबी गेशेममी चहिं एको लोव़ नेंशा, आंइ कली शुक्‍शी पा ठेयब लेश्‍शा “गे मार पाइनीनी, हां? पिप आ सासन प्रोंइचा माल्‍नी?” दे हुइक्‍ताक्‍की।

नेहेम्‍याह 4:7

मिनु सान्‍बल्‍लत, तोबीयाह, अराबीपुकी, अम्‍मोनीपुकी नु अश्‍दोदीपुकीमी “यरूसलेम ङा गारो रिम्‍शो पा सेल्‍ना सेल्‍न बाक्‍नीम। आ पोव़ला यो सु‍ना सु‍न बाक्‍नीम” दे तुइश्‍शा, शुश गाइक्‍ताक्‍म।

भजन संग्रह 83:7

गेबाल, अम्‍मोन, अमालेक, पलिस्‍ती नु टायर ङा मुरपुकी बाक्‍नीम।

भजन संग्रह 9:6

परमप्रभु, आं जोरी सत्रु आन खिं गेनायो मसेल्‍चा ङा पा प्रेत्‍तीनी। गे मेको आन सहर हु हा प्रेत्‍तीनी। मिनु मेको आन नें यो काइ मलीथु, जाम्‍शा लत। भजन संग्रह ३४:१७

येरमीया 12:14

परमप्रभु यावेमी आं कली मरिम्‍शो पाइब आं नेक्‍था ङा मुर आन पर्बम “गो आं मुर इस्राएली आन कली गेशो, मेको आन किकी पिपी आन शोंप रोइश्‍शो बाक्‍नीम। मोपतीके गो मेको आन कली आन रागी रे तुल्‍शा ताइक्‍नुङमी। मिनु गो यहूदा आ खिं ङा आ मुर आन कली मेको आन दाते रे तिल्‍नुङमी।

येरमीया 25:21

एदोम, मोआब नु अम्‍मोन ङा मुर नेल्‍ल आन कली,

येरमीया 25:9

गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३

येरमीया 27:3

मिनु यहूदा ङा पिप सिदकीयाह आ बाक्‍तीके यरूसलेममी जाक्‍ब लोव़ कुरब आन कली एदोम, मोआब, अम्‍मोन, टायर नु सीदोन ङा पिप आन बाक्‍तीकेम मेको लोव़ सोइक्‍तीमी। येरमीया २५:२१-२२

येरमीया 48:1

मुर नेल्‍ल आन परमप्रभु यावे, इस्राएली आन परमप्रभुमी मोआब आ पर्बम मार लोव़ पाप्‍तु देंशा हना “नेबो सहर मुर मबाक्‍तीके दुम्‍ब। किरयथ-थाइम मुने दोक्‍ब। मेको ब्रुत। मेको आ बोल्‍यो दरवार नेल्‍ल मुने तोक्‍शा प्रेश्‍शा ताइक्‍चा पुंइसाक्‍म।

येरमीया 49:23

परमप्रभु यावेमी दमस्‍कस आ पर्बम “हमाथ नु अरपाद वाम ग्‍याम दुम्‍शो बाक्‍नीस। मारदे हना मेको निक्‍शीमी मरिम्‍शो लोव़ नेंताक्‍स। मेको हिंशा आस थुं ग्‍येत्‍थ लुक्‍च दुम्‍शो बाक्‍नीस। मिनु समुन्‍द्र खोदेंशो पा सिक्‍सी पा बाक्‍ने मचाप्‍नीस।

येरमीया 49:28

बेबीलोन ङा पिप नेबुकदरेसरम केदार नु हासोर आस कली ग्रात। एको केदार नु हासोर आस पर्बम पशो लोव़ बाक्‍ब। मिनु परमप्रभु यावेमी “बोक्‍कीन। केदार मेर लने। पूर्ब ङा मुर आन कली खतम पोक्‍कीन। यसैया २१:१६-१७; यहोसु ११:१०

येरमीया 49:7

मुर नेल्‍ल आन परमप्रभु यावेमी एदोम आ पर्बम “मुल तेमान सहरम तुइक्‍तीक मबाक्‍बा ङा? मार, रुप्‍ब मुर आन अर्ती जाम्‍शा लमे? मार, मेको आन रुप्‍तीक योल्‍मे?

इजीकीएल 21:25

गे काइ मरिम्‍शो नु आं अरेशो लोव़ मटीब इस्राएल ङा सासन पाइब इ नाक्‍त जाक्‍त। इ नोले ङा सजाइ ततीक नाक्‍त जाक्‍त।

इजीकीएल 25:1

परमप्रभु यावेमी आं कली लोव़ पाप्‍तु।

सेफन्‍याह 1:5

खिं तार बाक्‍शा, नां तास्‍ला नु सोरुल आन ङोंइती बाप्‍ब, परमप्रभु यावे आ ङोंइती बाप्‍शा आ नें थिशा कसम जाइब। मोलेक आ नें यो थिशा कसम जाइब। येरमीया १९:१३; येरमीया ४९:१

गन्‍ती 1:24

गाद आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।

ब्‍यवस्‍था 2:19

मिनु गे अम्‍मोनी आन रागी जाक्‍दीत्‍नीनी। मेको नु लडाइ मपने। काइ मजिने। मारदे हना अम्‍मोनी आन रागी इन कली मगेनुङ। मेको लोत नु आ चच युइ आन कली गेतामी। उत्‍पत्ती १९:३८

ब्‍यवस्‍था 23:3

अम्‍मोनी नु मोआबी परमप्रभु यावे आ ग्रुम्‍तीकेमी ओव़ने मचाप्‍नीम। मेको आ १० पाला सम्‍म परमप्रभु यावे आ ग्रुम्‍तीकेमी ओव़चा मताइनीम। उत्‍पत्ती १९:३७-३८

ब्‍यवस्‍था 23:4

मारदे हना गे इजीप्‍त रे ग्रूनीनु, मेकोपुकीमी जचा थोव़क नु ब्‍वाक्‍कु कुरशा इन कली ग्रुम्‍थ मपीम। मिनु मेकोपुकीमी यो इन कली सराप पचा, दे बेओर आ तौ बालाम मेसोपोटामीया आ नेक्‍था ङा अराम-नाहाराइम ङा पेथोर सहर रे क्‍येट गेशा ब्रेत्‍ताक्‍म। गन्‍ती २२:५-६