येरमीया 46:25 - Sunuwar Bible

²⁵ मुर नेल्‍ल आन परमप्रभु यावे, इस्राएली आन परमप्रभुम “गो थेबेस सहर ङा आमोन फाराओ, इजीप्‍त रागी नु आ देवी देवता नु आ पिप आन कली सजाइ गेनुङ। गो फाराओ नु मेको आ सक्ति कली थमा सुइक्‍ब नेल्‍ल आन कली सजाइ गेनुङ। येरमीया ४३:१२-१३; यसैया २४:२१

येरमीया 46:25 ပူးပေါင်းရင်းမြစ်များ

प्रस्‍थान 12:12

मेको नाक्‍दो गोमी इजीप्‍त रागी हिरशा, इजीप्‍त ङा मुर आन ङोंइती जरमेशो तौ नेल्‍ल साइक्‍नुङमी। बस्‍तु भाव आन के यो ङोंइती जरमेशो नेल्‍ल साइक्‍नुङमी। इजीप्‍त ङा देवी देवता नेल्‍ल आन कली सजाइ गेनुङमी। गो, परमप्रभु यावे मेकोन पाइनुङ। गन्‍ती ३३:४

यसैया 19:1

मिनु परमप्रभु यावेम इजीप्‍त आ पर्बम यसैया कली “कोव़ङीन, परमप्रभु यावे रीब पा बेरब गोस्‍सुम इजीप्‍त रागी जाक्‍ब। मेकेर ङा मूर्तिपुकी हिंशा ख्रिंख्रि पाइनीम। इजीप्‍त ङा मुर आन थुं लुक्‍च लाइब।

येरमीया 44:30

परमप्रभु यावेम “गो इजीप्‍त ङा पिप फाराओ होफ्रा कली आ जोरी सत्रु नु मेको कली साइक्‍चा माल्‍ब आन गुइमी गेनुङ। दोपा गो यहूदा ङा पिप सिदकीयाह कली आ जोरी सत्रु बेबीलोन ङा पिप नेबुकदरेसर आ गुइमी गेङा, मोपा इजीप्‍त ङा पिप कली साइक्‍ब आन गुइमी गेनुङ” दे परमप्रभु यावेमी देंत। इजीकीएल २९:१९

येरमीया 49:3

परमप्रभु यावेमी “हेश्‍बोन रोंका पावो। मारदे हना ऐ सहर खतम पोक्‍शो बाक्‍ब। गे रब्‍बाह ङा तमी, वाइ ब्रेश्‍शा ङाक्‍कीन। भाङग्रा फेंसी‍शा रोंका पने। वाम ग्‍याम दुम्‍शा एर ओंथ दोरीन। मारदे हना मिल्‍कोम, आ चढ़ेबपुकी नु आ नोले खोइक्‍ब ग्‍याइश्‍शा लाइक्‍चा पुंइसाक्‍म।

इजीकीएल 30:22

मोपतीके परमप्रभु, परमप्रभु यावेमी गो इजीप्‍त रागी ङा पिप फाराओ कली लोव़ का पाइनुङ। गो मेको आ गुइ निम्‍फा जिक्‍नुङ। आ बोल्‍यो गुइ नु आ ङोंइती जिक्‍शो गुइ जिक्‍नुङ। आ गुइ रे तरवार तोक्‍नुङ।

सेफन्‍याह 2:11

परमप्रभु यावेमी मेको आन कली थम मरिम्‍शो पाइब। रागी ङा देवी देवता नेल्‍ल आन कली खतम पोक्‍ब। नेल्‍ल आन बाक्‍तीकेमी बाक्‍शा, मेको आ ङोंइती बाप्‍चा माल्‍नीम। रागी रागी समुन्‍द्र आ सुंगी नु टापु ङा मुर नेल्‍ल परमप्रभु यावे आ ङोंइती बाप्‍नीम’ देंत।