येरमीया 48:3 - Sunuwar Bible

³ नेनीन, होरोनाइम रे वाइ ब्रेश्‍शो नेंसीब। खतम दुम्‍तीके नु क्‍याम्‍तीके आ पर्बम ङाक्‍शो नेंसीब।

येरमीया 48:3 ပူးပေါင်းရင်းမြစ်များ

यसैया 15:2

दीबोन ङा मुर देवी देवता आन थान लाम्‍तेक्‍म। डांडा ङा थानमी ङाक्‍थ लाम्‍तेक्‍म। मोआबीपुकीमी नेबो नु मेदेबा सहर आस पर्बम रोंका पाइनीम। मेको नेल्‍लेम आन चां नु आन गाल शोक्रे प्रेक्‍शो बाक्‍नीम।

यसैया 15:5

आं थुं मोआब आ पर्बम वाइ ब्रेश्‍शा ङाक्‍ब। मेकेर ङा मुरपुकी सोआर नु एग्‍लाथ-शेलीशीया प्रोक्‍‍नीम। मेकोपुकी ङाक्‍ना ङाक्‍न लुहीथ ङा डांडा ङोइक्‍नीम। मेकोपुकीमी होरोनाइम ङा लांमी खतम दुम्‍चा आ पर्बम रोंका पाइनीम।

यसैया 15:8

मारदे हना मोआब रागी नेल्‍लेमी मेको आन ङाक्‍शो नेंसीब। मेको आन रोंका पशो एग्‍लाइम नु बेयर-एलीम सम्‍म जाक्‍दीश्‍शो बाक्‍ब।

यसैया 22:4

मोपतीके गो आं कली मकोव़यीनी। गो हुइ हुइ पा ङाक्‍नुङ। आं कली लेम्‍चा थुं मपने। मारदे हना आं दाक्‍शो मुर खतम दुम्‍तेक्‍म” देंत। येरमीया ८:२३

येरमीया 20:16

परमप्रभु यावेमी मेको मुर कली शिशी मपथु, मेको मुर खतम पोक्‍शो सहर खोदेंशो दुम्‍ल। मेकोमी सुनी ङाक्‍शो ब्रेश्‍शो नु नाक्‍ती लडाइ ङा तुराही ताप्‍शो नेनल। उत्‍पत्ती १९:२४-२८

येरमीया 47:2

परमप्रभु यावेमी मार लोव़ पाप्‍तु देंशा हना “कोव़ङीन उत्तर रे ब्‍वाक्‍कु बारशा यिशो बाक्‍ब। मेकोमी रागी नु मेकेर बाक्‍शो मारेइ मारेइ आन कली सुम्‍ब। सहरपुकी नु मेकेर बाक्‍शो नेल्‍ल आन कली ख्रुम्‍ब। मिनु मुर नेल्‍ल वाइ ब्रेत्‍नीम। मेको रागीम बाक्‍ब मुर नेल्‍ल ङाक्‍नीम।

येरमीया 48:34

हेश्‍बोन नु एलेआले वाइ ब्रेत्‍नीस। मेको याहास सम्‍म नेंसीब। सोआर रे होरोनाइम, एग्‍लाथ-शेलीशीया सम्‍म वाइ ब्रेश्‍शो नेंसीब। मारदे हना निम्रीम ङा ब्‍वाक्‍कु यो सोव़ने थुम्‍शो बाक्‍ब।

येरमीया 48:4

मोआब आ आलपुकीमी ‘मोआब खतम पोक्‍चा पुंइसाक्‍व’ दे वाइ ब्रेश्‍शा ङाक्‍नीम।

येरमीया 48:5

मेकोपुकी लुहीथ ङा ग्‍येत्‍थ लांमी हिशेक पा ङाक्‍ना ङाक्‍न ङोइक्‍नीम। मारदे हना होरोनाइम ङा लुक्‍च लतीक लांमी श्‍येत जशा ङाक्‍शो नेंसीब।

येरमीया 51:54

परमप्रभु यावेम “बेबीलोन रे वाइ ब्रेश्‍शो सेंदा नेंसीब। कल्‍दी ङा मुर आन रागी रे मारेइ मारेइ प्रेश्‍शो रेयके नेंसीब।