येरमीया 46:28 - Sunuwar Bible

²⁸ आं गेय पाइब याकूब गे महिनो। मारदे हना गो गे नु बाक्‍शो बाक्‍नुङ। गो इ कली तेको रागी ङा मुर आन दातेमी ब्रपदु, मेको रागी ङा मुर नेल्‍ल आन कली क्‍याम्‍‍नुङमी। तन्‍न गो इ कली मक्‍याम्‍‍नुङ। गो इ कली ठीक सजाइ गे‍नुङ। गो इ कली सजाइ मगेथु मप्रोंइनुङ” देंत। येरमीया १०:२४; येरमीया ३०:११

येरमीया 46:28 ပူးပေါင်းရင်းမြစ်များ

भजन संग्रह 46:11

मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। ठेयब सेंदा पा।

भजन संग्रह 46:7

मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। ठेयब सेंदा पा।

यसैया 27:7

मार, परमप्रभुमी आ कली तुप्‍ब आन कली तुप्‍शो खोदेंशो पा मेको आन कली यो तुप्‍बा? परमप्रभुम आ कली साइक्‍ब आन कली साइश्‍शो खोदेंशो पा मेको यो साइक्‍चा पुंइसमा? येरमीया ३०:११

यसैया 27:9

मोपतीके मेको रे पा याकूब आ मुर आन दोस क्‍याम्‍सीब। मेको आन पाप पशो आ पर्बम मो पचा पुंइसीशो बाक्‍तेक्‍म। मेकोमी चढ़ेतीके ङा फुल्‍लु खरी खोदेंशो पा फस सेल्‍ब। मिनु मूर्ति पाइश्‍शो थाम नु धूप चोशा चढ़ेतीक काइ मलीपाइक्‍ब। लेवी २६:३०

यसैया 41:10

महिनो, मारदे हना गो गे नु बाक्‍नुङ। आइक्‍च थुं मपावो। मारदे हना गो इ परमप्रभु नङ। गो इ कली बोल्‍यो सेल्‍शा, वारच पाइनुङ। गो इ कली आं ग्राब ग्‍युरा गुइमी वारच पाइनुङ। यसैया ४३:१

यसैया 43:2

गे ब्‍वाक्‍कु शोक्‍शा, गाक्‍चा माल्‍ते हना यो, गो गे नु बाक्‍नुङ। खोला शोक्‍साक्‍वे हना यो, मेकोम इ कली मयोल्‍ब। मीम गाक्‍शा लवेनु, मेकोम इ कली मजेप्‍ब। मेको मीम इ कली मदाक्‍ब। प्रस्‍थान १४:२१; भजन संग्रह ६६:१२; दानीएल ३:२५-२७

यसैया 44:1

मिनु “याकूब, आं गेय पाइब, मुल नेनो। आं योव़शो इस्राएल, नेनो।

यसैया 45:23

गो आं नेंमी कसम जाता। गो ठीक लोव़ पाता। एको लोव़ मक्‍याम्‍सीब। मुर नेल्‍ले आं ङोंइती पोक्‍च थेक्‍चा माल्‍नीम। आं नेंमी कसम जचा माल्‍नीम। रोमी १४:११; फिलिप्‍पी २:१०-११

येरमीया 1:19

मेकोपुकीमी इ कली लडाइ तोइनीम। तन्‍न इ क्‍येङा ग्राने मचाप्‍नीम। मारदे हना इ कली प्रोंइचा कली गो गे नु बाक्‍नुङ” दे परमप्रभु यावेमी देंत।

येरमीया 10:24

परमप्रभु यावे, आं कली रिम्‍शो सेल्‍यीनी। तन्‍न ठीक निसाफ पतीकेम ला रिम्‍शो सेल्‍यीनी। इन गाइक्‍तीकेम ममाइ। मो दुम्‍त हना, गे आं कली साइक्‍नीनी। येरमीया ३०:११; येरमीया ४६:२८; भजन संग्रह ६:२; हबकुक १:१२

येरमीया 15:20

गो इ कली, एको मुर आन ङोंइती कांसा के बोल्‍यो गारो सेल्‍नन। मेकोपुकीमी इ कली लडाइ तोइनीम। तन्‍न इ क्‍येङा मग्रानीम। मारदे हना गो इ कली प्रोंइचा कली नु वारच पाइक्‍चा कली गे नु बाक्‍नुङ। येरमीया १:१८-१९

येरमीया 23:4

गो मेको आन कली योव़ब गोठलापुकी वोइक्‍नुङमी। मिनु मेको आन कली योव़नीम। मेना भेडा महिंनीम। सुर्ता मपाइनीम। मेको आन दाते ङा का यो मजाम्‍नीम” दे परमप्रभु यावेमी देंत। येरमीया ३:१५

येरमीया 25:9

गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३

येरमीया 30:10

गे आं गेय पाइब याकूब महिनो। गे इस्राएल सुर्ता मपावो। गो इ कली ङोन रागी रे चाक्‍नुङ। इ आल आन कली ग्‍याइश्‍शा लाइश्‍शो रागी रे प्रोंइशा चाक्‍नुङ। याकूब कली लेंशा थुं नाइश्‍शा, हेम्‍मा पा बाक्‍तीक दुम्‍ब। मेको कली सुइम हिंच कोंइने मचाप्‍नीम। येरमीया ४६:२७; यसैया ४३:५-६

