येरमीया 46:4 - Sunuwar Bible

⁴ शाराम लगम पाइक्‍तीन। शारा ङोंइसीन। कांसा के ताकी गुक्‍शा इन तूतीक शेप्‍पीन। इन कांसा के फेक्‍तीक फेक्‍सीन।

येरमीया 46:4 ပူးပေါင်းရင်းမြစ်များ

२ इतिहास 26:14

मिनु उज्‍जीयाहमी लडाइ पाइब नेल्‍ल आन कली तेक्‍तीके, तूतीक, फलाम के टोपी, कुचुम पांइतीके, लिब्रा नु हुरद आप्‍तीक फुल्‍लु ठीक पा गेवा बाक्‍त।

नेहेम्‍याह 4:16

मेको नाक्‍त ङा मेरे गो आंइ उइक्‍थ मुरपुकीमी गारो प्रोव़शा बाक्‍शो। मिनु लीशो उइक्‍थ मुरपुकीमी तूतीक, तेक्‍तीक नु लिब्रा कुरशा, फलाम के फेक्‍तीक फेक्‍शा बाक्‍तेक्‍म। मिनु ठेयब मुरपुकीमी गारो प्रोव़‍ब यहूदा ङा मुर नु गारशा, आन थुं बारपाइक्‍तेक्‍म।

यसैया 8:9

गे रागी रागी ङा मुर गारशा सुर्ता पने। गे खतम दुम्‍पाइक्‍चा पुंइसीनीनी। गे ङोन रागी ङा मुर नोफा दाइश्‍शा नेनीने। लडाइ पचा कली किप्‍शुर किम्‍सीन। मिनु हिनीन। लडाइ पचा कली ठीक दुमीन। मिनु सुर्ता पने।

येरमीया 46:14

मार लोव़ पाप्‍तु देंशा हना “इजीप्‍तमी एको लोव़ नेंपतो। मिग्‍दोलमी एको लोव़ नेंपतो। मेम्‍फीस नु ताहपनेसमी यो एको लोव़ नेंपतो। गे नेल्‍ल ठीक दुम्‍शा आंम आंम राप्‍तीकेम र‍पीन। मारदे हना तरवारम इन एर ओंथ नेल्‍ल साइक्‍तु।

येरमीया 51:11

इन ब्रा शेप्‍पीन। मिनु ब्रा कुरतीक प्रिंदीन। परमप्रभु यावेम मादी आन पिप कली लडाइ पपाइक्‍तु। मारदे हना मेकोमी बेबीलोन कली खतम सेल्‍चा कली मिम्‍ताक्‍व। मेको आ खिं आ पर्बम क्‍येक्‍क लेत्‍तीके बाक्‍ब। यसैया १३:१७; येरमीया ५०:२८

येरमीया 51:3

लिब्रा आप्‍बम आ लिब्रामी ब्रा मचुइक्‍तल। मिनु लडाइ पाइबमी आ लडाइ ङा वा मफेक्‍सेक्‍ल। मेको आ ठिटा मुर आन कली मप्रोनीन। मेको आ लडाइ पाइब नेल्‍ल आन कली सतीन।

इजीकीएल 21:28

ए मुर, गे चहिं आं लोव़ पावो। गो, परमप्रभु, परमप्रभु यावेमी अम्‍मोनी नु मेको आन शुक्‍शी पशो आ पर्बम मार देंनुङ देंशा हना “साइक्‍चा कली तरवार शोइश्‍शो बाक्‍ब। साइक्‍चा कली शेप्‍शा टल्‍केशो बाक्‍ब। मेको चिला खोदेंशो पा दाप्‍ब बाक्‍ब। इजीकीएल २५:२-७

योएल 3:9

मिनु परमप्रभुमी “एको लोव़ रागी रागी ङा मुर आन दातेम नेंपतीन। लडाइ पचा कली ठीक दुमीन। लडाइ पाइब आन कली ब्रेत्‍तीन। बुक्‍तीक आ नेक्‍था जाक्‍चा माल्‍नीम।

१ सामुएल 17:38

मिनु सावलमी दाऊद कली आ लडाइम फेक्‍तीक फेक्‍‍पदा बाक्‍त। कांसा के टोपी आ पियाम गुप्‍ता बाक्‍त। मिनु आ कांसा के फेक्‍तीक यो फेक्‍ता बाक्‍त।

१ सामुएल 17:5

मेको आ पियामी कांसा के टोपी बाक्‍माक्‍त। ५ हजार शेकेल ङा कांसा के फेक्‍तीक फेक्‍शो बाक्‍माक्‍त। शेकेल का ११.५ ग्राम, तोला का खोदेंशो बाक्‍ब।