येरमीया 46:21 - Sunuwar Bible

²¹ मेको आ गाल्‍च ताक्‍शा लडाइ पाइबपुकी यो दोम्‍शो बाछा खोदेंशो बाक्‍नीम। मेको यो नेल्‍ल हिरशा लशा काथा प्रोक्‍तेक्‍म। मेको राप्‍शा मदिक्‍नीम। मारदे हना मेको आन हिंचा ङा श्‍येत जतीक नाक्‍ती जाक्‍शो बाक्‍ब। मेको आन सजाइ तची ना जाक्‍त।

येरमीया 46:21 ပူးပေါင်းရင်းမြစ်များ

२ सामुएल 10:6

मिनु अम्‍मोन ङा मुरपुकीमी दाऊद कली गाइक्‍पाइश्‍शो तुइक्‍तमे बाक्‍त। मिनु अम्‍मोन ङा मुरपुकीम बेथ-रेहोब, सोबाह ङा २० हजार मुर नु अराम ङा खोइलीम गाक्‍ब लडाइ पाइब आन कली गाल्‍च थाप्‍शा चाक्‍गमे बाक्‍त। मेकोपुकीम माकाह ङा पिप नु हजार का मुर नु तोब रागी रे १२ हजार मुरपुकी गाल्‍च थाप्‍शा चाक्‍गमे बाक्‍त।

२ राजा 7:6

मारदे हना परमप्रभुमी अरामी आन कली शारा बग्‍गी नु ठेयब लडाइ पाइब हुल आन रेयके नेंपाइश्‍शो बाक्‍माक्‍त। मिनु मेकोपुकीम आंम आंमा “इस्राएल ङा पिपम गोपुकी नु लडाइ पचा कली हित्ती नु इजीप्‍त ङा पिप कली क्‍येट थाप्‍शा ब्रेत्‍तीमी बाक्‍त, थांका” देंमुमा बाक्‍त। २राजा १९:७

भजन संग्रह 37:13

तन्‍न परमप्रभु मेको आन कली तशा, रिप्‍ब। मारदे हना मेको आन नाक्‍त नुप्‍शो तुइश्‍शो बाक्‍ब। अय्‍युब १८:२०

हितोपदेस 15:17

काइ मदाक्‍शो मुर नु ब्रोव़शो श्‍ये खमे जचा क्‍येङा, दाक्‍मुशा चूले खमे जशो रिम्‍शो बाक्‍ब।

यसैया 10:3

मिनु सजाइ गेतीक नाक्‍तीमी मार पाइनीनी? ङोन रे जाक्‍शो हिंचा ङा श्‍येतमी मार पाइनीनी? “वारच पाइय्‍यीनी” दे सु आ बाक्‍तीके प्रोक्‍नीनी? इन शोंप ते वोइक्‍नीनी?

यसैया 34:7

ब्‍वाकी ङा ब्‍यफ मुरपुक नु गोल्‍नीम। बाछापुकी बोल्‍यो सांढे ब्‍यफपुक नु गोल्‍नीम। मेको आन रागी हुशेम जारशो बाक्‍ब। मेकेर ङा खप बोंसोम ब्रीशो बाक्‍ब।

येरमीया 18:17

गो मेको आन कली पूर्ब ङा फशेम खोदेंशो पा आन जोरी सत्रु आन ङोंइती एर ओंथ ब्रपाइक्‍नुङमी। मेको आन हिंचा ङा नाक्‍ती गो मेको आन कली आं ची कोंइनुङमी। आं कुल मकोंइनुङमी” देंत। येरमीया २:२७

येरमीया 46:22

मेकोमी ग्रेशा गाक्‍शा, प्रोक्‍शो बुस्‍सुम खोदेंशो पा रेयके पाइब। मारदे हना आ जोरी सत्रु ङोंइती बारशा, खा कुरशा रवा तिम्‍ब मुर खोदेंशो पा जाक्‍नीम।

येरमीया 46:5

गो मारदे मेको आन कली हिंशो तङमी? मेकोपुकी नोले शोंइसीशो बाक्‍नीम। मेको आन लडाइ पाइबपुकी आन थुं लुक्‍च लत। मेकोपुकी रीब पा प्रोक्‍तेक्‍म। मेकोपुकीमी नोले लेश्‍शा मकोव़नीम। तेइ तेइ हिंतीकेइ हिंतीके बाक्‍ब” दे परमप्रभु यावेम देंत। येरमीया २०:३

येरमीया 46:9

शारापुकी दोरशा ङोंइती लने। बग्‍गी खुल्‍बपुकी थाम्‍पा दोरपतीन। लडाइ पाइबपुकी बारीने। कूश एथीयोपीया नु पूत ङा मुरपुकीमी तेक्‍तीक कुरनीम। लूद ङा मुरपुकीमी लिब्रा आप्‍नीम।

येरमीया 48:44

हिंचा ङा श्‍येत रे प्रोक्‍ब बिक्‍तीकेम बिक्‍नीम। मिनु बिक्‍तीके रे ङोइश्‍शा ग्रूब ब्‍वारदम रेत्‍चा पुंइसीनीम। मारदे हना गो मोआब कली आ सजाइ गेतीक बर्सम मोदेंशो पाइनुङ” दे परमप्रभु यावेमी देंत।

