येरमीया 48:29 - Sunuwar Bible

²⁹ गो मोआब आ ठेयब लेश्‍शो आ पर्बम लोव़ नेंतक। मेको आ ठेयब दुम्‍तीके, बोरतीके, ठेयब लेत्‍तीके नु थुं ङा ठेयब दुम्‍तीके आ पर्बम नेंतक।

येरमीया 48:29 ပူးပေါင်းရင်းမြစ်များ

भजन संग्रह 138:6

परमप्रभु यावे नेल्‍ल क्‍येङा ठेयब बाक्‍त हना यो, मेकोमी आइक्‍च मुर आन कली कोव़ब। तन्‍न ठेयब लेश्‍शो मुर आन क्‍येङा ङोन बाक्‍ब।

हितोपदेस 18:12

खतम दुम्‍चा क्‍येङा ङोंइती मुर ठेयब लेत्‍नीम। मान तचा क्‍येङा ङोंइती मुर ब्रेम्‍शो दुम्‍‍नीम। हितोपदेस १६:१८

हितोपदेस 21:24

ठेयब लेश्‍शो, बोरशो मुर आ नें शुक्‍शी पाइब बाक्‍ब। मेकोमी ठेयब लेश्‍शो नु बोरशो गेय ला पाइब।

हितोपदेस 30:13

का निक्‍शी मुर ठेयब लेश्‍शो बाक्‍नीम। मेको शुश बोरशो बाक्‍नीम।

हितोपदेस 8:13

परमप्रभु यावे कली मान पा हिंचा, मरिम्‍शो पचा कली काइ मदाक्‍चा बाक्‍ब। फुरती कोंइचा, ठेयब लेश्‍शो दुम्‍चा, मरिम्‍शो थुं ङा गेय पचा नु दूली लोव़ पचा काइ मदाक्‍नुङ।

यसैया 13:11

परमप्रभुमी “गो रागी कली आ मरिम्‍शो पशो आ पर्बम सजाइ गेनुङ। आं अरेशो लोव़ मटिथु, मरिम्‍शो पाइब आन कली सजाइ गेनुङमी। मिनु ठेयब लेश्‍शो आन ठेयब लेत्‍तीके साम्‍पाइक्‍नुङमी। ठेयब श्‍येत गेशा हुकुम पाइब आन कली ब्रेम्‍पाइक्‍नुङमी।

यसैया 16:6

गो मोआब आ ठेयब लेश्‍शा पशो लोव़ नेंतय। मेको थम ठेयब लेश्‍शो बाक्‍ब। मेको आ ठेयब लेत्‍तीके नु बोरशा लोव़ पतीके फश खोदेंशो बाक्‍ब।

दानीएल 4:37

मुल गो, नेबुकदनेसरमी ‘स्‍वर्ग ङा पिप ठेयब बाक्‍ब’ दे मान पाइनुङ। मारदे हना आ पशो नेल्‍ल थमा बाक्‍ब। आ पतीके नेल्‍ल ठीक बाक्‍नीम। मेकोमी ठेयब लेश्‍शो मुर आन कली ब्रेम्‍शो सेल्‍ने चाप्‍ब” दे पिपमी देंत। लूका १:५१; लूका १८:१४

लूका 14:11

मारदे हना ठेयब सुंइसीब कली मुरपुकीमी महिक्‍थु मान मपाइ‍नीमी। ठेयब मसुंइ‍सीब कली चहिं मुरपुकीमी ठेयब सेल्‍शा, मान पाइनीम” दे शेंदीमी बाक्‍त। लूका १८:१४; मत्ती २३:१२; याकूब ४:६,१०

याकूब 4:6

तन्‍न परमप्रभु यावेमी मेको क्‍येङा शुश शिशी पाइब। मिनु “गो ठेयब लेश्‍शो मुर आन कली शिशी मपाइनुङ। ब्रेम्‍शो, ठेयब मलेश्‍शो मुर आन कली ला शिशी पाइनुङ” दे ब्रेक्‍पाइश्‍शो बाक्‍ब। अय्‍युब २२:२९; हितोपदेस ३:३४; मत्ती २३:१२; १पत्रुस ५:५