येरमीया 46:26 - Sunuwar Bible

²⁶ गो मेको आन कली साइक्‍चा माल्‍ब बेबीलोन ङा पिप नेबुकदरेसर नु आ लडाइ पाइब आन ठेयब मुर आन गुइमी गेनुङमी। मेको नोले इजीप्‍त रागी ङोंइती ङा खोदेंशो पा मुर बाक्‍तीक रागी दुम्‍ब” दे परमप्रभु यावेम देंत। इजीकीएल २९:१४

येरमीया 46:26 ပူးပေါင်းရင်းမြစ်များ

यसैया 19:4

गो इजीप्‍त ङा मुर आन कली शिशी मपथु, सासन पाइब आ गुइमी जिम्‍मा गेनुङमी। मिनु हिंचा ङा पिपमी मेको आन कली सासन पाइब” दे परमप्रभु, मुर नेल्‍ल आन परमप्रभु यावेमी देंत।

येरमीया 44:30

परमप्रभु यावेम “गो इजीप्‍त ङा पिप फाराओ होफ्रा कली आ जोरी सत्रु नु मेको कली साइक्‍चा माल्‍ब आन गुइमी गेनुङ। दोपा गो यहूदा ङा पिप सिदकीयाह कली आ जोरी सत्रु बेबीलोन ङा पिप नेबुकदरेसर आ गुइमी गेङा, मोपा इजीप्‍त ङा पिप कली साइक्‍ब आन गुइमी गेनुङ” दे परमप्रभु यावेमी देंत। इजीकीएल २९:१९

येरमीया 48:47

मो हना यो गो नोले ङा नाक्‍ती मोआब आ शोंप लेश्‍शा गेनुङ। मोपा मोआब आ निसाफ नुप्‍त” दे परमप्रभु यावेमी देंत।

येरमीया 49:39

परमप्रभु यावेमी “मो हना यो गो मुल नोले ङा नाक्‍ती एलाम ङा मुर आन शोंप लेश्‍शा गे‍नुङमी” दे परमप्रभु यावेमी देंत।

इजीकीएल 32:11

मारदे हना परमप्रभु, परमप्रभु यावेमी “बेबीलोन ङा पिप आ तरवारम इ तार जाक्‍ब।

आमोस 9:11

परमप्रभु यावे, इन परमप्रभुमी “गो मेको नाक्‍त दाऊद आ ब्रेश्‍शो खिं आन कली लेंशा सेल्‍नुङ। मिनु मेको आ ब्रेश्‍शो गारो आ पोव़ला सुइ‍नुङ। मिनु मोपा नेल्‍ल साइ ङोंइती ङा खोदेंशो सेल्‍नुङ। १राजा १२:१९; प्रेरित १५:१६-१७