येरमीया 48:44 - Sunuwar Bible

⁴⁴ हिंचा ङा श्‍येत रे प्रोक्‍ब बिक्‍तीकेम बिक्‍नीम। मिनु बिक्‍तीके रे ङोइश्‍शा ग्रूब ब्‍वारदम रेत्‍चा पुंइसीनीम। मारदे हना गो मोआब कली आ सजाइ गेतीक बर्सम मोदेंशो पाइनुङ” दे परमप्रभु यावेमी देंत।

येरमीया 48:44 ပူးပေါင်းရင်းမြစ်များ

१ राजा 19:17

मिनु हजाएल आ तरवार रे ब्रोंइशो आन कली येहूमी साइक्‍ब। मिनु येहू आ तरवार रे ब्रोंइशो आन कली एलीशामी साइक्‍ब।

१ राजा 20:30

मिनु मेको आन दाते ङा लीशोपुकी अफेक ङा सहरम प्रोक्‍मा बाक्‍त। मिनु मेकेर ङा गारो ब्रेश्‍शा १७ हजार आन कली चिप्‍ता बाक्‍त। बेन-हादाद चहिं सहर ओव़शा, ख्रुइश्‍शा बाक्‍माक्‍त।

यसैया 10:3

मिनु सजाइ गेतीक नाक्‍तीमी मार पाइनीनी? ङोन रे जाक्‍शो हिंचा ङा श्‍येतमी मार पाइनीनी? “वारच पाइय्‍यीनी” दे सु आ बाक्‍तीके प्रोक्‍नीनी? इन शोंप ते वोइक्‍नीनी?

यसैया 24:17

गे रागी ङा मुरपुकी, इन ङोंइती शुश हिंचा ङा बाक्‍ब। इन ङोंइती बिक्‍तीके नु ब्‍वारद बाक्‍नीम।

यसैया 24:18

मिनु सु सु शुश हिंचा ङा रेयके नेंशा प्रोक्‍नीमी, मेको बिक्‍तीकेम बिक्‍नीम। सु सु बिक्‍तीके रे ग्रूनीमी, मेको ब्‍वारदम रेत्‍नीम। मारदे हना सरीङ ङा झेल रोक्‍सीशो बाक्‍नीम। मिनु रागी आ जग हिम्‍सीशो बाक्‍ब। येरमीया ४८:४३-४४; आमोस ५:१९; उत्‍पत्ती ७:११

येरमीया 10:15

मेको शोर गाक्‍शो ला बाक्‍नीम। मुर आन मिम्‍शो ला बाक्‍नीम। मेको आन कली सजाइ गेशोनु, जाम्‍नीम।

येरमीया 11:23

मेकोपुकी सुइ मब्रोंइनीम। मारदे हना मेको आन कली सजाइ गेतीक बर्सम गो अनाथोथ ङा मुर आन तार ठेयब श्‍येत चाक्‍नुङ’ ” देंशो बाक्‍ब।

येरमीया 16:16

मुल गो शुश ग्‍याइल आप्‍ब आन कली ब्रेश्‍शा सोइक्‍नुङमी। मिनु मेकोपुकीमी मेको आन कली ग्‍याइक्‍नीम। नोले गो लेंशा शुश सिखारी आन कली ब्रेश्‍शा सोइक्‍नुङमी। मिनु मेकोपुकीमी, मेको आन कली तेकोइ डांडा नु तेकोइ पहाड नु सेरथे फुल्‍लु ङा का‍क्‍पे रे माल्‍शा ग्रुंइनीम।

येरमीया 23:12

मोपतीके मेको आन लां छिङछिङ दुम्‍शा ग्रेक्‍ब दुम्‍ब। मिनु मेकोपुकी मेकेर गाक्‍मानु, ग्रेक्‍शा गोल्‍नीम। मारदे हना गो मेको आन कली सजाइ ततीक बर्सम ठेयब श्‍‍येत गेनुङ। येरमीया १३:१६; बजन संग्रह ३५:६

येरमीया 46:21

मेको आ गाल्‍च ताक्‍शा लडाइ पाइबपुकी यो दोम्‍शो बाछा खोदेंशो बाक्‍नीम। मेको यो नेल्‍ल हिरशा लशा काथा प्रोक्‍तेक्‍म। मेको राप्‍शा मदिक्‍नीम। मारदे हना मेको आन हिंचा ङा श्‍येत जतीक नाक्‍ती जाक्‍शो बाक्‍ब। मेको आन सजाइ तची ना जाक्‍त।

येरमीया 49:8

ए देदानम बाक्‍बपुकी, लेश्‍शा प्रोक्‍कीन। लुक्‍च लने। मारदे हना गो एसाव कली सजाइ गेची ना मेको कली हिंचा ङा श्‍येत गे‍नुङ।

येरमीया 50:24

बेबीलोन, गो इ कली ब्‍वारद का दाइक्‍ताक्‍ङ। गे मतुइक्‍थु ग्‍याइक्‍चा पुंइसीनेवे। मिनु इ कली थिश्‍शा, ग्‍याइक्‍चा ताइतक। मारदे हना गे परमप्रभु यावे कली मरिम्‍शो पशो बाक्‍ते।

येरमीया 50:27

मेको आ सांढे ब्‍यफ नेल्‍ल सतीन। मेको आन कली क्‍योरचा कली लतीन। आबी, आबी, मेको आन नाक्‍ती जाक्‍त। मेको आन कली सजाइ गेतीक नाक्‍ती जाक्‍त।

येरमीया 51:18

मेको शोर गाक्‍शो बाक्‍नीम। मेको मुर आन मिम्‍शो ला बाक्‍नीम। मेको आन कली सजाइ गेशोनु, मेकोपुकी खतम दुम्‍नीम।

येरमीया 8:12

मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेनुङ। मिनु मेको खतम दुम्‍नीम” दे परमप्रभु यावेमी देंत।

बिलाप 3:47

शुश हिंचा ङा मरिम्‍शो दुम्‍तीक आंइ तार जाक्‍त।

होसे 9:7

मिनु सजाइ गेतीक नाक्‍त जाक्‍शो बाक्‍ब। क्‍येक्‍क लेत्‍तीक नाक्‍त यो जाक्‍शो बाक्‍ब। इस्राएल ङा मुरपुकीमी मेको तुइक्‍‍नीम। परमप्रभु यावे आ लोव़ पाइब गुक्‍शो खोदेंशो पा बाक्‍नीम। मेकोपुकी गशो दुम्‍तेक्‍म। मारदे हना इन मरिम्‍शो पचा नु मदाक्‍चा आ पर्बम मोदेंशो दुम्‍त।

आमोस 5:19

मेको नाक्‍ती मुर का गुप्‍स रे प्रोक्‍शा, वां कली ग्रुम्‍शो खोदेंशो बाक्‍ब। खिं लशा बाक्‍चा कली आ गुइ गारोम वोदानु, बुस्‍सुम कोक्‍शो खोदेंशो दुम्‍‍ब।

मीका 7:4

मेको आन दा‍ते ङा नेल्‍ल क्‍येङा रिम्‍शो मुर चू रवा खोदेंशो बाक्‍ब। मेको आन दाते ङा गेना हना यो रिम्‍शो पाइब थरपु हिरशो चू खोदेंशो बाक्‍ब। इन खाल पाइब आन नाक्‍त जाक्‍शो बाक्‍ब। मेको नाक्‍ती इन कली कोव़बमी इन कली ग्रुम्‍थ जाक्‍ब। मुल मेको आन कली खतम सेल्‍तीक नाक्‍त जाक्‍ब।