येरमीया 30:11

मारदे हना गो इ कली प्रोंइचा कली गे नु बाक्‍नुङ। इन कली फ्रशा वोइश्‍शो रागी रागी ङा मुर नेल्‍ल आन कली साइक्‍नुङमी। तन्‍न गो इ कली गेनायो मक्‍याम्‍नुङ। गो इ कली ठीक सजाइ गेनुङ। गो इ कली थमा पा सजाइ मगेथु, मप्रोंइनुङ” दे परमप्रभु यावेमी देंत। येरमीया १०:२४; ब्‍यवस्‍था ८:५

येरमीया 4:27

मिनु परमप्रभु यावेम मार, देंत देंशा हना “रागी नेल्‍ल मुर मबाक्‍तीके दुम्‍त हना यो, गो मेको नेल्‍ल मक्‍याम्‍नुङमी। येरमीया ५:१८; येरमीया १०:२४; येरमीया १८:३-८; आमोस ९:८

येरमीया 5:10

परमप्रभु यावेम आं कली “गे मेको आन अङगुर बोट दिम्‍शा ताइश्‍शा पावो। तन्‍न नेल्‍ल श्‍येत्‍थ मपोक्‍को। मेको आ राशी इत्‍तो। मारदे हना मेको परमप्रभु यावे आ मुर मनम।

येरमीया 5:18

मो हना यो, गो मेको नाक्‍ती इन कली नेल्‍ल मसाइक्‍पाइक्‍नुङ। येरमीया ४:२७

येरमीया 51:46

रागीम मारेइ रेयके नेंनीनु, इन थुं ग्‍येत्‍थ लुक्‍च मदुमीन। महिनीन। एको बर्सम खाल का ङा रेयके नु अर्को बर्सम अर्को खाल ङा रेयके नेंसीब। मेको रागीम हुश ख्राक्‍श पोक्‍शोनु, सासन पाइब कामी अर्को सासन पाइब कली जिचा तोशो रेयके बाक्‍ब।

दानीएल 2:35

मिनु मेको फलाम, खप, कांसा, चांदी नु सुन नेल्‍ल ब्रोल चिल दुम्‍तेक्‍म। मिनु फशेमी खला ङा भूस हुरशा लाइश्‍शो खोदेंशो पा मारेइ मवोइक्‍थु, ग्‍यौ फिक्‍शा योल्‍ताक्‍व। मिनु मेको मूर्ति कली ख्रशो फुल्‍लु बारना बारन लशा, ठेयब डांडा दुम्‍शा, रागी नेल्‍ल ब्रीत।

हबकुक 3:2

“परमप्रभु यावे, गो इन पशो नेल्‍ल नेंता। परमप्रभु यावे, गो इन पशो तशा, इन कली ठेयब सेल्‍नुङ। आंइ ब्रोंइतीक नाक्‍तीमी मेको लेंशा कोंइदीन। मेको तुइक्‍पतीन। गे गाइक्‍ताक्‍नी हना, यो इन शिशी मिम्‍तीन।

मत्ती 1:23

“नेनीने, कन्‍ने मीश आलमी कोव़ज कुरशा, तौ का थीब। मेको आल आ नें इम्‍मानुएल वोइक्‍नीम। इम्‍मानुएल देंशो ‘परमप्रभु यावे गोपुकी नु बाक्‍शो बाक्‍ब’ दे रुम्‍सीब” दे ब्रेक्‍शो बाक्‍ब। यसैया ७:१४

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

प्रेरित 18:10

मारदे हना गे नु काथा बाक्‍शा, इ कली कोव़नन। मिनु सुइमी इ कली मरिम्‍शो पने मचाप्‍नीम। मेको सहरमी बाक्‍ब शुश मुर आन कली योव़ने थुम्‍ता” देंशो नेंना बाक्‍त। यूहन्‍ना १०:१६

१ कोरिन्‍थी 11:32

तन्‍न प्रभुमी आंइ कली नाक्‍शा सजाइ गेब। मेको शेंचा कली बाक्‍ब। मोपा रागी ङा मुर नु काथा बाक्‍शा, जाम्‍शा मलाइनीकी। हितोपदेस ३:११-१२

२ तिमोथी 4:17

तन्‍न प्रभु गो नु बाक्‍शा, अर्को रागी ङा मुर आन कली परमप्रभु यावे आ लोव़ नेल्‍ल शेंचा सक्ति गेती। मोपा आं कली गुप्‍स रे प्रोंइती। प्रेरित २३:११; प्रेरित २७:२३

यहोसु 1:5

गे मबेक्‍ङे सम्‍म इ कली सुइमी यो फ्रुने मचाप्‍नीम। गो दोपा मोसा नु बाक्‍ङा, मोपा गे नु यो बाक्‍नुङ। गो इ कली गेना हना यो कोव़नुङ। मिनु गेनायो मप्रोंइनुङ। ब्‍यवस्‍था ३१:७,८; हिब्रू १३:५

यहोसु 1:9

गो इ कली ‘बोल्‍यो नु महिंब दुमो’ देंती। इ थुं लुक्‍च मलल। गे गेनायो हिंशा ख्रिंख्रि मपावो। मारदे हना गे ते लते हना यो, गो, परमप्रभु यावे, इ परमप्रभु, गे नु बाक्‍नुङ” दे परमप्रभु यावेमी यहोसु कली देंत।

प्रकाश 3:19

गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। हितोपदेस ३:१२; १कोरिन्‍थी ११:३२; हिब्रू १२:६