येरमीया 49:8

ए देदानम बाक्‍बपुकी, लेश्‍शा प्रोक्‍कीन। लुक्‍च लने। मारदे हना गो एसाव कली सजाइ गेची ना मेको कली हिंचा ङा श्‍येत गे‍नुङ।

येरमीया 50:11

परमप्रभु यावेम “गे ग्‍येरसीनीनी। शुश ग्‍येरसीने। गे आं शोंप रोइक्‍ब बाक्‍नीनी। दांइ पाइब मगिक्‍शो बी खोदेंशो पा प्रेनीनी। गे शारा खोदेंशो पा ग्रीनीनी।

येरमीया 50:27

मेको आ सांढे ब्‍यफ नेल्‍ल सतीन। मेको आन कली क्‍योरचा कली लतीन। आबी, आबी, मेको आन नाक्‍ती जाक्‍त। मेको आन कली सजाइ गेतीक नाक्‍ती जाक्‍त।

इजीकीएल 30:22

मोपतीके परमप्रभु, परमप्रभु यावेमी गो इजीप्‍त रागी ङा पिप फाराओ कली लोव़ का पाइनुङ। गो मेको आ गुइ निम्‍फा जिक्‍नुङ। आ बोल्‍यो गुइ नु आ ङोंइती जिक्‍शो गुइ जिक्‍नुङ। आ गुइ रे तरवार तोक्‍नुङ।

इजीकीएल 35:5

गे साइ इस्राएल कली ईख कुरतीवी। मिनु इस्राएली आन श्‍येत जची ना नु आन नोले ङा सजाइ तची ना तरवारम क्‍योरचा कली जिम्‍मा गेप्‍तीवी। भजन संग्रह १३७:७

होसे 9:7

मिनु सजाइ गेतीक नाक्‍त जाक्‍शो बाक्‍ब। क्‍येक्‍क लेत्‍तीक नाक्‍त यो जाक्‍शो बाक्‍ब। इस्राएल ङा मुरपुकीमी मेको तुइक्‍‍नीम। परमप्रभु यावे आ लोव़ पाइब गुक्‍शो खोदेंशो पा बाक्‍नीम। मेकोपुकी गशो दुम्‍तेक्‍म। मारदे हना इन मरिम्‍शो पचा नु मदाक्‍चा आ पर्बम मोदेंशो दुम्‍त।

आमोस 6:4

आबी, मेको हात्ती आ दारा के सेल्‍शो खाटमी इप्‍नीमी। आन इप्‍‍तीकेमी गोल्‍शा बाक्‍नीमी। मेकोपुकीम क्‍यारश भेडा आन पाठा नु गोठ ङा बाछा ब्‍वाइनीमी।

ओबदिया 1:13

आं मुर हिंचा ङा श्‍येत जामे नाक्‍त, गे मेको आन लाप्‍चो रे मओव़चा माल्‍शो नवे। यहूदा ङा मुर खतम दुम्‍मा नाक्‍ती, गे मेको मरिम्‍शो पाइबपुकी नु मगारचा माल्‍शो नवे। मेको हिंचा ङा श्‍येत जामे नाक्‍ती गे मेको आन शोंप रोइश्‍शा मलाइक्‍चा माल्‍शो नवे।

मीका 7:4

मेको आन दा‍ते ङा नेल्‍ल क्‍येङा रिम्‍शो मुर चू रवा खोदेंशो बाक्‍ब। मेको आन दाते ङा गेना हना यो रिम्‍शो पाइब थरपु हिरशो चू खोदेंशो बाक्‍ब। इन खाल पाइब आन नाक्‍त जाक्‍शो बाक्‍ब। मेको नाक्‍ती इन कली कोव़बमी इन कली ग्रुम्‍थ जाक्‍ब। मुल मेको आन कली खतम सेल्‍तीक नाक्‍त जाक्‍ब।

मत्ती 22:4

मिनु लेंशा अरु गेय पाइब आन कली ‘नेनीने, गो जचा थोव़की सेल्‍शा ठीक पाता। लो, जथ जाक्‍कीन, दे मतीन’ दे ब्रेत्‍थ सोइक्‍तीमी बाक्‍त।

ब्‍यवस्‍था 32:15

मिनु येशुरुनमी दोम्‍शा ताइक्‍तु। गे दोम्‍ते। गे दोम्‍शा, ठेयब लेश्‍शो दुम्‍ते। मेकोमी आ कली सेल्‍ब परमप्रभु कली प्रोंइतु। मिनु आ श्‍येत रे प्रोंइब सेरथे फुल्‍लु, कली प्रोंइतु। येशुरुन याकूब-इस्राएल कली मान पतीक नें बाक्‍ब। ब्‍यवस्‍था ३३:५,२६; यसैया ४४:२; ब्‍यवस्‍था ३१:२०; नेहेम्‍याह ९:२५