येरमीया 48:42 - Sunuwar Bible

⁴² मोआब रागी का दुम्‍शा मलीचा ङा पा खतम दुम्‍त। मारदे हना मेको परमप्रभु यावे आ ङोंइती ठेयब लेश्‍शो बाक्‍त।

येरमीया 48:42 ပူးပေါင်းရင်းမြစ်များ

हितोपदेस 16:18

मुर खतम दुम्‍चा क्‍येङा ङोंइती ठेयब लेत्‍नीम। नुप्‍चा क्‍येङा ङोंइती मुर बोरनीम। हितोपदेस १८:१२

यसैया 16:14

मुल चहिं परमप्रभु यावेमी “गाल्‍च ताइबम आ बर्स हिक्‍शो खोदेंशो पा बर्स सांमी मोआब आ दारस जाम्‍शा लाइब। मिनु आ ठेयब हुल शुश मलीनीम। मेको आ लीशो मुर शुश मदुम्‍थु, सक्ति मपाइश्‍शो दुम्‍नीम” देंत। यसैया २१:१६

यसैया 37:23

गे सु कली शुक्‍शी पवी? सु आ पर्बम गे ठेयब लेश्‍शो लोव़ पवी? गे इस्राएली आन का ला बाक्‍शो परमप्रभु आ ङोंइती ठेयब लेश्‍शो दुमे?

यसैया 7:8

मारदे हना अराम आ पिया दमस्‍कस बाक्‍ब। मिनु दमस्‍कस आ पिया रेसीन बाक्‍ब। मिनु ६५ बर्स नोले एफ्राइम खतम दुम्‍शा, मलीब।

येरमीया 30:11

मारदे हना गो इ कली प्रोंइचा कली गे नु बाक्‍नुङ। इन कली फ्रशा वोइश्‍शो रागी रागी ङा मुर नेल्‍ल आन कली साइक्‍नुङमी। तन्‍न गो इ कली गेनायो मक्‍याम्‍नुङ। गो इ कली ठीक सजाइ गेनुङ। गो इ कली थमा पा सजाइ मगेथु, मप्रोंइनुङ” दे परमप्रभु यावेमी देंत। येरमीया १०:२४; ब्‍यवस्‍था ८:५

येरमीया 48:2

मुल रे मोआब कली ठेयब मसेल्‍नीम। मुरपुकीम हेश्‍बोनम लोव़ गारपाइक्‍तेक्‍म। मेकोपुकीमी ‘जाक्‍कीन, गो मेको कली रागी का मदुम्‍चा ङा सेल्‍य। ए मादमेन सहर, इ कली यो सिक्‍सी पपाइक्‍नीम। इ कली तरवार शेशा खेदा पाइनीम’ देंतेक्‍म।

इजीकीएल 35:13

गे आं कली ठेयब लेश्‍शा कोंइताक्‍यी। मिनु गे आं पर्बम शुश मरिम्‍शो लोव़ पाप्‍तीवी। गो मेको नेल्‍ल नेंता।

दानीएल 11:36

पिपमी मार दाक्‍बा, मेको पाइब। मिनु मेकोमी ‘देवी देवता नेल्‍ल आन क्‍येङा ठेयब नङ’ देंब। मिनु परमप्रभु नेल्‍ल आन क्‍येङा ठेयब परमप्रभु आ पर्बम गेनायो मनेंसीशो मरिम्‍शो लोव़ पाइब। मेको आ नोले ङा नाक्‍त मजाक्‍म सम्‍म आ माल्‍शो ताइब। परमप्रभुमी मेको कली सजाइ मगेवा सम्‍म मोदेंशो दुम्‍‍ब। मारदे हना परमप्रभुमी मार पचा मिम्‍बा, मेको पाइब। २थिस्‍सलोनिकी २:४; दानीएल ७:८,२५; प्रकाश १३:५-६

मत्ती 7:2

दोपा नाक्‍तीनी, मोपा नाक्‍चा पुंइसीनीनी। दोपा पुक्‍शा गेनीनी, मोपान पुक्‍शा ताइनीनी। यसैया ३३:१; मर्कूस ४:२४

२ थिस्‍सलोनिकी 2:4

मेकोमी “मानेचा ङा मारेइ मबा” देंब। परमप्रभु यावे नु मानेचा ङा थोव़क आन क्‍येङा आंम कली ठेयब सेल्‍शा, परमप्रभु यावे आ खिंमी निश्‍शा “गो का ला परमप्रभु यावे नङ” देंब। दानीएल ११:३६; मत्ती २४:१५

प्रकाश 13:6

मेकोमी परमप्रभु यावे कली मरिम्‍शो लोव़ पाप्‍तु। मिनु मेकोमी आ नें आ पर्बम, आ बाक्‍तीके आ पर्बम नु आ बाक्‍तीकेमी बाक्‍ब आन पर्बम यो मरिम्‍शो लोव़ पाप्‍तु।