येरमीया 48:10 - Sunuwar Bible

¹⁰ सु सुमी परमप्रभु यावे आ गेय देश पा पाइनीमी, मेको सराप राइनीम। आंम तरवार कली हुश ख्राक्‍श पोक्‍तीके रे तेक्‍ब सराप राइ‍नीमी।

येरमीया 48:10 ပူးပေါင်းရင်းမြစ်များ

१ राजा 20:39

मिनु पिप मेको आ नेक्‍था रे लमेनु, मेकोमी पिप कली ब्रेश्‍शा “गो इन वाइल लडाइ पतीकेम जाक्‍दीश्‍शो नङ। मिनु मेकेर लडाइ पाइब मुर काम फ्रेंशो मुर का चाक्‍शा आं बाक्‍तीक जाक्‍त। मिनु मेकोमी आं कली ‘एको मुर जिम्‍मा ब्रावो। एको मुर दोकका पा प्रोक्‍त हना, एको आ पा ङा गे बेक्‍चा माल्‍नेवे कि टलेन्‍ट का चांदी थाप्‍चा माल्‍नेवे’ दें‍त। टलेन्‍ट का ३४ किलो बाक्‍ब। २राजा १०:२४

१ राजा 20:40

मिनु गो, इन वाइल, गेय पा बाक्‍ङा सम्‍म, मेको ग्‍याइश्‍शो मुर प्रोक्‍माक्‍त” देंमाक्‍त। मिनु इस्राएल ङा पिपमी मेको कली “गे इ निसाफ आंमान पाप्‍तीवी। मेकोन इ कली पतीक निसाफ बाक्‍ब” देंमाक्‍त।

१ राजा 20:42

मिनु मेकोमी पिप कली “परमप्रभु यावेमी ‘गो साइक्‍चा कली ठीक पशो मुर कली गे प्रोंइतीवी। मोपतीके मेको आ पा ङा गे बेक्‍चा माल्‍नेवे। मिनु मेको आ मुर आन पा ङा इ मुर बेक्‍चा माल्‍नीम’ देंत” देंमाक्‍त।

२ राजा 13:19

मिनु परमप्रभु आ मुरुमी गाइश्‍शा मेको कली “गे खपीम ५, ६ खेयप तुप्‍‍चा माल्‍शो नवे। मिनु गे अराम कली गेना हना यो कली ग्राङे वा। तन्‍न मुल गे अराम कली खेयप सां ला ग्रानेवे” दे मदा बाक्‍त।

येरमीया 11:3

गे मेको आन कली ‘इस्राएली आन परमप्रभु यावेम मार देंत देंशा हना, सु सुमी एको कबल मखाप्‍नीमी, मेको सराप राइनीम। ब्‍यवस्‍था २७:२६;

येरमीया 47:6

“परमप्रभु यावे आ तरवार, गे ग्रीचा गेना नाइक्‍नेवे? इन तरवार खोतम पिप्‍तीन। गे नाइश्‍शा सिक्‍सी पा बाक्‍कीन।

येरमीया 47:7

गे दोपा सिक्‍सी पा बाक्‍ने चाप्‍नीनी? मारदे हना परमप्रभु यावेमी मेको कली अरेशो बाक्‍ब। मेकोमी मेको कली अश्‍कलोन नु समुन्‍द्र आ शुंइच ङा रागी आन कली गेय पचा कली अरेशो बाक्‍ब?” देंत।

येरमीया 50:25

परमप्रभु यावेम आ या वोइक्‍तीक खिं रोक्‍तु। मिनु आ चुर‍शो ङा या ग्रुंइताक्‍व। मारदे हना मुर नेल्‍ल आन परमप्रभु यावेमी कल्‍दी आन रागीम गेय का पचा माल्‍ब।

येरमीया 50:27

मेको आ सांढे ब्‍यफ नेल्‍ल सतीन। मेको आन कली क्‍योरचा कली लतीन। आबी, आबी, मेको आन नाक्‍ती जाक्‍त। मेको आन कली सजाइ गेतीक नाक्‍ती जाक्‍त।

यहोसु 10:19

तन्‍न गेपुकी मो मबाक्‍कीन। इन जोरी सत्रु आन कली खेदा पना पन ङोंइती बारीन। नेल्‍ल क्‍येङा नोले ङा सम्‍म यो सतीन। मेको आन कली लेंशा, आन सहर ओव़चा मगेन। मारदे हना परमप्रभु यावे, इन परमप्रभुमी मेको इन गुइमी गेशो बाक्‍ब” देंत।

न्‍यायाधीस 5:23

परमप्रभु यावे आ स्‍वर्ग ङा गेय पाइबमी ‘मेरोज कली सराप पावो। मिनु मेकेर बाक्‍ब मुर आन कली सराप पावो। मारदे हना मेकोपुकीमी परमप्रभु यावे कली मारेइ यो वारच मपाम’ देंत।

१ सामुएल 15:3

अमालेकी आन कली लडाइ तोशा, मेको आन कली सतीन। मेको आन शोंप नेल्‍ल खतम पोक्‍कीन। मारेइ मप्रोनीन। नेल्‍ल आन कली खतम पोक्‍कीन। मेको आन मीश मुर, वोंइश मुर, मीश आल, वोंइश आल, दूध तूब आल, बी ब्‍यफ, क्‍यारश भेडा, दलओंठ नु गधा नेल्‍ल आन कली खतम पोक्‍कीन” देंमाक्‍त।

१ सामुएल 15:9

सावल नु मेको आ लडाइ पाइबपुकीमी पिप अगाग आ रिम्‍शो भेडापुकी, बी ब्‍यफ, दोम्‍शो बस्‍तु भाव, पाठापुकी नु वोइक्‍चा ङा मारेइ मारेइ प्रोंइशा वोदमे बाक्‍त। मेकोपुकीम मेको आन कली खतम पोक्‍चा मदाक्‍तमे बाक्‍त।