येरमीया 48:19 - Sunuwar Bible

¹⁹ आरोएर सहरम बाक्‍बपुकी लांमी राप्‍शा कोव़ङीन। प्रोक्‍शो वोंइश मुर नु मीश मुर आन कली ‘मार, दुम्‍मे’ दे हिल्‍लो पने।

येरमीया 48:19 ပူးပေါင်းရင်းမြစ်များ

२ सामुएल 24:5

मिनु मेकोपुकी यर्दन खोला शोक्‍शा, आरोएर सहर नु दिंम आ दाते ङा सहर रे गाद नु याजेर गे लमा बाक्‍त। ब्‍यवस्‍था २:३६

१ इतिहास 5:8

आजाज आ तौ बेला बाक्‍मा बाक्‍त। बेला आ तौ शेमा बाक्‍माक्‍त। मेको योएल आ खिं ङा मुर बाक्‍मा बाक्‍त। मेकोपुकी आरोएर सहरम बाक्‍शो बाक्‍मा बाक्‍त। आन रागी नेबो रे बाल-मेओन सम्‍म बाक्‍माक्‍त।

गन्‍ती 32:34

मिनु गाद आ थर ङा मुरपुकीमी दीबोन, अतारोथ, आरोएर,

ब्‍यवस्‍था 2:36

अरनोन खोल्‍सा ङा दिंमम बाक्‍ब आरोएर सहर रे गिलाद सम्‍म आंइ ग्राने मचाप्‍चा ङा सहर कान मबाक्‍म। परमप्रभु यावे, इं परमप्रभुमी मेको नेल्‍ल आंइ कली ग्राचा गेप्‍तु। यहोसु १३:९; २सामुएल २४:५

यहोसु 12:2

एमोरी आन पिप सीहोन, मेको हेश्‍बोनमी बाक्‍शो बाक्‍माक्‍त। मेकोमी ते ते हुकुम पाइब बाक्‍माक्‍त देंशा हना, अरनोन खोला आ नेक्‍था बाक्‍शो आरोएर रे अरनोन खोला आ दाते रे यब्‍बोक खोला सम्‍म सासन पाइब बाक्‍माक्‍त। मेको अम्‍मोनी आन सांद बाक्‍त। मिनु मेकोमी आधा गिलाद कली यो सासन पशो बाक्‍माक्‍त। गन्‍ती २१:२४

न्‍यायाधीस 11:26

इस्राएलीपुकी सहे सां बर्स सम्‍म हेश्‍बोन नु आ एर ओंथ ङा गाउंपुकी, आरोएर नु मेको आ एर ओंथ ङा गाउंपुकी नु अरनोन आ नेक्‍था ङा सहर नेल्‍लेम बाक्‍मा बाक्‍त। मारदे मेको क्‍येङा ङोंइती इन के मसेल्‍नी?

१ सामुएल 4:16

मिनु मेको मुरुम मेको कली “गो लडाइ रे नक जाक्‍ती। गो लडाइ रे प्रोक्‍शा जाक्‍ती” देंमाक्‍त। मिनु एलीम “ए, आं तौ, मार दुम्‍मे” दे हिल्‍लो पवा बाक्‍त।